Akin Ka [Published under Sizzle/Summit Media]

Chapter 42

Chapter 42

KEI'S P.O.V

Gabi na kami nakauwi ni Marie dahil nagyaya pa siyang magshopping. Ang sakit nga ng balakang ko kalalakad kanina, nakakapagod.

Naiinis pa rin ako kay Kyle, kasi naman mukhang lahat yata ng ex niya kaibigan niya! Sino ba namang matutuwa non?! Kainis talaga!

"Oh paano? Mukhang may war kayo mamaya, mag che-check in na lang ako sa hotel." Paalam ni Marie saka kinuha yung mga pinamili niya, grabe lang magshopping 'tong isa na ito, nakuha na kasi niya ang credit cards niya kay Mama.

"H'wag! Dito ka na lang matulog! Tabi tayo! Sa couch yung sira ulo na yon!" Pigil ko sakanya! Pero tinawanan niya lang ako.

"Ewan ko sayo buntis, basta lumaban ka naman! Para kang tuod diyan! Sige na aalis na ako!" Natatawang sabi niya sa akin saka iniwanan na niya akong mag isa.

Nanood na lang ako ng tv, palipat lipat lang ako ng channel hanggang sa dumating na siya, kaagad siyang lumapit sa akin at hinalikan ang noo ko. Tinignan ko yung wall clock at sinimangutan ko siya! Paano ba naman alas dose na!

"Bat ngayon ka lang?!Nag dinner pa kayo ng mga ex mo noh?!!" Bulyaw ko sakanya, pero nakakainis kasi tinawanan nanaman niya ako!

"Hindi baby...may tinapos lang ako." Maikling paliwanag niya...

"May tinapos..." Naiinis na bulong ko, ngumisi lang siya at niyakap ako sa bewang, inilapit niya ang labi niya sa tenga ko at doon bumulong.

"Napakaselosa talaga ng baby ko...Tulog na tayo, inaantok na ako... Napagod ako kanina sa trabaho, ikaw hindi ba pinagbabawalan kang magpuyat?" Halata nga sa boses niya na pagod siya, hinimas niya ang tiyan ko.

"Itong kambal ko ang tagal naman lumabas... Namimiss ko na si Mommy eh..." Nagtayuan ang balahibo ko sa ibinulong niya! Malakas kong hinampas ang braso niya!

"Ang bastos mo Kyle!!"

"Kita niyo na mga anak, alam kaagad ni Mommy ang iniisip ko. Kaya bagay kami eh..." Ngumingising sabi niya!

"Ahh!!" Napasigaw ako ng bigla niya akong buhatin na parang bagong kasal, kumapit ako sa leeg niya, grabe kahit maghapon sa trabaho si Kyle ang bango pa rin niya.

Maingat niya akong inihiga sa kama, nakadapa siya sa gilid ko para hindi madaganan ang tiyan ko... Tinitigan niya ang mukha ko at pinagapang niya ang point finger niya sa ibabaw ng ilong ko papunta sa labi ko.

"Ang sarap sa pakiramdam na ganito tayo baby...yung uuwi ako na madadatnan kitang naghihintay sa akin..." Nakangiting bulong niya, hinawakan niya ang kamay ko at dahan dahan niyang pinaglapat ang labi naming dalawa. Marahan kong tinugon iyon, napangiti ako ng maramdaman ko ang mahigpit na paghawak niya sa kamay ko, para bang ayaw talaga niyang mawala ako.

Nakakabaliw pa rin siyang humalik, ramdam na ramdam ko talaga yung pagmamahal sa bawat pag galaw ng labi niya sa labi ko at nanghihina ang buong katawan ko dahil doon, nakakahibang kasi siyang magmahal, para bang mapapaisip ka kung talaga may isang Kyle Cando. Marahan niyang kinagat ang ibabang labi ko at sandaling nilakbay ang buong bibig ko... Gumapang ang kamay niya patungo sa likod ko at doon nagtaas baba. Dahan dahan niyang pinaghiwalay ang labi namin at napangiti ako ng makita ko nanaman ang mata niya na punong puno ng pagmamahal.

"Halik mo palang yon baby, natanggal na kaagad ang pagod ko, paano na kaya kung may kasamang mahigpit na yakap?" Nakangiting sabi niya, mabilis ko siyang niyakap ng mahigpit! Napasubsob siya sa balikat ko at naramdaman kong humalik siya sa leeg ko.