အားကစားချိန်သည် ဟန်ငယ်အပျော်ဆုံးအချိန်ဖြစ်၏။ နှစ်သက်ရာကိုရွေးကာ ဝင်လို့ရသည့်ကလပ်အသင်းတွေရှိတာကြောင့် ဟန်ငယ်က ဘောလုံးအသင်းကိုရွေးထားသည်။ လူတွေ့ဖြေပြီးမှ ဝင်ခွင့်ပြုသည်ဆိုသောစည်းကမ်းချက်ကြောင့် ဟန်ငယ်ရင်တော့နည်းနည်းခုန်၏။ ဘောလုံးကန်တာကိုသာသဘောကျတာ....သူ့မှာဘောလုံးကိုကိုယ်တိုင်ကန်ဖို့အခွင့်အရေးလေးနည်းနည်းတောင်မရှိခဲ့ပဲ။
ဆယ့်နှစ်တန်းက စီနီယာအကိုကြီးသုံးယောက်က အားကစားဝတ်စုံတွေကို ဝေပေးနေသည်။ ဟန်ငယ်ရောက်သွားတော့ တစ်ချို့တွေဆို ကွင်းထဲတောင်ဝင်နေကြပြီ။
"ဒီအသေးလေးအတွက် ဆိုဒ်ရှိပါ့မလား"
ဆံပင်ကိုလှန်တင်ထားသောအကိုကြီးက သူ့ဘေးက ဝတ်စုံတွေပွေ့ထားသည့် အကို့ကိုလှမ်းမေးသည်။
ဟန်ငယ်က အဲ့ဒီလောက်လည်းမသေးပါဘူးနော်။
"အလယ်တန်းနောက်ဆုံးနှစ်တွေအတွက် ထုတ်ထားတဲ့အထဲကပေးလိုက်...လဲပြီးမြန်မြန်လာညီလေး...ဒီနေ့တော့လူတွေ့စစ်တာနဲ့ပဲ ပြီးမယ်ထင်တယ်။"
လက်ထဲရောက်လာသော အနီရောင်ဝတ်စုံလေးကိုကြည့်ကာ နှာခေါင်းရှုံ့မိသည်။ တကယ်သေးသေးလေး >< တော်ပါ့မလားဆိုသောအတွေးက ဝတ်လိုက်တော့ ပုံကျသွားသည့်အင်္ကျီကြောင့်ကြက်ပျောက်ငှက်ပျောက်။ ငါတကယ်သေးတာပဲ။ မဟုတ်ရင်လည်း အင်္ကျီကပဲဆိုဒ်ကြီးနေတာဖြစ်ရမယ်။ ဟုတ်တယ်။ အင်္ကျီကကြီးနေလို့...ငါကမသေးဘူး။
ခြေစွပ်ကိုစွပ်ကာကွင်းထဲဆင်းလာတော့ နေတောင်တော်တော်ကျနေပြီ။ တစ်ခါမှမကန်ဘူးပေမဲ့ ကိုယ်တိုင်က ဝါသနာအခံလေးရှိပြီးသားမို့ တစ်ခါနှစ်ခါ နည်းပြလုပ်ပြတာကိုကြည့်ရုံနှင့် အခြေခံစည်းမျဉ်းတွေကို ခပ်မြန်မြန်ပဲနားလည်သွားသည်။
သူ့ကိုအင်္ကျီပေးသွားသည့်အစ်ကိုကြီးနာမည်က မန်းချောဟုခေါ်ပြီး ကျောင်း၏ထိပ်တန်းတိုက်စစ်မှူးဖြစ်၏။ ဆံပင်လှန်တင်ထားသည့်အကိုကြီးနှင့် ရည်းစားတွေဟု တစ်ချို့ကလက်ကုတ်ကာခပ်တိုးတိုးပြောသည်။ ဆိုက်တူဂိုက်တူနှစ်ယောက်ကိုကြည့်ရတာ ဘယ်နေရာမှာမှရည်းစားနဲ့မတူပေမဲ့ လိုက်ဖက်ညီတာမျိုးကိုတော့အထင်းသားတွေ့ရသည်။ ဥပမာ.....ခဏနားတဲ့အချိန် ရေဘူးလှမ်းပေးလိုက်တာမျိုး။
