Your Universe

#YU13

Because jealous and clingy Menggay is lyf #YU13

•RICHARD•

"I expect you to at least practice your individual shooting dahil doon tayo nagkukulang," Coach Ayo looked at me before proceeding. "Except for Richard here. Hindi dahil wala tayong training, magpepetiks na kayo. We'll start the training next month for the division meet and I still expect you guys to be in full shape." We all nodded in agreement. "Sige na, you may go."

Coach Ayo dismissed us after our short meeting. Pinaalala niya na kailangan pa din naming magpractice. Kaya naisipan namin na magpractice muna sa gym kahit wala si Coach Ayo. Not the whole team muna since we need to focus on our individual shooting kaya nagtanong ako kanina na kung sino ang pwede at walang gagawing importante, pwedeng sumama. Tutal tapos na rin naman yung classes at wala pa rin kaming napapag-usapan ni Maine tungkol sa gagawin naming talent for Ginoo at Binibining Agham.

"Poks, nagpaalam ako kay Coach kanina. Pwede daw tayo dito sa gym mag-practice shooting." sabi ni Kevin. "Pero half court lang daw. Umuulan kasi kaya dito din daw yung training ng cheerleading team."

Nangunot yung noo ko. "May training sila?"

"Oo daw eh," Kevin answered. "Nagpatawag daw ng biglaang training si Coach Lena. Ipapakilala na din daw yung first year members," tinapik ako ni Kevin sa balikat. "Hinahanap ka nga pala ni Maine, nasa locker room."

"Sige, pupuntahan ko muna," tumayo na ko at nagsimulang maglakad papunta sa locker room. Narinig ko pang sumigaw sina Kevin. "Naks, boyfriend duties!"

"Mga siraulo!" sigaw ko pabalik sa kanila. Tumakbo na ko papunta sa locker room at pagdating ko, naabutan kong nakakalat yung gamit ni Maine sa may couch. Buti na lang walang tao. She was sitting beside her things on the couch. Lumapit ako sa kanya, knelt in front of her then held her hands. "May problema ba, Maine?"

"Akala ko kasi may naiwan akong damit for training kaso inuwi ko pala last week, rubber shoes and socks lang naiwan tapos wala na naman akong time umuwi kasi umuulan tapos 10 minutes na lang before training huhu nagulat ako kanina nagsabi si Coach Lena na may training hindi pa ko nakapagsabi kay nanay na may training kami nakakastress ano ba naman kasi—"

"Meng."

"Ha?"

I stood up and went to my locker. Binuksan ko at kinuha yung extra basketball shirt ko. Inabot ko sa kanya saka ako umupo sa tabi niya. "Gamitin mo muna yan," I told her. "Gusto mo ba tawagin ko si Karla? Nasa labas siya, kasama ata ni Paolo. Baka may leggings siya."

"Uhm...hindi na. May suot naman akong shorts eh. Pwede na siguro yun—bakit nakakunot na naman yang noo mo?"

"Shorts?"

"RJ, wala akong leggings. I can't go home right now to get one. And I train naman wearing shorts even before pa."

"Pero kasi—"

"Hep, wag kang manong nga. Hindi naman ako masisilipan no. Subukan lang nila," I sighed. "Relax nga. Nasa school naman tayo saka nasa gym ka din naman mamaya right? But please do your thing okay? I'll be fine naman, don't worry. And thank you dito sa shirt ha? Ibabalik ko na lang pagkalaba—"

I smiled at her. "Wag na, take it. Sa'yo na yan. May mga ganyan pa naman ako sa bahay."

"Sure ka? Nakakahiya naman, RJ. Ibabalik ko na lang to."

"Pag binalik mo magtatampo ako sa'yo, sige ka."

"Hala, sige na nga hindi na!" nagsimula na siyang ayusin yung mga nakakalat niyang gamit sa couch pero pinigilan ko siya. "Ako na mag-aayos niyan. Magbihis ka na."