Chylee POV
"Mag-mo-move-on na ako.." Sabi ko sa kawalan. Katabi ko si Shanice, na siguradong nakakarinig ng pinagsasasabi ko.
"OMG! Tara, Chy! Dali. Bilis.."
Kumunot ang noo ko. Bigla akong hinila ni Shanice palabas ng room. Di ko alam kung saan nya ako dadalhin, basta nagpahila lang ako.
Hanggang makarating kami dito sa clinic. Bakit? May sakit ba si Shanice?
"Nurse, paki-check nalang po ng temperature niya, ECG, kuhanan nyo din po siya ng dugo. Pati na X-ray! Saka, ang vital signs niya po. Ang urine, ang liver, ang kidney, ang brain, lahat lahat po, paki-check-up!" Mabilis at dire-diretsong sabi ni Shan sa nurse na sumalubong sa'men.
Anong pinagsasasabi ng babaeng 'to? Tumingin ako sa nurse. Nakatingin saken. Tapos si Shan, nakatingin din saken.
"Teka nga, ako ba yung ipapa-check-up?" Naku-curious kong tanong.
"Jusko, Chy! Syempre ikaw. Wala ka yata sa sarili. Nagde-deliryo ka!"
=_=
Anong sinasabi ng babaeng 'to?! "What? I can't understand you."
"Eh kasi, sabi mo, magmo-move-on ka na! Juice colored! Anong sumapi sayo, Chy?"
=___=
So, all this time, yun ang dahilan kaya bigla nya akong dinala dito sa clinic? Baliw talaga.
"Anong masama kung mag-move-on na ako?" Tanong ko.
"Walang masama, Chy! Syempre." Sabi nya saka tumingin s nurse. "Okay na po pala. Nasa matino pa pong pag-iisip ang kaibigan k---AWW! Bat ka naman nambabatok, Chy!"
Psh. Baliw talaga neto. "Baliw ka kasi."
"Psh. Pero 'di nga, Chy. Grabe ha! Magmo-move-on ka na talaga! Magpapa-misa na ba ako? Omg!" Di makapaniwalang tanong niya.
Tumango ako. Hinila ko na si Shan palabas ng clinic at nagsimula na kaming maglakad pabalik sa room namin.
"Oo nga. Kakasabi ko lang eh. Magmo-move-on na talaga ako."
"OMAYGAS! Naka-graduate ka na ba talaga sa Martyr University? Siguradong nasa top one ka! Bibilhan kita ng medal! Anong gusto mo? Gold, silver, bronze o pwede ring marmol! Ano na--AWW! Nakakadalawa ka na Chylee Hera ha!"
"Ikaw, 'yang bibig mo, papalsakan ko na ng isang buong tissue eh. Psh. Daldal mo." Pagsusungit ko.
"Di kasi ako makapaniwala, Chy. Sa tinagal-tagal mong nagpaka-martyr kay Miko na yon, bigla ka na lang magmo-move-on. Ano? Nauntog ka ba kaya natauhan ka na? San banda? May bukol ba?"
