رواية العشق بطريقة الشيطان بقلم..زينب سمير

الثاني والثلاثون

بعتذر يابنات علي بارت امبارح بس الواحد شبة مكنش في وعيه امبارح لان اديني فترة بطبق سهر باليومين او التلاتة وامبارح اعتقد مقدرتش فكان في صداع جامد عندي وبطني وجعني اوووي والله والقلب كانت حالته غريبه😅
ادعولي النهاردة ميحصلش دا كمان انا هعوضكم بقدر ما اقدر حتي لو كنت تعبانه امبارح حاولت أكتبه كتير لكن مقدرتش ونمت فوق ال١٣ ساعة تقريبا....
اسيبكم مع البارت...
مواعيد النشر الساعة تسعة يوميا
كل يوم بارت الا الايام دي هيكون في اكتر من واحد
دا للناس اللي بتسأل...
......
••الفصـــــل الثــانـــي والثــلاثــــون••

في احد المستشفيات الخاصة التابعة للشيطان،،،،،

كانت تجلس فيروز الباكية وبجوارها سعاد تحاول أن تبث داخلها الهدوء بقدر ما تستطيع بجانب ذلك وجود ريما وأميرة وامير الذين منذ معرفتهم الخبر وهم في حالة توتر لا يمكن وصفها بكلمات وعلي مقربة منهم كان يقف حسان بحزن علي حال ابنته وبجواره وقف فارس ومعتز وعبد الرحمن
أشخاص لا حصر لها بالإضافة لميرا التي دخلت العملية لتتابع معهم حالتها فهي أيضا دكتورة جراحة عامة
بينما هو...
كان يقف في شرفة التي توجد في الممر مربعا ذراعيه أمامه صدره وساندا ظهره علي الحائط بجواره كما اثني أحد رجليه وسندها علي الحائط
يظهر علي ملامحه الجمود...بينما بداخله يوجد صراعات لا أحد يشعر بها
يخشي أن تضيع بين يديه...يخشي أن تكون تلك النهاية
يخشي...نعم الشيطان يخشي
منذ ساعتين وهو يقف تلك الوقفة الجامدة ينظر للخارج غير مهتما بما يحدث بالداخل
حتي جائت اللحظة المناسبة وخروج الطبيبه ومعها ميرا التي ظهر عليها الإرهاق
بخطوات شبة راكضة وصل الجميع إليها
لتنظر هي لهم وللشيطان خصيصا بتوتر ثم تقول:-
_مدام فريدة اتعرضت لارهاق بدني شديد خاصة حول منطقة الجنين لفترة طويلة ودا اللي سبب النزيف وكويس انها جت في الوقت المناسب لان لو استمر النزيف لاكتر من كدا كنا للأسف فقدنا الجنين

ارتسم علي ملامحهم الزهول قائلين:-
_جنين
الطبيبة ببسمة:-
_شكلكم مكنتوش تعرفوا....حاليا هو كمل خمس اسابيع
فيروز بقلق:-
_طيب وراسها يادكتورة....كانوا بيقولوا بتنزف
الطبيبة بعد أن تنهدت بحزن:-
_للاسف مش عارفة افسر حالتها نهائي...ولية نزفت من دماغها
امسكها بلال فجأة من تلابيب جاكتها الابيض قائلا بعنف وهو يرفعها له حتي أصبحت قدميها لا تلامس الارض:-
_يعني أية مش عارفة تفسري..اومال اسمك دكتورة ازاي
معتز وهو يحاول أن يبعده عنها:-
_يابلال تهدأ..دي واحدة ست..مينفعش كدا
بلال بغضب:-
_ست.. راجل..اي مخلوق.. المهم تشوفلي حل وتعرف أية اللي بيحصلها بالظبط
الدكتورة برعب من حالته تلك وهي مازلت مرتفعة عن الأرض:-
_لو سمحت نزلني...مينفعش كدا
تركها بأهمال لدرجة أنها سقطت بقوة بعض الشى علي الأرض لتنهض سريعا تلك الطبيبة ذات الاربعين ربما من عمرها وتقول:-
_انا توقعت أنه ممكن يكون تكدس مجموعة دموية عالية في الدماغ بس دا لو الشخص قعد لفترة طويلة برضوا غير متزن وقاعد قعده مش مظبوطة