Finding You

Forty Seven

Forty Seven

Kanina pa ako nakahiga pero di parin mawala sa isip ko ang mga pinagusapan namin ni Cheska kanina, hindi parin siya napoproseso sa isip ko.

"Hindi ka makatulog?" tanong ni Monique saakin

"Ou. Ikaw bakit gising ka pa?"

"Hindi ko rin alam" sagot niya. Humarap siya saakin.

"Nakapagdesisyon ka na ba?" hindi ako makasagot sa tanong niya.

"Alam mo Sharla, ikaw lang ang makakasagot sa lahat ng yan"

Napahinga ako ng malalim. "Naguguluhan ako, hindi ko alam kung papaano ko uumpisahan kapag sasanihin ko na sakanya, natatakot ako sa magiging reaksyon niya."

"Paano mo naman kasi malalaman kung hindi mo naman susubukan? Hindi naman pwede na hindi niya alam, karapatan niya yun Sharla."

"Alam ko, kaya nga mas lalo akong natatakot na ipaalam sakanya"

Naramdaman ko ang paghagod ng kamay niya sa likod ko.

~*~

"Handa na po ang pagkain" sigaw ko sa mga batang naglalaro sa Playground. Nakita ko sila na naguunahan papalapit saakin, may humila pa ng laylayan ng damit ko. Naupo ako at pumantay sakanya.

"Ate Sharla, kanina pa may naghihintay sayo" ani ni Matte

"Ha? Sino naman yan?" malambing na tanong ko sakanya.

Sabay sabay na nagtawanan ang mga bata at itinuro si Raiden na nakahiga sa grass malapit sa Playground. Unti-unti akong napatayo, narinig ko pa ang hiyawan nila habang papasok sa loob ng community.

Tinanggal ko ang apron at ipinatong ito sa bench na nadaanan ko.

"Kanina ka pa?" tanong ko sakanya habang nakaupo na

"Medyo, nagluluto ka pa daw kasi kaya sinamahan ko muna na maglaro ang bata"

Pinagmasdan ko siya habang nakatanaw sa mga ulap. Hindi ko alam kung ano ang nagtulak saakin at hinalikan ko siya sa noo. Kita ko ang pagkagulat niya at mabilis na napangiti.

Tumingin ako ng seryoso sakanya... "Saan mo gusto pumunta?" tanong ko rito, ang kaninang malambing na ngiti ay napalitan ng malawak na ngiti.

"Seryoso ba yan? Niyaya mo ako?" Hindi makapaniwalang tanong niya. Napatango ako. "Ayaw mo ba?"

"Hindi, gustong gusto"

Nauna siyang tumayo at inalalayan ako, sinabihan ko lang siya na hintayin na lamang ako sa kotse at magbibihis lang ako. Pagkarating ko ng kwarto namin ni Monique ay naabutan ko siyang umiinom ng gamot niya.

"Okay ka lang ba?" tanong ko sakanya

Agaran siyang napatango sa sinabi ko samantalang nagdiretso naman ako sa cabinet para pumili ng masusuot.

"May lakad ka?" tanong niya

"Ou, sasabihin ko na sakanya ang lahat..." nakangiting sambit ko.

"Talaga? Kaya mo na?"

"Hindi ko alam, pero kakayanin ko ayokong umalis nang may pagsisisi" isang ngiti ang natanggap ko mula sakanya at tsaka ako tinulungan na makahanap ng masusuot. Nagpaalam lang ako sandali kila Mother Theresa at umalis.

Buong byahe niyang hawak ang kamay ko, nakatulog narin ako dala na rin siguro sa puyat kagabi. Pagising ko ay pamilyar na lugar kaagad ang bumungad saakin.

"Sea?" nagtatakang tanong ko

Tumango siya. "Ayokong nang maraming tao ngayon, I just want to spend this time with you" aniya at mabilis akong hinila papalapit sa walang hangang karagatan.