ستعود لى نادما

الفصل الأخير

قامت جينى من مجلسها و احتضنت اسلام و باركت له و احتضنت جومانا و قبلتها هى الاخرى لكنها لم تراها الزوجه المناسبه لاسلام لكن لا دخل لها فهذا اختياره

تناولوا عشائهم جميعا و ذهبت الى الخارج لتتمشى على شط البحر

قام خلفها اسلام

اسلام: جينى عايزك فى موضوع مهم

جينى: خير لو بسبب فارس لو سمحت ما تتكلمش فيه

اسلام: بس فارس ندمان بجد و محتاجلك زى ما انتى محتجاله انتى بتحبيه وعماله تكابرى ليه ؟؟

لو رفضاه و مش عايزاه يبقى خلاص قولى علشان الراجل يعيش حياته و ما يفضلش متعلق فى حبال دايبه على امل انك فى يوم هتحنى عليه

جينى فوقى لنفسك فارس الف بنت تتمناه حتى و هو مطلق ماتخليش كرامتك تقف حاجز قدامك و تدمرلك مستقبلك

انا لو مش متاكد من حبك له ماكنتش هاجى اكلمك و كنت وصلتله الرفض

لكن انتى يوم ما هتلاقيه اجوز انتى اللى هتحزنى لانك هتكونى لوحدك

انتى دلوقتى فرحانه انك معلقاه بيكى و انه مش قادر يعيش من غيرك

لكن لكل واحد طاقه و صبر و فارس بصراحه بيحاول معاكى كل ما يشوفك او بمعنى اصح بتخدى حقك منه وبتتنتقمى

و انتى مش راضيه

لو مش عايزاه نهائى بلغينى و انا هقوله بس ساعتها تمسحى حد اسمه فارس من دماغك لانه هيكون لغيرك

و انا عارف انك عمرك ما هتفكرى تخربى بيت وحده مالهاش اى ذنب بسبب انانيه منك

خرج صوتها يكاد يمزق قلبها : انا مش عايزاه

صدم اسلام من الكلمه تخيل انها ستوافق على الرجوع له او حتى ستفكر لكن الرفض القطعى هذا حقا ادهشه

اسلام: براحتك بس بعد كده ما تجيش تعيطى و تقولى فارس و تركها و مضى فى طريقه لا يعرف ماذا يقول لفارس فهو ايضا يتعذب لكن لا جدوى ليس بيده شئ فحاول كثيرا

مر الليل و لنقل انه قرن على ابطالنا عدا جومانا فهى الوحيده السعيده

حلت الشمس على ارجاء المدينه فالجميع يلم امتعته و يقفل فى الشنط فمتبقى ساعتيين على موعد الطائره للعوده الى الاسكندريه

الكل حزين شارد لم احد ينظر الى احد عدا مى تختطف النظرات الى سيف من تحت نظارتها السوداء تود ان ينطق معاها و لو بحرف واحد فالوضع يسوء

ركب الجميع فى الطائره فمى و جينى جلسا بجوار بعضهم لكن لا احد ينطق حزن سائد على الجميع

هبطت الطائره الى ارض الاسكندريه

عادت مى الى منزلها لتجده مزين على اكمل وجه دخلت بتساؤل

مى: مامى هو فى ايه

الام: فرح امورتى الحلوه

مى: قصدك مين ؟؟؟

الام: و انا عندى كام اموره غيرك يا ميويتى

مى: ده انا و سيف متعاركيين ازاى فرح يعنى

الام : تعالى تعالى اما افهمك سيف كلم ابوكى و اتفق معاه على معاد الفرح وقال هيعملهالك مفاجأه

مى بفرحه جعلت اعينها تدمع : يا حبيبى يا سيف مامى انا هطلع اوضتى هه

جرت الى حجرتها و مسكت هاتفها و هاتفته

مى : احلى مفاجأه حصلتلى فى حياتى

سيف: ايه ده انا بحسبك بتتصلى تقوليلى تعالى خد دبلتك

مى: لا بعد الشر انا مقدرش استغنى عنك

سيف: اممم امال كان لازم نتعارك يعنى

مى: خفت اوى انك تضيع منى اول مره احس مش لاقيه نفسى من غيرك

سيف: لا ده كان بجد لازم العركه اللى خلتك تقولى كل الكلام الحلو ده

مى: اعمل ايه ما انا بحبك وماقدرش استغنى عنك

سيف: لالا استنى ده هاخد شاور و اجى لعروستى علشان نشترى حاجه فرحنا

مى: سيف بس بعد اسبوع ده مش قريب اوى انا مش هلحق اعمل اى حاجه

سيف: انا عايزك زى ما انتى باللى عليكى

مى: بس انا هنت عليك تخاصمنى كده

سيف: انا خاصمتك ده انا كنت متابع كل حركه بتعمليها بس بصمت من غير كلام وفعلا طلعتى بتحبينى

