ချစ်ခြင်းတရားဖြင့်လင်းလက်စေ

အခန်း(၅)

          Zawgyi

        ကောင်းကင်တစ်ယောက်အဆက်မပြတ်မြည်နေသည့်ဖုန်းသံကြောင့် နှစ်နှစ်ခြိုက်ခြိုက်အိပ်နေရာမှနိုးလာရသည်။အရင်တုန်းက  အရမ်းကြိုက်လွန်း၍ ဖုန်း raingtone ထားထားသည့် Shaun ရဲ့ Way back home သီချင်းကိုလည်းခုချိန်မှာ မခံစားနိုင်တော့။                                        
           လူကနှစ်ရက်ဆက်တိုက်ပင်ပန်းထားရသည်မို့ လက်တစ်ချောင်းတောင်လှုပ်ချင်စိတ်မရှိ။ပင်ပန်းရသည့်အကြောင်းရင်းကလည်း သူ့ရဲ့ချစ်ရပါသော မမခြယ်ကြောင့်။မနေ့က ဝယ်စရာရှိသည်လိုက်ခဲ့ပါဟူ၍ ဖုန်းဆက်ခေါ်လာသည်ကြောင့် မှိုရသလိုပြုံးဖြီးနေသည့်မျက်နှာနှင့် ရှေ့တော်မှောက်အရောက်သွားမိသည်။

             သူ့ရဲ့ တက်ကြွနေသည့်စိတ်ကလေးတွေက Junction ထဲ ၃ နာရီလောက်ပတ်ပြီးသည့်အချိန်မှာတော့ ကြက်ပျောက်ငှက်ပျောက်။သူအချိန်လွန်မှသိလိုက်ရသည်က ထက်မြတ်သည့်မိန်ကလေးပဲဖြစ်ဖြစ်၊အေးဆေးသိမ်မွေ့သည်မိန်းကလေးပဲဖြစ်ဖြစ်၊ဘယ်အသက် ..ဘယ်အရွယ် အမျိုးသမီးပဲဖြစ်ဖြစ် ကွဲပြားခြားနားမှုတွေအများကြီးရှိနေရင်တောင် ဈေးဝယ်သည့်နေရာနှင့် အလှပြင်သည့်နေရာတွင် ကြာတတ်သည်ကတော့ အတူတူပဲဆိုတာပင်။

            မမခြယ်ပေးသည့်ဘဝနှင့်ချီကာမှတ်သားအပ်သည့် သင်ခန်းစာတစ်ခုကို ဦးနှောက်ဝယ်သံမှိုရိုက်ရင်း အထုပ်ကြီးငယ်ဆွဲကာ တကောက်ကောက်လိုက်ပေးနေရသည်က ၃ နာရီတိတိ။နောက်ဆုံးသူ့နှုတ်ခမ်းထက်တွင် ဟန်ဆောင်ပြုံးတောင်မပြုံးနိုင်တော့သည့် အချိန်ကျမှ မမခြယ်ကအိမ်ပြန်ဖို့စကားစသည်။

           ဒီနေ့လဲ မမခြယ်ကသူ့ဦးလေး၏ အိမ်တက်ပွဲဖိတ်၍ နောင်တစ်ချိန်မမခြယ်နှင့် သူလက်ထပ်လျှင် မမခြယ်၏ အမျိုးများကြားထဲတွင် မှတ်ချက်ကောင်းများရစေလို၍ မျက်နှာလိုမျက်နှာရနှင့်သွားမိသည်။ရောက်ကတည်းက "ဒီကောင်လေးဖင်ပေါ့တယ်" ဟုဆိုကာ ဧည့်သည်တွေကိုဧည့်ခံခိုင်းခဲ့သည်က သူ့မှာဖင်ပင်နွေးအောင်မထိုင်ရ။ဒီကြားထဲ လာသမျှဧည့်သည်တွေနှင့် မိတ်ဆက်ပေးနေသဖြင့် နှုတ်ခမ်းထက်က အပြုံးကိုလည်းမဖြုတ်ရဲ။