ချစ်ခြင်းတရားဖြင့်လင်းလက်စေ

အခန်း(၁၇)

       Zawgyi

         မိမိနံဘေးနားမှ လစ်ဟာသွားသည့်ခံစားချက်ကိုသတိထားလိုက်မိပေမယ့်လည်း  ပေါင်ချိန်များစွာထမ်းပိုးထားရသလိုလေးလံနေသည့် မျက်လုံးကတစ်ချက်ကလေးပင်ဖွင့်မရ။နွေးထွေးနေဆဲဖြစ်သည့် အိပ်ယာငယ်လေး၏တစ်ဖက်ခြမ်းကတော့ဖြင့် သက်ဆိုင်သူ၏ ကိုယ်သင်းရနံ့တို့ဖြင့်ထုံမွှမ်းလျှက်။

           စရောက်သည့်နေ့တွေတုန်းက ဒီလိုတစ်ယောက်အိပ်ကုတင်ငယ်လေးတွင် ကာကာနှင့်အတူအိပ်ရသည်မှာ တကယ်ကိုပင်အဆင်မပြေဖြစ်ခဲ့ရသည်။အခုလိုအချိန်နှစ်ပတ်မျှကြာပြီးသည့်အချိန်မှာတော့ ပူစပ်စပ်နွေရာသီညတွေကို နှစ်ယောက်သားကြပ်ကြပ်သိပ်သိပ်ဖြင့်အိပ်စက်ရသည်ကိုပင် အသားကျလာခဲ့ပြီဖြစ်သည်။

            နံနက်ခင်းတွင်တောင်အေးချမ်းသည့်အငွေ့အသက်ကိုမခံစားရသည့် နွေလေပူတစ်ချက်က ဖွင့်ထားသည့်ပြတင်းပေါက်မှတစ်ဆင့်အခန်းတွင်သို့ဝင်ရောက်လာသည်။ထိတွေ့ခံစားလိုက်ရသည့် လေပူပူတွေကြောင့် တစ်ဖက်နှင့်တစ်ဖက်ထိစပ်လုနီးပါးဖြစ်နေသည့် ကောင်းကင်၏မျက်ခုံးနှစ်စုံက တွန့်ချိုးသွားရသည်။

               ညကတည်းကုတင်ခြေရင်းရောက်နေသည့်စောင်ကို ကန်ချလိုက်ပြီးတစ်ညလုံးကွေးထားရသည့်ခြေထောက်ကို ဆန့်လိုက်သည့်အချိန်မှာတော့ ခန္ဓာကိုယ်အတွင်းမှအရိုးသံတဂျွတ်ဂျွတ်ကထွက်လာသည်။

              အသားနှင့်ကပ်ရပ်ဖြစ်နေသည့် ဂျိုင်းပြတ်စွပ်ကျယ်အဖြူ လေးကို အပေါ်သို့အနည်းငယ်မတင်မိတော့ ပေါ်ထွက်လာသည့်ကောင်းကင်၏ဝမ်းဗိုက်ဖြူ ဖြူ လေးတွင်ချွေးစက်တို့်ဖြင့်ပြည့်လျှက်...။

            မီးဖိုချောင်ခန်းဆီမှကြားလိုက်ရသည့် ဆူဆူညံညံအိုးခွက်သံနှင့် ကာကာ၏ဆဲဆိုသံတစ်ပိုင်းတစ်စကြောင့် လူကအလိုလိုပင် အိပ်ယာမှထထိုင်မိသည်။အတန်ကြာသည်အထိ မည်သည့်အသံတစ်စုံတစ်ရာမျှ ထပ်ထွက်လာခြင်းမရှိတော့မှသက်ပြင်းချမိသည်။  

           ဒီလိုကိစ္စတွေက ကျွန်တော်ကာကာ့တိုက်ခန်းတွင် နှစ်ပတ်ကျော်မျှနေလာသည့်အချိန်အတွင်းနေ့တိုင်းကြုံတွေ့နေကျဖြစ်စဉ်တွေပင်..။ကျွန်တော်တို့နှစ်ယောက် ဒီနှစ်ပတ်ကျော်အတွင်းတွင် အဆင်မပြေသည့်ကိစ္စများအများအပြားရှိခဲ့သည်။ညှိယူခဲ့ရသည့် ကိစ္စများကလည်း အများအပြား..။