مى: اه و بموت فيك كمان يالا تعالى بقا انت اتاخرت ليه فرحنا بعد اسبوع عايزه اجيب الفستان

نترك هذا الجانب السعيد و نذهب الى جومانا و اسلام

اسلام : جومانا حددى معاد مع اهلك علشان اسافر اطلب ايدك منهم

جومانا: : متل ما بدك يا عيونى

اسلام: و هنكتب كتاب على طول اه انا مش هفضل كل يوم و التانى اسافر

جومانا : لك تئبر ئلبى اديشك ابضاى و انت عم تحاكينى هيك

اسلام: اه احنا رجاله اوى

جومانا : ليك سومى انا عم حبك كتير

اسلام: انا اصلا قاهر النساء

جومانا : هههههه لك هاد كان زمان يا عيونى مو عندى

اسلام: اوباااا و انا اللى قلت مراتى حبيبتى هتسيبنى براحتى

جومانا: شووو لك اتركك تتسرمح على حل شعراتك

اسلام: هههههههه خلاص خلاص انا اخترتك انتى و بس

جومانا: اى هاد هوه الكلام

لم يطيق تلك المنزل فقرر ان يأخذ سيارته و يذهب اليها فى عقر دارها

فارس يدق جرس المنزل تاتى نعمات لتفتح الباب

نعمات باندهاش : ف..ف...فا..رس بيه

فارس: اه يا نعمات ممكن اقابل جينى

نعمات : بس هى لسه نايمه و تعبانه و عايزه ترتاح

فارس: لو سمحتى عايز اقابلها حالا

نعمات بغير رضا : اتفضل

صعدت لتخبر جينى صدمت الاخرى

و قامت و اغتسلت و ارتدت ملابسها و لفت حجابها و رشت عطرها و نزلت درجات السلم المؤدى الى الردهه

جينى: اهلا يا فارس

فارس: من الاخر بقا انتى عايزانى ولا لا

جينى تنظر له بهدوء على غير عادتها و كأنها تمثال ثلج امامه

فارس: جينى انا جاى لحد عندك و فى بيتك تقبلى تتجوزينى ولا لا

ردى عايز اسمعها يا اه يا لا

هزت رأسها بالنفى

و كانت هنا الصدمه له

فارس: يعنى انتى مش عايزانى خلاص كرهتينى

نسيتى حبنا و الليالى الحلوه اللى كانت بينا

عموما انا مش هوريكى وشى تانى ولا حتى فى الشغل علشان ما اسببش ليكى اى مضايقه او ازعاج عن اذنك

و تركها و ذهب

دخلت اليها نعمات

نعمات: ليه يا بنتى كده ليه

انهارت فى بكائها

نعمات: الراجل بيحبك و شاريكى و جالك لحد عندك و لسه بتحبيه ليه رفضتى

عجباكى عيشتك لوحدك دى ولا الحزن اللى ماليكى مش هتلاقى حد هياخد باله منك

جينى : سيبونى فى حالى ماحدش له دعوه بيا انا مرتاحه كده مش عايزه حد

و فجاه وقعت ارضا فى اغماء

هرولت نعمات نحو الهاتف

تضغط ارقام اسلام لكن لم يأتيها اى رد منه حاولت كثير

لم تجد امامها سوى فارس

هاتفته

فارس باستغراب: الو خير يا داده نعمات فى ايه

نعمات بخوف و بكاء : الحقنى يا فارس بيه بعد ما مشيت جينى اعدت تعيط و مره وحده وقعت منى فى الارض

