Beautiful Goodbye

Chapter 6

"HUFFLE!" kaway ni Eli sa kanya nang makarating sa paroroonan, "Mabuti at nakarating ka na, akala ko hindi ka na tutuloy" ngumiti ito sa kanya.

Nakakahiya naman pero kailangan niyang matuloy, sayang ang pwede niyang magawa sa araw na ito!

"Pasensya na talaga, ano ba ang pwede ko maitulong?" Ngiti niya, "Kagaya ba kahapon?"

Umiling ito, "lbang team ang nagpunta rito para sa medical and dental mission, tayo ngayon ang nakaassign sa children's party" nakangiting sambit nito.

Ah! Kaya pala halos banderitas at mga upuan ang nandoon. Nakakatuwa lang tignan dahil makulay din ang lugar na ito. Iba't iba sa paligid.

"Magpapalaro tayo?" Tanong niya habang tumulong sa paglalagay ng banderitas sa isang poste, "Anu-ano?"

"Yung uso sa atin, trip to Jerusalem tapos Bring Me at Newspaper Dance" Nagkukuwentuhan pa sila nang tawagin ito ni Riyo, naiwan siya doon at kinakabit ang banderitas.

"Kaya mo ba iyan?"

Napababa ang tingin niya at nakita si Theo doon, nakapamulsa at nakatingala sa kanya. Nagrigodon ang buong sistema niya nang naisip na nakatingala itong muli sa kanya.

Parang dati lang ay totoo iyon ngunit ngayon...

"Oo naman" Sambit niya, "Madali lang---" She missed a step! Damn!

Naghiyawan ang mga tao nang makita siyang nadulas, maging siya ay napahiyaw rin. Unang tinakpan ang ulo para sakaling bumagsak ay hindi bumagok ang ulo.

Pero, bakit parang hindi siya sa sahig bumagsak? "Never gets old, Huffle"

Agad niyang inangat ang ulo at nabigla na nasa nasalo siya nito! Malapit lang ang kanilang mukha kaya naman makaramdam siya ng pagiinit ng pisngi.

Kaagad siyang umalis sa bisig nito, "S-Salamat, pasensya na"

"Huffle! Ayos ka lang?" Takbo ni Eli papalapit sa kanya, "May masakit?"

Umiling kaagad siya, "A-Ayos na ako, nasalo ako ni Theo" aniya, "Tara na, Eli? Baka may gagawin pang iba?"

Napatingin si Eli kay Theo at ngumiti, "Ibang klase ka talaga, Sir! Savior na savior!" anito, "Oh, tara! Paparating na rin ang mga bata, need na natin maghanda"

Sa pagtalikod nito kay Theo ay napabuntong hininga na siya, bakit kasi kailangan pang maglapit ang mga katawan nila ng ganon? Bakit?

Hindi tama ito, Huffle! You are better than this! Sabi niya sa sarili ngunit bakit may pagnakaw pa rin ng tingin?

Nagsimula na ang programa at siyempre ay inuna ang palaro. Ang una ay newspaper dance!

Ang mechanics na pinaliwanag ng isang Indonesian na volunteer sa mga bata ay ganito; may sampung news paper sa paligid, sa pagtugtog ng kanta ay dapat wala sila sa loob nito kundi nasa labas at sa pagtigil ay kanya kanya silang hanap ng mapapalooban na dyaryo.

Hindi kaso kung dalawa o tatlong tao sa isang dyaryo basta ay hindi lalagpas ang paa sa papel.  Bawat may matatanggal ay may maalis din na diyaryo at ang ibang mananatiling papel ay tutupiin.

Sounds fun!

Naghahalo ang tawanan at kasiyahan sa unang palaro pa lang! May mga bata na lumapit sa kanya para makiusap kung pwede sumali ulit sa ibang laro dahil natanggal na. Natural pwede dahil para naman sa kanila ito.

"Okay! Down to our final round" Sambit ng babae, inexplain nito ang panibagong rules sa final round.

Isang dyaryo lang ang gagamitin at nakatupi pa iyon. Kailangan magkasiya ang isang pares doon. Yes, they need to chose one pair dahil dalawa silang mananalo.