رواية العشق بطريقة الشيطان بقلم..زينب سمير

الثامن عشر ..الجزء الاول..

••الفصــــل الثــامــن عشـــر•• (الجزء الاول)

ذهب قرص الشمس الوهاج بضوءه الساطع تاركا قمر اخر ينير ظلمات الليل كان الهدوء يسيطر علي قصر الشيطان وهو كان مازال يجلس في غرفة المكتب قبل أن يسمع طرقة خفيفة علي الباب وقبل أن يسمح للطارق بالدخول دخلت هي بخطوات هادئة قوية كعادتها وكأنها صمتت أمامه لأيام ورجعت لاصلها القوي فليس هي من تقع أو تبكي بسبب رجل مهما كان مين...
رفع نظره ولمحها تتقدم نحوه حتي وقفت أمامه ليقول هو:-
_مساء الخير
ردت بهدوء:-
_مساء النور...بلال ممكن نتكلم شوية مع بعض
اشار لها بالاقتراب منه لتضيق حاجبيها معا بتعجب لكن تقدمت منه بقله حيلة وعدم فهم حتي وقفت مجاوره له
ولكن بحركه سريعة منه جذبها إليه واجلسها علي قدميه
انتفضت من ذلك القرب وحاولت النهوض ليحكم قبضته حولها ويقترب من اذنها هامسا:-
_مش هتقومي من هنا لحد ما انا اسمح بكدا...فأهدي وقولي عايزه اية
توقفت حركاتها بعد كلماته تلك التي كانت كأمر لها وليس مجرد حديث
ثم التفتت براسها له لتقول:-
_انا عايزه اعرف انت عايزنا نكمل جوازنا كأي اتنين طبيعيين ولا هتخليني معاك لحد ما تزهق وتسيبني ولا اية بالظبط
كانت يده تحركت الي رقبتها يحركها عليها برفق وبهدوء اتعبها صعودا لخصلاتها الحريرة واليد الاخر تحكم امسكها من خصرها
بعدما سمع كلماتها اقترب من اذنها هامسا:-
_وانتي عايزه تعرفي ليه
فريدة بتحدي:-
_علشان افهم حياتي هتمشي ازاي مش ابقي زي اللعبة حضرتك بتحركها بمزاجك
تحرك جانب شفتيه مظهرا شبح ابتسامة
وهو يقول:-
_جوازنا هيكمل زي جواز اي حد بس بقواعد مختلفة
فريدة:-
_اية هي القواعد دي بقي
بلال:-
_مفيش خروج نهائي من البيت يافريدة حتي لو البيت دا بيتحرق انتي فاهمة
مفيش شغل نهائي
متدخليش في خصوصياتي ابدا بمعني متسأليش علي اي حاجة
انا حياتي هتكمل زي الاول بالظبط واكيد سمعتي عنها
هنا مسموح تقابلي اهلك وبس واللي هما والدك ، والدتك ، اخوكي.. وبس

استمعت له وصمتت بما فيه الكفاية لكن ذلك الرجل بالطبع قد جن ايراها عبدة له ام جارية
لن تسمح بتلك القواعد الغبية أن تتحقق ولو كلفها ذلك حياتها
وبالفعل بدأت بالصراخ وهي تحاول أن تبتعد عنه:-
_نعم ...حد قالك انك متجوز جارية وانا معرفش لا فوق يابلال عز الدين مش انا اللي تمشي عليها أوامر هبلة وغبية زي دي انا ليا احلام وطموح هتتحقق وبعدين مش انت مستحيل تكسر واحدة يبقي سيبني بقي اعيش حياتي ويوم ما تعرف تروضني زي ما بتقول وانفذ كلامك كله واطلب منك اسيب شغلي يبقي وافق غير كدا والله ما هيحصل كويس
استمع بكلماتها ببرود وهو يقول:-
_العند ملهاش فايدة لانك هتنفذي اللي عايزه يافريدة في الاخر
فريدة بصراخ:-
_مش هنفذ
بلحظة أمسك شعرها بين أحد يديه بقوة صارخا:-
_صوتك ميعلاش انتي سامعة ولا لا
هتفت بصراخ أشد:-
_اهااا سيبني
ضغط عليه اكثر وبقوة اكبر وهو يقول بصوت مخيف ارعبها:-
_لازم تفوقي كدا وتعرفي انتي متجوزه مين... انا محدش يقولي لا يافريدة... انتي سامعة
فريدة بقوة وغضب:-
_هما ميقدروش يقولوا لا لكن أنا اقدر... وعلي فكرة همجيتك دي بتدل علي انك مش راجل اصلا لانك بتتقوي عليا وانت عارف انك اقوي
بلال:-
_بتعترفي انك ضعيفة
فريدة:-
_متغيرش الحوار
بلال:-
_انا مش بغير حوارات ...انا مكسرتش حد ...لكن أنا كـزوج بمنع مراتي من انها تشتغل
فريدة:-
_باي حق تمنعني
بلال:-
_اولا مفيش حاجة نقصاكي علشان تشتغلي وتجيبيها ..ثانيا من أمتي فريدة ابو عوف بتشتغل اصلا
فريدة:-
_ممكت اشتغل من وراك علي فكرة
بلال بغضب اخافها وارعبها:-
_زي انهاردة كدا
فريدة بخوف وتوتر:-
_اية
بلال:-
_بقول زي انهاردة كدا ولا اية... الهانم مفكرة أن جوزها نايم علي ودانه وهي بتتسرمح براحتها
فريدة بصدمة:-
_انت كنت صاحي
بلال:-
_ولو حتي نايم... هنام 12 ساعة ؟!
فريدة بتوتر:-
_انـ ا...انــ ا
بلال:-
_من غير كلام كتير الشغل دا يقف حالا
فريدة:-
_مش هينفع...مش هينفع انسحب
بلال بغضب بدأ يعود له من جديد:-
_وانا مش هسمح أن مراتي الغبية تشتغل فدائية ممكن تموت في اي لحظة
فريدة:-
_انت عرفت ازاي بشغلي دا
بلال:-
_انا مفيش حاجة تتخبي عني
فريدة بسؤال مفاجئ:-
_انت كنت تعرفني قبل ما اشوفك في الاجتماع يابلال
هتف سريعا بطريقة استغربتها:-
_لا كانت أول مقابلة
فريدة بهدوء:-
_احنا خلال نص ساعة دخلنا في اكتر من حوار لكن سيبنا الاصلي... بلال انا مستعدة اعطي لحياتنا فرصة علشان نكمل مع بعض بطريقة كويسة لكن مينفعش نكمل بقواعد زي بتاعتك دي