فارس: انا لسه جمبكم ما بعدتش ثوانى و هاجى و انتى اتصلى بالدكتور

عاد اليها وجدها ملقاه على الارض لا تشعر بشئ حولها حملها بين ساعديه

فارس: افتحى اوضه جينى و بالفعل وضعها على مضجعها بهدوء و رفق و جلس بجانبها

وجد حجابها قد سقط من على شعرها الاسود الناعم مسك حجابها و حاول تغطيه الجزء الظاهر منه

سمع همهمه لكنه لم يفسر كلماتها حاول ان يدقق فيها

سمع صوتها المتعب و هى تقول ف...ا....ر....س فى تقطع شعر بمدى حبها له وقسوتها على نفسها برفضها له

ظل ممسك بيدها الى ان دخل الدكتور الغرفه و كشف عليها و اعطاها حقنه مهدئه

فارس: دكتور هى مالها

الدكتور: انهيار عصبى نتيجه يا لانفعال زايد يا ل ضغط نفسى ادى بها للحاله دى بس هى هتكون كويسه لما تفوق بعد الحقنه دى

فارس: الف شكر لحضرتك و اعطاه مبلغ نقدى و طلب من نعمات توصيله

ظل جالس بجانبها الى ان نام هو الاخر على مقعده و هو ممسك بيدها

فتحت اعينها بتعب شديد لتشعر بدفئ فى يدها نظرت وجدته بجانبها ممسك بها

دق قلبها بشده

قامت و اعتدلت و سحبت يدها من يده مما جعله يفيق من نومته المزعجه

فارس: حبيبتى انتى محتاجه حاجه اعملهالك

جينى: لا مرسيه

بس انت ايه اللى دخلك اوضتى هو ايه اللى حصل

هى فين داده نعمات

فارس: قوليلى عايزه ايه و انا اعملهولك

جينى: عايزه مايه لانى مش قادره اجيبها

فارس: تركها و ذهب اتى لها بالماء ووضعه على شفتيها و شربها بيده بعد ان طلب من نعمات ان تجهز لها الطعام الذى تحبه

اتت نعمات بالطعام اليها

فارس: مرسيه يا نعمات اتفضلى انتى

و خلع سترته الشتويه و القاها بجانب مقعده و فك اكمام قميصه و رفعه قليلا ويالا يا حياتى علشان تاكلى

جينى بطفولتها المعتاده امام الطعام:لا مش عايزه اكل

فارس: عايزه تزعلينى منك ليه

جينى دون وعى منها : يا فوفى مش عايزه

ترك صنيه الطعام و نظر فى عيناها بعمق و مسك يدها

تصدقى اول مره احب المرض بسببك

جينى ابتسمت برقتها المعتاده ووضعت وجهها فى الارض

فارس: يا خراشى على العسل لسه بتتكسفى منى يا جوجو

جينى وهى تحاول تمثيل الجديه : مدام جينيفياف لو سمحت

فارس: امممم الفضل يرجعلى انا برضوا فى الموضوع ده

زادت حمره وجهها خجلا

فارس : ممكن تاكلى بقا علشان ارجع البيت اكيد مش هبات هنا

شعرت بالضيق لمجرد بعده عنها : لا خلاص

فارس تنهد بشده : هاكلك يا سيتى اتفضلى افتحى بوقك

بالفعل تناولت طعامها بأكمله من يده

جينى: طيب انت ما اكلتش حاجه

فارس: ما انا مالقتش اللى تأكلنى فى بوقى

جينى : هههههه ولا هتلاقى

فارس: يووووه هتسيبينى جعان من غير اكل

جينى : اه انا اصلا شريره و مفتريه

فارس: و انا بموت فى الشريره دى

ابتسمت و اخفضت وجهها مره اخرى ما تبصيلى بقا

نظرت له بحنان لم تجد سوى ضمه حنونه اذابت جليد شهور الفراق الماضيه

يالهووووووووووووى اختى و راجل غريب فى اوضتها يا شرف العيله اللى اتمرمط على ايدك يا جينى يا خرابى الناس هتاكل وشى هيقولوا عليا ايه يالهوووى يا لهووووى يالهووووووى

