All I Ever Wanted

• 21 •

Iniwanan namin ang kotse at nilakad ang kaunting distansya papunta sa restaurant.

Nang pumasok kami sa loob, marami na ang kumakain. Pero may mga vacant table pa naman. Naglakad kami papunta sa isang bakanteng mesa. Nauuna si Kale at nasa likuran niya naman ako. Malapit na naming marating ang mesa nang may aksidente akong nakabangga at ang hawak niyang iced tea ay natapon sa akin.

"Naku! Sorry, hija," sabi niya.

Tumingin ako sa nakabangga sa akin at nakita ang babaeng mga nasa early forties. Ang mukha niya, parang pamilyar. Parang nakita ko na-

"Anong nangyari, Maika?" tanong ni Kale mula sa likuran ng babae.

"Ah, ano kasi-"

Umpisa ko pa lang nang lumingon na ang babae kay Kale. "Pasensya na, hi-"

Natigilan ang babae hanggang sinabi, "Kale?"

Biglang nanlaki ang mata ni Kale. His jaw tensed as I saw him clench his fists. Bakit siya kilala ng babae?

Lumapit ang babae sa kanya. "Kale, kumus-"

Akmang hahawakan siya ng babae pero agad niyang naitaboy ang mga kamay nito.

"Wag mo kong hahawakan!" sabi niya. Mahina lang yun pero madadama mo ang galit sa boses niya.

"Kale, mag-usap tayo. Pakiusap, pakinggan mo ako," pagmamakaawa ng babae, medyo nanginginig na ang boses nito.

Si Kale naman, patuloy lang na tinitigan ang babae. May iba't-ibang ekspresyon sa mukha niya pero may isang nangibabaw-ang galit.

"Kale," sabi ng babae at lumapit pa kay Kale hanggang sa hawakan nito ang mukha niya.

Pero laking gulat ko nang itulak ni Kale ang babae. At sa lakas ng pagkakatulak niya, napaupo ito sa sahig.

Pero tila walang pakialam si Kale sa nangyari dahil inilipat nya lang ang tingin sa akin at sinabing, "Umalis na tayo!"

Pagkasabi nun ay lumabas na siya ng restaurant.

Hindi ko naman alam ang gagawin, tutulungan ang babae na nasa sahig pa rin o susundan si Kale sa labas.

Gulat pa rin ako sa nangyari, ngayon ko lang nakita na ganun kagalit sa Kale. Oo, nakita ko na syang maging bayolente-nang iniligtas niya ako sa party ni Raz.

Pero ngayon, iba ito. For Pete's sake, mas matanda sa amin ang aleng ito at babae pa. Pero bakit nagawa yun ni Kale?

Pupuntahan ko na ang babae nang may waiter na lumapit at tinulungan ito. Nagtama ang mga mata namin. May mga luhang tumutulo mula sa mga mata niya at makikita doon ang malalim na kalungkutan.

"Sorry po," sabi ko sa kanya.

Pinilit nyang ngumiti.

Nang makitang okay na siya, lumabas na rin ako ng restaurant. Tinawid ko ang kalsada at nang marating ang pwesto kung saan nakapark ang sasakyan ko, nakita kong nakasandal si Kale dito.

"Let's go," sabi niya agad nang makita ako.

Umiling ako. "Not until you tell me why did you do that? Who's that lady? Bakit parang galit na galit sa kanya?"

His jaw tensed more and I saw his fists were clenching and unclenching.

His eyes focused on mine and I saw he calmed a bit. But when it flickered behind me, he became tensed again.

"Lets go!" Kale demanded.

Lumingon ako at nakitang nasa labas na ng restaurant ang babae.

Dahil nasa tabi ng lamppost nakapark ang kotse ko, kitang-kita kami dito. At patawid na ngayon ang babae dito.