Сургуулийн хаагуур ч юм явж байгаад анги руугаа орвол тэр ширээн дээрээ байхгүй байлаа. Цүнх нь ч алга.
Өөрийнхөө ширээн дээр очвол миний хоолны савыг эргүүлээд тавьчихсан байв.
"Идээгүй л байхдаа" амандаа бувтнаад саваа бариад үзтэл хөнгөн байх нь тэр. Баярлан тагийг нь нээвэл дотор нь жижигхэн цаасан дээр "баярлалаа" гээд их цэвэрхэн, гаргацтай бичсэн байх аж.
Энийг хараад бүр хөөрөөд ч явчих шиг.
"Бас эмэгтэй хүүхэд гэсэндээ цэвэрхэн бичих юмаа"
***
- Ерөөсөө бүтэхгүй нь ээ.
14 хоногийн өмнө түүнд хоол өгсөнөөс хойш ганц ч зүйл бүтэлтэй болсонгүй. Дэмий л Эра-г харж санаа алдав.
Орой болгон түүнийг нууцаар шахуу дагаж гэртээ харьж л баясах шив.
- Чи өөр аргаар найраад үзээч!
Жунин миний мөр нь дээр цохин ийнхүү хэллээ.
- Өөр ямар аргаар?
- Илүү эрэгтэйлэг аргаар.
- Илүү эрэгтэйлэг гэхээр яах уу?
- Санаачлалгыг гартаа ав!
***
-
Би чадахгүй ээ чадахгүй!
Жунин, Сэүн хоёр миний ардаас түлхэн шүүгээнээсээ юм авч зогсох Эра руу ойртуулж байв.
Жунин аль өглөө эрт л манайд ирэн миний стиллийг өөрчлөн гэх нэрийдлээр урьд өмнө нь огт босгож байгаагүй үсийг мөн босгож, формныхоо зангиаг зүүх гэтэл цамцнаас минь авч хаяад, гадуурх пиджакийг ч гэсэг гэрт орхиуллаа.
Тийм ч их өөрчлөлт хийгээгүй ч гэсэн би нэг л өөр харагдаад байсан юм.
Эцэст нь Жунин намайг түлхэхээс залхсан бололтой гэнэт урд гарч зогсон энгэрээс минь заамдан духаа миний духанд наав.
- Эр хүн л юм бол үүнийг хий! Чи тэр охиныг өөрийн болгохыг хүсч байгаа биздээ? ХАРИУЛААЧ!
- Т-тий-мээ.
- Тэгвэл жоохон зоригтой байгаад өг! Ээрч, гацах юм бол миний гарт үхсэн гэж мэдээрэй!
- За.
- Одоо тэгвэл өчигдөр яаж бэлдсэн түүн шигээ хий!
BINABASA MO ANG
Forever
FanfictionLet's make it forever ever. Your gaze, words and everything forever.