I Won't Give Up(Completed)

Chapter 23

TAHIMIK na nakaupo si Eliza habang nakatingin siya sa mukha ni Clear. Laking pasasalamat nila at hindi napuruhan si Clear kaya nakaligtas ito. Kaya habang nakamata siya sa natutulog na kapatid ay maingat nitong hinahaplos ang pisngi nito. Tila naramdaman naman ni Clear ang ginagawa niya kaya dahan-dahan itong nagmulat ng mga mata.

"E-eliza." Tawag nito sa kapatid. "Clear. Kumusta ang pakiramdam mo. May masakit ba sayo? Sandali at tatawag ako ng doctor." Tatayo na sana si Eliza ng pigilan siya ni Clear.

"Okay! Lang ako. Just stay." Pigil nito kay Eliza. Agad naman siyang muling naupo. "Ikaw bakit hindi ka nagpapahinga. Dapat nagpapahinga ka. Your pregnant." May pag-aalala nitong aniya kay Eliza.

"Don't worry. I'm fine. Ikaw ang dapat magpahinga ng gumaling ka agad." Anitong kinailing ni Clear. "Tsk! Halika dito sa tabi ko. You should take a rest." Naexcite naman si Eliza kaya maingat itong tumabi kay Clear sa hospital bed nito.

"Ang laki na talaga ng tiyan mo." Natatawang ani Clear sabay haplos nito ng maumbok na tiyan ng kapatid. "Oo, nga e. At I'm sure excited na rin silang makita ang matapang nilang tita." Tila proud nitong aniya.

"So, sila?" Ngingiti-ngiti nitong turan. "Oo, dalawa agad e." Sagot nitong kinatawa ni Clear.

"Ang galing din magtanim ni Lexx." Saad nito sabay tawa. "Meron na ba kayong pangalan?" Tanong nito na excited din na makita ang magiging pamangkin niya.

"Red and Light ang ipinagpipilitan niya." Sa naging sagot ni Eliza ay natawa lalo si Clear. "Hey! Mukhang gumawa ng milagro ang daddy at mommy niyo sa gitna ng traffic at gusto kayong pangalanan ng daddy niyo ng Red and Light." Kausap nito sa tiyan ni Eliza. Pinamulhan naman ng mukha si Eliza dahil totoo ang tinuran ng kapatid.

"I'm sorry sa lahat ng nagawa ko sayo." Maya ay pag-iiba ni Clear ng usapan nila. "Kalimutan muna yun. Hindi pa naman huli ang lahat. Pwede pa naman tayong magsimulang muli bilang magkapatid." Saad dito ni Eliza na kinatuwa ni Clear. Sadya ngang may ginintuang puso ang kapatid niya. At maswerte siya at ito ang naging kapatid niya.

"Thank you." Naisatinig na lang nito.

"So, can you tell me some story." Ani Eliza na kinangiti ni Clear. Hindi parin pala nagbabago ang kapatid mahilig parin ito makinig ng story.

"Hindi ka parin nagbabago. Mahilig ka parin makinig ng story." Anitong ipinagtaka ni Eliza. "Paano mo nalaman na mahilig akong makinig ng story?" Taka nitong tanong.

"Syempre magkapatid tayo. At nakita kita noon habang nagpapakwento kay yaya. Kahit malaki kana. Kaya minsan bumili ako ng story book at ibinigay ko yun kay Yaya. Sinabi kung wag niya sabihing ako ang nagbigay nun para mabasa niya para sayo." Anito sabay pingot niya ng mahina sa ilong ni Eliza.

"Thank you. Nagustuhan ko ang mga story book na yun." Sabay tagilid nito ng higa at maingat na yumakap kay Clear.

Gustong maiyak ni Clear. Pero pinipigilan niya ang sarili. Ang saya ng pakiramdam niya habang nasa tabi niya ang kapatid. Ang sarap sa pakiramdam na nakayakap ito sa kanya.

"Anong story ang gusto mong marinig?" Maya ay tanong nito. "Kahit na ano. Kung ano ang gusto mong ikwento." Sagot lang nito.

Kaya bahagyang nag-isip si Clear ng story na ikwekwento niya sa kapatid. First time niya magkwento dito kaya gusto niyang maganda ang ikwekwento niya. Pero mukhang wala naman siyang alam na story para sa kapatid.

"Ehmm." Bahagya siyang tumikim. Excited naman ditong makikinig si Eliza.

"Once upon a time. Meron mag-asawang biniyayaan ng dalawang supling. Puno ng galak ang makikita mo sa mag-asawa dahil sa pagdating ng dalawang anghel sa buhay nila. Nagging maganda ang takbo ng pagsasama ng mag-asawa. Ngunit kalaunan lumalaki na rin ang mga anak nila at lumalaki na rin ang pangangailangan ng nga ito. At dahil gusto ng mag-asawa na maibigay ang lahat para sa mga anak nila ay nakipagsapalaran silang makisusyo sa isang business man,"