“5-1=0”
Tol, Bes, Beshie, Par, Pards, Bal, Man
Iba-iba ang katawagan sa salitang kaibigan
Paano mo nga ba masasabing kaibigan mo sila?
Sa ugali? Sa itsura? Sa amoy? Saan nga ba?
Kaibigan? Kung susumahin, marami na ako niyon
Mas marami pa kaysa sa aking ipon
Hindi ko kailangan ng maraming kaibigan sa buhay
Sapat na sa ‘kin kahit kaunti, basta tunay.
Katulad ng apat na lokarets na kilala ko
Mula sa kaibigan, itinuring ko nang mga kapatid ko
Sa halos lahat ng bagay, kamiy magkakasama
Nakakapagtakang sa mukha ng bawat isa’y hindi kami nagsasawa.
Sa libu-libong kakilala ko sa mundong ito
Sa daan-daang kaibigan ko
Kayong apat ang pinakaespesyal sa puso ko
Yieee! Kinilig naman kayo!
