ILY: I (loathe!/like?/love?!) you

28. Save Me

     Bago ang Cam Sur trip para sa second task. Naisipan nina Kris, Lexi, Josh, Bea at BARBIE na sama-samang bumili ng mga kakailanganin nila para sa ‘field trip’.

     Nung may chance, humiwalay muna sina Barbie at Josh kasi nagpasama si Barbie para bumili ng regalo kay Lexi… Shhh. Malapit na kasi ang birthday niya… sabihin na nating immediately after the Cam Sur trip yun… kaya wala ng time para bumili si Barbie ng regalo… at dahil kailangan niya si Josh kasi mas may alam siya kay Lexi… nagpasama siya… okay, medyo hindi ba valid? So yeah… May hidden agenda si Barbie… gusto niya lang naman i-share ang napakaromantic na pag-propose(medyo exag lang si Barbie dito… yung time na naging ‘official’ na naging sila) si Julian sa kanya.

     Siyempre… kunyari na lang di naririnig ni Josh yung sinasabi ni Barbie.

Barbie:  …kaya ako nahanap ni Julian... kahit wala siyang idea about the park… syempre… two hearts beat as one. Kaya nalaman niya kung nasan ako! Nakakakilig diba?!—

Two hearts beat as one… sa tingin mo pano niya yun malalaman eh tayo lang naman yung nandun nun? Siyempre sinabi ko! bakit ko sinabi? Wala lang. natanga lang. kasi. Siya naman yung gusto mong makita diba? Siya lang naman ang makakacomfort sayo nun diba? Kaya sinabi ko sa kanya kung san ka pwedeng makita… MAGPASALAMAT ka naman!

Josh:    Sabi mo eh…

     Kung gano ka full of emotions si Barbie… ganun naman ka-wala si Josh. Nahigop ata ni Barbie lahat eh.

Barbie:  Tapos… sinabi niya na mahal niya ko! finally!!! Can you believe that?!—

Kung sasabihin ko ding bang mahal kita… ganyan ka din kasaya?

Josh:    Congrats.

     Ganun pa din… parang walang buhay si Josh.

Barbie:  Sobrang kinikilig talaga koooo! –

Josh:    Halata nga…

Barbie:  At syempre… kailangan kong gawing special ang 1 weeksary namin!—

Josh:    good idea…

     Biglang napatigil si Barbie sa pag lalakad. At hinampas niya si Josh ng MALAKAS.

Josh:    ARAY! Ano ba?!

Barbie:  Akala ko namanhid ka na eh—

Kung pwede lang mamanhid para hindi ako masaktan ng ganito…

Josh:    Ano bang sinasabi mo?!

Barbie:  Kanina pa ko kwento ng kwento… wala ka man lang emosyong pinapakita!

Josh:    Eh anong gusto mong reaction ko?! Kiligin din?!

Barbie:  Kahit ano! Atsaka bakit ka ba galit?!

     Lumapit si Josh kay Barbie… at tiningnan niya siya sa mata.

Ang bulag mo kasi! Kung kani-kanino ka pa tumitingin… andito lang naman ako!

Josh:    Hindi ko na alam ang gagawin ko!

Barbie:  Ano?!

Josh:    kapag inaasar kita… naiinis ka. Kapag wala akong sinasabi… naiinis ka din…. Ano bang gusto mo talagang gawin ko?!?!?!

Barbie:  Gusto ko lang naman tanggapin mo si Julian eh! Gusto kong maging close kayo!

Josh:    Hoy! Hoy! Hoy! humingi ka na nga ng tulong sakin para magkalapit kayo… tapos… hihingan mo pa ulit ako ng pabor?! Baliw ka ba?!