Beautiful Goodbye

Chapter 8

Sorry, Baby Girl! My flight was moved this morning! Hindi ko na kayo mamemeet ni Theo this lunch. I hope you understand.

PININDOT ni Huffle ang send button sa email pagkuwa'y huminga nang malalim. Hindi naman siya nagsinungaling, her flight was really moved this morning. Ang kaso, hindi iyon aksidente. Sinadya niyang palitan ang oras ng pagalis.

Hindi na siya magpapakaimpokrito. Hindi niya pa kayang makita ang dalawa na magkasama lalo na walang alam si Crissa tungkol sa nakaraan nila ng lalaki.

Maybe. Just maybe, when Crissa finds out about them, ito na mismo ang maglayo sa mapapangasawa. She won't mind. Iyon naman talaga ang tama.

"Huffle!" Nasorpresa si Catherine nang makita siya, "Napaaga ka yata--" natigilan ito nang bigla niyang yakapin.

Parang nakaunawa ito pagkuwa'y niyakap siya pabalik, "You played fire with fire, Huffle..."

Kinagat niya ang labi, "A-Akala ko kaya ko na p-pero hindi pa pala... Hindi pala madali..."

Hindi na nagsalita si Catherine bagkus hinayaan siyang umiyak sa balikat nito. Inalo siya nito hanggang sa nakatulog na siya sa sariling opisina.

Si Kuya Slyther ang sumundo sa kanya.

"Tahimik ka yata, Huffle" Puna nito sa kanya, "Kumusta ang Indonesia?"

Sumandal siya sa headrest ng upuan, "Nakakapagod pero masaya" aniya.

"Nasaan ang masaya?" napatingin sa kanya ang kapatid, "May problema ba?"

Tumingin siya pabalik rito, ang bigat-bigat sa damdamin, "P-Paano mo pinakawalan si Emma noon?" tanong niya.

Si Emma ang una't huling nobya ni Slyther na nakilala niya. "Hindi ka ba nahirapan? Bakit parang masaya ka na ngayon? Ilang taon pa lang ang nakakalipas, ha?"

Bahagyang tumawa si Slyther, "Matagal na panahon na iyon, Huffle at isa pa, hindi mo siya gusto para sa akin"

Napalabi siya. Guilty sa sinabi ng kapatid, "pero kung gusto mo talaga siya, kahit ayaw ko sa kanya ay ipaglalaban mo hindi ba? Bakit hindi mo pinaglaban?"

Ngumisi ito, "May mga bagay na hindi laging pinaglalaban, kung para sa 'yo ay kusang mapupunta sa 'yo" anito.

Kaya ba nangyari sa kanila iyon ni Theo? Dahil pinilit nila ang bagay na hindi pa para sa kanila?

"Isa pa, hindi ko nga ganun kagusto si Emma" ngumiti ito! Huy! Hindi pala ngiti ang Kuya niya! "May iba na akong gusto"

Nanlaki ang mga mata niya! "What the -- may girlfriend ka na?!" Kaya pala ito nakangiti kahit walang dahilan! "In love ka?"

Hindi na naman umimik ito. Gusto na niyang tumakas sa mga kapatid, parang pinipiga ang puso niya.

Hindi dahil sa ayaw niyang maging masaya ang mga ito kundi ayaw niyang mainggit! Nakakainggit! Bakit siya ang tagal na ay hindi pa rin makausad?

"Gusto ko ng bumalik ng Paris" aniya sa kapatid. Tutal doon naman siya nagaral ng culinary, maaring ipagpatuloy niya pa ang trabaho doon! Magtayo na lang rin kaya siya ng Emery's doon?

Napakunot ang noo nito, "Paano ang Emery's? Sino ang mamamahala?"

Ah! Bahala na! Hinahabol siya ng sariling nakaraan, paano ba ito matatakasan?

Hinatid siya ng kapatid sa sariling apartment. Bumukod na rin siya sa magulang lalo na kaya naman na niyang magisa.

Kaya lang, sa ganitong pagkakataon mas kailangan niya yata ng yakap ng ina.