جينى : دفعت فارس بقوه

فارس: ايه فى حد يزق بالمنظر ده مفتريه بجد

و انت ايه اللى جابك دلوقتى قطعت اللحظه البت خلاص كانت هتوافق تجوزنى

اسلام : انت لازم تصلح غلطتك

فارس: ده حضن بس

اسلام: و انت فكرك الحضن ده بالساهل تتجوزها فاهمنى ولا لا

وانتى اياك اسمع منك رفض شرف العيله مرمطيه فى الوحل

جينى:اسلام بطل الهزار ده بقا

اسلام: المأذون اللى يكتب كتابى يكتب كتابك

جينى هزت رأسها بالموافقه

قام فارس من امامها و رفعها من على فراشها و حملها و جلس يلف بها الحجره و هى تصرخ بين يديه خوفا من السقوط

ثم انزلها على قدميها و مسكها من اكتافها بشده: انتى بجد موافقه اننا نجوز

جينى تهز رأسها منه بخجل

فارس: اسمعها بودنى موافقه تتجوزينى

جينى: اه مواقفه

فارس: على ايه

جينى : اجوزك

فارس ظل يركض فى المكان مثل الاطفال و حاول ان يزرغط لكنه لا يعرف

تركها و ذهب الى منزل ليخبر اهله فقرروا ان يتحدثوا فى ذلك الموضوع بعد زواج سيف فلم يبقى سوى 3 ايام و بالفعل

تم عقد قران سيف و زفافه

و سافر اسلام هو الاخر لطلب يد جومانا بعد ان اقنع والديه بها و تم عقد القران

و لم يتبقى سوى ابطالنا

فارس : جومى هتسكنى فى الفيلا ولا الشقه اياها

جينى: لا بليز انا مش طيقاها دى شوئم عليا

فارس: هههههههه خلاص اللى يريحك

و بالفعل تم عقد قرانهم لثانى مره و انتقلت للعيش فى فيلا فارس الجديده و اصطحبت معاها نعمات و خادماتها

و بعد مرور عام

تجلس جينى مع فارس فى الجنينه

جينى: اموت و اعرف انت و اسلام ايه سر الحب اللى بينكوا بعد ما كنت مش بطيقه

فارس: اسلام اصلا جالى بيزعقلى و بيقولى مالكش دعوه بجينى فانا اعدت و انتهزت الفرصه و اشتكتله انى بحبك و انى مش قادر اصارحك فهو بصراحه ادانى امل و ساعتها بس كنت هكره نفسى لانى ظلمتك و اتهمتك بالخيانه وهو فى الاخر يطلع اخوكى فى الرضاعه

جينى: كنت ظالم و قاسى اوى انت
قام ليحتضنها بين ذراعيه لكن لم يجدوا سوى صوت طفلتهم الصغيره وهى تبكى معلنه انتهاء وقت الرومانسيه و تذكرهم بوجودها

كانت مى تجلس و معها طفل و طفله صغار و لم تعرف ماذا تفعل بالاثنين وقفت فى منتصف منزلها و باعلى صوتها يا سيـــــــــــــــــــــــــــــــــــف تعالى خود عيالك دول

سيف: و هما كانوا عيالى لوحدى

مى: يعنى انا دخلالك بيهم

سيف: مش انتى الام استحملى بقا

مى: سيف بجد الاتنين تعبونى اوى مش قادره عليهم

امسك هو بفتاته الصغيره و ضمها الى صدره سكنت الفتاه

مى اغتاظت : ده انا عمللها قرد و مش راضيه تسكت اصلا مافيس احسن من يوسف حبيبى بيسمع كلامى و هادى و ساكت
حبيب مامى يوسف
سيف بحزن اطفال: وانا حبيب مين
مى: انت الحب نفسه يا سوسو
سيف: مى ما تقوليليش سوسو دى بتعصبنى
مى:هههههههههه وانا ورايا غير انى اعصبك يا قلبى

سيف: وانا بنوتى حلوه زى مامتها و بتسمع الكلام زيها شفتى بقا الفرق بينا انا حنين و انتى شرانيه

مى: سيف انا سعيده معاك اوى يا احن زوج و اطيب اب فى الدنيا

سيف: ربنا يخليكى ليا يا احلى ميوشه

الحاجه عزه : جومانا

جومانا : اهى يا ماما جيبتلك تالا بس يارب ما تصدعكيش

عزه: يا بنتى ده اعز من الولد ولد الولد ده لو عادل الله يرحمه كان عايش كان فرح بيها اوى

جومانا : الله يرحم الجميع

تــــــــــــمــــــــــــت