TMW: Academy Of Magic (Curax Series#1)

Chapter 24: Ring II

"Naihanda mo na ba ang susuotin ni Psalm?" Itunuon ko ang atensyon ko kay Draew ng magtanong siya sa akin. Hindi ko alam kung excited ba siya o sadyang handa lang talaga siya sa maaaring mangyari ngayong gabi. Ibinalik ko na sa hawak kong notebook ang atensyon ko at ipinagpatuloy ang pagsusulat. 

"Excited na kasi akong isuot niya ang pinakamaganda at pinakamahalagang damit sa kasaysayan. Gusto ko na rin na malaman nya ang totoo, para naman mabawasan ang dinadala dala ko sa dibdib ko. Ang bigat na kasi e." Paliwanag niya habang nakatingin sa aking sinusulat.

"Paano kung hindi nya maintindihan?" Muli niyang tanong kaya napatigil ako sa pagsusulat at muling napatingin sa kanya.

"Diba sabi niya? Ating ipaintindi sa kanya ang lahat. So ipapaintindi natin sa kanya ng ayos, diba?" Hindi na ako nakapagsalita pa ng sabihin iyon ni Draew.

"Alam mo namang wild and cold hearted si Psalm, pero Draew kailan ba natin sasabihin ang totoo?" Tanong ko kay Draew.

"Maybe siguro mamaya na lamang." sagot naman ni Draew sa akin.

"About pala sa singsing nakita mo na ba?" Tanong sa akin ni Draew.
"Hindi pa nga e."

"Hays, pero kapag nandito si Psalm sasabihin ko talaga sa kanya ang lahat lahat."

"Ano?!" Biglang may nagsalita sa may bandang pinto ng kuwarto kung saan nakaupo kami ni Draew sa sofa. Si Psalm ang sumigaw ng salitang iyon na nakatayo at nakatingin sa kinaroroonan namin ni Draew, napansin ko na gulat na gulat siya, siguro dahil nalaman niya na siya ang pinag-uusapan namin. Alam nyo naman itong batang ito hindi marunong kumatok bago pumasok at parang multo na bigla bigla na lamang sumusulpot sa gitna ng conversation ng iba. Ewan ko ba dito kung bakit nag-iba ang ugali, hindi yata ito yung batang inalagaan ko sa Mortal World.

"Oh Psalm nandyan ka pala, teka kanina ka pa dyan?" Gulat at kinakabahang tanong ni Draew.

"Ano ang dapat kong malaman?" Sigaw niya, at nagsisimula na namang magdilim ang kanyang paningin sa amin. Teka narinig nya din ang mga sinabing iyon ni Draew? Tanong ko sa isipan ko habang nakatingin kay Psalm na nakatayo pa rin sa may pinto.

"Ahm Psalm, ano kasi yang." Iyon na lang ang nasabi ni Draew dahil sa kaba nsto na naman nangangatal na naman si Draew.

"Sabihin niyo na kasi sa akin!" Pasigaw na sagot ni Psalm, bigla siyang lumapit sa amin. Hindi ko alam ang susunod na gagawin. Wild na naman kasi sya at nakatingin lang sa amin ni Draew, naku naiinis na talaga ako sa mga ginagawa ng batang ito. Parang gusto ko siyang patulan. Naku kung pepwede nga lamang e matagal ko ng nagawa.

"Psalm wag ka munang sumigaw diyan, at pwede ba umupo ka muna para pag-usapan natin ito." Mahinhin ko namang sagot sa kanya para pakalmahin siya. Once kasi na sagutin ko sya ng pasigaw, panigurado na lalo siyang sisigaw at magagalit.

"Ibig sabihin may matagal na kayong itinatago sa akin?! Kailan pa?! at kailan niyo balak sabihin sa akin ha?!" Pasigaw na naman nyang sambit. Hindi ko alam kung kailan ba siya magiging mahinahon sa pagsasalita. Hindi ganitong klase ng ugali ang nakita ko sa kanya noong nasa Mortal World pa lamang kami, ibang iba sa Psalm na nakilala ko.

"Psalm hindi pa pwede sa ngayon at mas------." Nilingon ko si Draew at lumapit kay Psalm kaya napatigil si Draew sa kanyang balak sabihin, dahil siguradong magwawala na naman si Psalm sa mga sasabihin ni Draew, at hindi pa ngayon ang tamang oras para sabihin sa kanya ang lahat lahat. Pagkalapit ko ay agad kong hinawakan siya sa braso. 

"Psalm, kung sabihin man namin hindi ka rin naman maniniwala e." Sabay pisil sa braso niya na nagsisimula na namang uminit at mamula. Hindi naman siya siguro galing sa labas, dahil mainit ang braso niya. Tiningnan ko ang nraso nya ngunit napabaling ang tingin ko sa kamay niya, nanlaki ang mata ko at nagulat ng makita ang singsing na nasa isa sa daliri niya sa kamay niya.