Chylee POV
Balik sa dating gawi. Narito na kami sa manila. Nag-enjoy ako sa ilang araw na pag-stay namin sa Batangas pero aaminin ko, may parang nakabara sa may dibdib ko dahil sa inaakto ni Miko. Simula kasi no'ng bonfire, tahimik na siya. Kahit sa pag-kain, hindi na siya nakikipagkulitan kay Phoenix. Ni hindi niya ako matingnan. Nakaramdam din yata si Phoenix kaya hindi na rin niya pinagti-trip-an si Miko.
No'ng pauwi na kami, hindi siya tumabi sa amin. Do'n pa siya naupo sa may likod ng van katabi ang kapatid niya.
"Chylee?"
Nag-angat ako ng tingin. "Shanice."
Narito sina Shanice at Zia. Nakilala kasi nila Mom and Dad si Zia nang makauwi kami galing Batangas at tuwang tuwa sila sa ka-bibuhan niya. Kaya in-invite sila dito sa mansyon for dinner.
"Problem? Si Miko ba?" Tanong niya saka umupo sa tabi ko.
I sighed. "I'm just wondering kung ano 'yung mali kong nasabi.."
"Chylee, slow ka ba? Mali mong nasabi? Iyong sagot mo sa tanong niya. Mali. Kasi kahit ako, alam ko mahal mo pa rin si Miko. Hindi naman agad 'yun mawawala, e. Ang sa akin lang, sana hindi mo nalang sinagot 'yung tanong niya. Minsan kasi, mas makakabuting tahimik nalang tayo, kasi hindi natin alam, ang isang salita, maaaring makasakit ng kapwa natin. Tulad no'ng sa'yo. Simpleng hindi na, alam kong nasaktan mo si Miko."
Lumungkot ako. "Aminado naman akong mali ako sa ginawa ko. Pero gusto ko lang naman protektahan ang sarili ko. Ayokong tumaas ang confidence niya kapag sinabi kong mahal ko pa din siya.
"Pero hindi mo ba naisip na sa sagot mo nakasalalay kung lalaban pa siya o magpapatuloy pa siya? Sabi nga niya, last alas niya na iyon. Kumbaga, iyon ang bagay na pinanghahawakan niya kaya narito pa rin siya para sa 'yo. Kaya kahit tinataboy mo siya or kahit nakikipag kumpitensiya siya kay Phoenix, gora pa rin siya."
May point si Shanice. Pero sana maintindihan niya rin iyong point ko.
"Ganito kasi iyon. Logic, Chylee. Sa tanong ni Miko kung mahal mo pa ba siya, kapag sumagot ka ng 'hindi', of course masasaktan si Miko. At kapag sumagot ka ng 'oo', si Phoenix naman ang masasaktan. Kaya nga sabi ko, may pagkakataon na hindi natin kailangang sumagot sa tanong. Kasi kahit alin pa sa choices ang isagot mo, may masasaktan ka."
Napaisip ako sa sinabi ni Shanice. Masama ba ako dahil sa ginawa ko? Naguguluhan din kasi ako. Ayokong ipagkatiwala ulit or ayoko ng i-broadcast pa ulit na mahal ko si Miko. Tulad dati, no'ng bata pa ako, no'ng patay na patay pa ako kay Miko, ipinagsisigawan ko na mahal ko siya pero in the end, masasaktan lang din pala ako.
"I know it's hard for you, Chylee. Pero sana, matuto ka ring magpatawad. Kahit ako, bilang bestfriend mo, highblood ako kay Miko dahil sa ginawa niya before but he deserve a second chance. Everybody deserves a second chance."
Umiling ako. "Nasaktan kasi ako ng sobra, Shan. Kaya ganito ako. Na parang takot na akong sumugal ulit."
"Chylee, buhay mo 'yan. Ayokong makialam sa mga desisyon mo. Narito lang ako para magbigay ng advice. Ang sa akin lang, use your heart and mind. Huwag isip lang, o huwag puso lang. Pareho."
Naramdaman ko ang pagtulo ng luha ko. "Bakit gano'n. Ang complicated. Ang sakit."
Inabutan ako ni Shan ng panyo. Kinuha ko iyon saka pinunasan ang luha ko.
"Gano'n talaga ang love. Hindi naman pwedeng perfect e, kasi nobody's perfect. The point is, sa love talagang nariyan iyong pagsubok, pain, complicated na status, but then, nariyan ka para labanan iyon, para lagpasan ang lahat ng iyon. You just need to be strong. Dahil sa huli, makakamit mo rin ang hinahanap mong happiness. Like your parents. 'Diba, nakita na nila ang happiness nila sa isa't isa?"
