Ang tulang ito ay isinulat ko
Hindi dahil sag alit ako sayo
At may isinusumbat ako
Bagkus ay nais kong ipadama sayo, na ikaw ay kailangan ko
Buong buhay ko naiinggit ako sa iba
Sa iba na matalik na kaibigan ka
Naiiyakan kapag nahihirapan sila
Kasunod ay ang sabay nilang pagtawa
Buong buhay ko naiinggit ako sa iba
Sa iba na suportado mo sa lahat ng gusto nila
Nakaagapay sa bawat yugto at pahina
Pahina ng librong ang titulo ay buhay nila
Buong buhay ko naiinggit ako sa iba
Sa iba na kasundo ka
Na tuwing may lakad ay magkasama
At sabay na bumibili ng mga bagay na parehong gusto nila
Buong buhay ko naiinggit ako
Dahil sa lahat ng nabanggit ko
Wala akong naranasan kasama mo
Wala akong naranasang suportahan mo ako
Wala akong naranasang gumala tayo at binili ang pareho nating gusto
At higit sa lahat hindi ko naranasang maging matalik na kaibigan mo
Sa bawat paggising ko sa umaga
Boses mo ang bumubungad at nauuna
Tila manok na walang tigil sa pagtilaok
At mundo koy tatahimik lang kapag sa paaralan ay nakapasok
Pagngiti mo, pagtawa mo at paghanga mo
Ni minsan hindi ko nakuha tuwing magkasama tayo
Marahil ay isip bata lang ako
O baka naman makasarili lang ako
Pero ikaw ang tatanungin ko? Kalian ba?
Kalian ka humanga sa mga ginagawa ko?
Kailan ka naging masaya kapag ang magkasama ay tayo? Kailan? Kailan?
Mas madali yatang sagutin kung ang itatanong ko ay kalian ka huling sumigaw sa harap ko dahil sa pagkakamali ko
Kailangan kita, kailangan kita sa bawat yugto at pahina ng librong ang titulo ay buhay nating dalawa.
Pwede bang maramdaman kong proud ka?
Pwede bang para sa akin ay maging masaya ka? Pwede bang sa lahat ng gusto ko ay sumuporta ka at pwede bang minsan ay marinig ko naman ang pagpayag kaysa pagtanggi.
Ang buhay ay parang kandilang gamit sa prusisyon
Gumaaganda ang liwanag ng apoy kapag nakikiayon ang panahon
Nakikisabay sa hangin, kaliwat kanan na katulad ng desisyon
Pero sa lahat ng maaaring deskripsyon gaya ng buhay ang liwanag ng apoy sa kandilay mamamatay pagkatapos ay itatapon.
Kailangan kita, ayaw kong hintayin na umikli pa ang panahon
Mamatay ang apoy sa kandila at itapon
Bago pa man ako magdesisyon
Dahil matatapos pa rin ang isang hapon na ikaw sa akiy mag-aahon
Ang tulang ito ay isinulat ko
Hindi dahil sag alit ako sayo
At may isinusumbat ako
Bagkus ay nais kong ipadama sayo, na ikaw ay kailangan ko
YOU ARE READING
Introvert's Soul
PoetrySometimes, instead of bursting out because of your overwhelming emotion towards people and things around you, it is better to write. Let the paper know all that is keeping your heart beats normally. Before you could realize it, you are slowly getti...