رواية العشق بطريقة الشيطان بقلم..زينب سمير

الخامس والعشرون

مفاجأة من العيار الثقيل في البارت انهاردة...

••الفصــــل الخــامــس والعشـــرون••

ريما:-
_طيب برأيك ياميرا رد فعله هيكون ازاي
ميرا بتوتر:-
_مش عارفة
ريما:-
_هو زايد ملمسكيش ليه
ميرا:-
_زايد في أيام الخطوبة حكتله كل حاجة واتفاجأت يوم الفرح بأنه خلاني اقعد في أوضة لروحي قال إنه ميقدرش يظلمني هو كان عنده مرض وعارف أنه هيموت في اي لحظة وخاصة أنه مكنش بيفكر في الجواز تاني بسبب مرضه دا لكن اتجوز علشان حد ياخد باله من وتين علي الأقل ايام مرضه وبعدين كان هيكتب الوصية أن الزوجة متستلمش فلوسها غير لما وتين تكمل 18 سنة وتكون قاعده معاها في نفس المكان علشان يضمن أن في حد معاها وكدا لكن لما عرفني و فهمني لغي الوصية وقال إنه مطمن عليها معايا من غير حاجة هو مكنش عايز يدمرني كليا علشان لما يموت مفتكرهوش بحاجة وحشة علشان كدا كل حاجة حصلت معايا برجع أقول إن بابا السبب مش زايد ابدا
ريما ببسمة:-
_انا متوقعه أنه هيفرح اوي
ميرا:-
_انا مش متوقعة اي حاجة
ريما:-
_هي وتين فين اصلا دلوقتي
ميرا:-
_جوه بتسمع كارتون
ريما:-
_اهل مامتها مش بيسئلوا عليها
ميرا:-
_مامتها كانت مقطوعة من شجرة زيها زي زايد بالظبط
ريما بحب:-
_ربنا بيسبب الأسباب وكل الحوارات دي حصلت بس علشان انتي تعوضي وتين وتكوني معاها
ميرا:-
_الحمد لله علي كل حال...بصي هسيبك ساعة كدا اقابل معتز وارجع...خلي بالك من وتين
ريما:-
_متقلقيش... في عيوني
ميرا:-
_تسلملي عيونك
ثم اقتربت وقبلتها علي وجنتيها بحب وودعتها وغادرت من المبني كليا لتجد معتز في الاسفل منتظرها
توجهت نحوه وهتفت بابتسامة:-
_مستني من زمان ولا
معتز:-
_لا لسة واصل..خلصت كلامي مع بلال وجيت
ركبت السيارة لينطلق هو بها
ميرا:-
_هتوديني فين بقي
أجابها وهو مازال ينظر أمامه:-
_في مطعم قريب هنا نروح نتعشي فيه وبعدين نتكلم شوية
ميرا:-
_تمام...اخبار بلال وفريدة أية صح
أجابها بهدوء وكأن الأمر بسيط:-
_فريدة هربت
صرخت في أذنه هاتفه:-
_نعم
معتز:-
_اهااا ودني...اللي سمعتيه ياميرا اعمل اية انا طيب
ميرا بخوف:-
_طيب دي هتكون راحت فين وبعدين هي ماخفتش من رد فعل بلال لما يلاقيها وكيف اصلا بلال لحد دلوقتي ملقهاش
معتز:-
_اششش اهدي شوية...بصي انا معرفش اي حاجة غير أن بلال كان متأكد انها هتعمل كدا وسهلها الموضوع
ميرا:-
_بلال دا اقسم بالله مجنون
معتز:-
_هو عارف مش منتظر رأيك

كانت تقف في المطبخ تصنع كوبين عصير لها وللصغيرة لتجد رقم غريب يتصل عليها ترددت في الرد لكن في النهاية ردت هاتفه:-
_السلام عليكم...مين معايا
_وعليكم السلام...انا فريدة ياريما اخبارك
ريما:-
_ديدا...انا تمام الحمد لله وانتي عاملة اية...واية الرقم دا
اجابتها فريدة سريعا:-
_بصي مش وقت اسئلة دلوقتي...اول حاجة كدا متقوليش لحد اني اتصلت ماشي...ثانيا دا رقمي الجديد...ثالثا انا هربت من القصر
ريما بصراخ:-
_اية ..هربتي
فريدة:-
_اششش اسكتي يابنتي...ايوا هربت..بصي حاليا انا في بيتنا القديم...خلال أربع ساعات هسافر بره مصر...اول ما اسافر قوليلهم عادي اني مشيت...وقولي لبلال اني سبقته
ريما بعدم فهم:-
_سبقتيه ؟ مش فاهمة قصدك
فريدة:-
_قوليله كدا بس واسكتي...سلام دلوقتي علشان رايحه اكل
ريما بغضب:-
_انتي ليكي نفس تاكل بعد اللي قولتيه دا
فريدة بدلال:-
_ايوا طبعا لازم اكل واهتم بصحتي وبعدين الاكل دا مش ليا اصلا
ريما بحيرة:-
_والله انا مبقيتش فاهمة حاجة...بس تمام هعمل كدا
فريدة بتحذير:-
_بعد اربع ساعات ياريما..لو قلتي قبل كدا يبقي صداقتنا انتهت سامعة
ريما:-
_ايوا سامعة...سامعة...متقلقيش محدش هيعرف
فريدة:-
_اوك سلام دلوقتي
ريما:-
_سلام