တစ်ချက်လွတ်အမိန့်ကြောင့်လိုက်ပါလာရသောခရီးစဉ်မှာ ဟန်ငယ် ဘယ်လိုပဲ ကြိုးစားကြိုးစား မျက်နှာက ကြည်ကြည်သာသာမရှိနိုင်တော့။ မိုဂူ့ကိုသာ အမွေးတွေတစ်ချက်ချင်းဆွဲနှုတ်ပစ်ပြီး စိတ်ထဲ ကြိတ်ခဲနေသမျှ ဖြေချနေမိသည်။ ပေါင်ပေါ်မှာ တအီအီဖြစ်နေသော သူ့ခွေးကိုလှမ်းလှမ်းကြည့်နေသည့် ရှေ့ထိုင်ခုံက လူကြီးကိုလည်းအမြင်ကတ်သည်။ ကိုယ်ပိုင်လေယာဉ်ပေမဲ့ ဟန်ငယ် ဘယ်နားကမှ သက်တောင့်သက်သာမဖြစ်။ ဟန်ကလေးကိုစိတ်ချမယ်ဆိုပြီး ကိုရီးယားအထိပင်လိုက်မပို့နိုင်သည့် ရှင်း ကိုလည်းစိတ်နာသည်။ မျက်နှာတစ်ချက်ကြည့်ပြီး ပြုံးပြသည့် မားကိုလည်း စိတ်ကောက်သည်။ အဆိုးဆုံးက စောစောကလေးတင် လက်မှတ်ထိုးခဲ့ရသော လက်ထပ်စာချုပ်။ အခွင့်ရတဲ့တစ်နေ့ ရှာပြီးကိုဖြဲပစ်ဦးမည်။
"အိပ်ချင်အိပ်ပါလား ဟန်ငယ်"
ဒိုင်းကနဲ မျက်စောင်းထိုးပစ်ပေမဲ့ သူကကိုယ့်ကိုကြည့်ပြီးပြောနေတာမဟုတ်တာကြောင့် ထိုးထားသည့် မျက်စောင်းကို ကိုယ့်ဘာသာပဲ ပြန်သိမ်းထုပ်ရသည်။
"မအိပ်ချင်ဘူး။"
ထိုင်ခုံပေါ်ဘေးတစောင်းလှည့်သွားကာ လေယာဉ်ပြတင်းပေါ် နှာခေါင်းကပ်သွားသော ဟန်ငယ်ကို မျက်ဝန်းထောင့်ကနေလှမ်းမြင်နေရသည်။ နှစ်ယောက်တည်းသာပါသောလေယာဉ်မှာ သူလည်းသက်တောင့်သက်သာဖြစ်မှာမဟုတ်သလို ကိုယ်လည်း မဖြစ်။ ဘယ်နေရာက ထောင့်တလောင့်လောင့်ဖြစ်မှန်းမသိ။ ဒီလေထုအခြေအနေမှာ စိတ်က ကြည်သာခြင်းမရှိ။
နာရီအတော်ကြာ ခွေခေါက်နေရင်း အိပ်ပျော်သွားသော ကလေးငယ်ကို သူထိုင်ကြည့်နေမိသည်။ ဒီသေးသေးကွေးကွေးနုနုငယ်ထွေးဟာ အသက်နှစ်ဆယ်ပင်မပြည့်တတ်သေး။ ရှေ့ဆက်တာဝန်ယူရမည့်အလုပ်တွေအတွက် သူသက်ပြင်းနာနာချမိသည်။ ရှေ့ဆက်မယ့်ခရီးဟာ ကိုယ်တစ်ယောက်တည်းမဟုတ်တော့။
..........................
လေဆိပ်ဆင်းကတည်းက ခွေးတစ်ကောင်ကိုပိုက်ကာ ကျောပိုးအိတ်တစ်လုံးနှင့်ဟန်ငယ်က ရှေးဝတ်ရှေးစား ဆံပင်ဖားလျားနှင့် လူတွေစိတ်ဝင်စားတာခံရတော့သည်။ ကိုးရို့ကားယားကောင်ငယ်လေးဟာ တဝါးဝါးလုပ်ရင်း ဘာကိုမှလည်း သတိပြုမိပုံမပေါ်။ သူ့အတွက် မိုဂူ့ကိုသာ သက်ရှိဟု ယူဆထားပုံ။
ခွေးပေါက်စကိုခဏချကာ လက်နှစ်ဖက်ကိုဆန့်ပြီးလေပေါ်မြောက်လိုက်သည်။
