رواية العشق بطريقة الشيطان بقلم..زينب سمير

العشق...الرابع

••الفصــــــل الـرابـــع••

كانت علامات الصدمة تسيطر علي جميع الوجوه وهم يستمعون لتلك الكلمات التي كانت عبارة عن طلاسم غير مفهومة أو هم لا يريدون فهمها اي قتل هذا ..ومن القاتل ..ومن المقتول
اجنوا ام ماذا
تماسك حسان سريعا وقال بنبرة متحجرجة بسبب تلك الصدمة:-
_انت بتقول أية ..معلش كدا قول تاني
هتف الضابط بهدوء:-
_مدام فريدة مطلوب القبض عليها..بتهمة قتل بلال بيه
حسان:-
_انت مستوعب انت بتقول أية...دا جوزها
الضابط بهدوء:-
_و لانه جوزها هي متهمة بكدا
تدخل فارس قائلا:-
_لا انا كدا مش فاهم حاجة خالص
الضابط:-
_الخدم اعترفوا أن في بعض الخلفات بين فريدة هانم وبلال
هتفت فريدة ببطء وهي حتي الآن لم تستوعب اي شئ مما يحدث حولها:-
_ايوا خلفان بس بسطية جدا بتحصل بين أي زوجين
الضابط:-
_لكن اللي مش بسيط أن الخدم يشفوكي داخله لمكتبه وانتي بتداري منهم وبعد شوية يكتشفوا انك قتلاه
فارس:-
_حضرتك اكيد غلطان فريدة كانت نايمة فوق من زمان
الضابط:-
_حضرتك كنت قاعد معاها في الاوضة وشايفها نايمة علشان نصدق كلامك
اؤما بـ لا ثم نظر للاسفل
بينما هتفت فريدة بنبرة هيستيرية مجنونة:-
_انت اكيد بتكدب هو مامتش بلال مينفعش يموت انا مش مصدقة اللي انت بتقوله دا
ثم بدأت تهبط للاسفل بأنهيار وهي تقول:-
_هو اكيد كداب اكيد كداب
اتجه نحوها فارس سريعا وهبط بمستواها واحضنها لتزيد من ضمه لها وهي تقول:-
_هو بيضحك عليا يافارس صح..قولي أنه بيضحك عليا
اغمض فارس عيونه بحزن ثم فتحها مرة أخري وهتف:-
_فريدة اهدئ وخلينا نروح معاه ونشوف الدنيا ماشيه ازاي
لتهتف بصراخ عالي:-
_هو مامتش
بتلك اللحظة اقتربت بسيل من والدها واحتضنتها بخوف هاتفه:-
_مامي..ماله بابي
اقتربت فيروز سريعا واخذت بسيل من بين احضان فريدة قبل أن تجيبها حتي
بينما فريدة تماسكت أطرافها سريعا ووقفت لتنظر للضابط هاتفه بنبرة مختنقة بعبراتها:-
_ثواني هغير هدومي واجي
اؤما بنعم لتختفي ومن خلفها فارس ومن ثم حسان

بعد مرور نصف ساعة،،،،،
في قصر بلال عز الدين،،،،،

دخلت فريدة القصر بخطوات مرتعشة وهي تنظر حولها بدموع خفيفة وتركزت عيونها علي باب المكتب الذي كان يقف بجواره عسكريان ليشير الضابط لها بالدخول قائلا:-
_اتفضلي علشان تشوفي الجثة..احم احم اقصد بلال بية
اؤمات بحسنا وذهبت خلفه بخطوات واهية ليدخل ويخرج الجميع من غرفة المكتب وتبقي هي وهو وبلال
نظرت للأرض وهي تبتلع ريقها بخوف ليميل الضابط ويبعد الغطاء عن وجهه ليظهر أمامها ملامح بلال الهادئة تماما
لتقول هي:-
_انا مقتلتوش والله ازاي اقتله وانا بعشقه ازاي
نظر الضابط لها بهدوء ولم يتحدث
بينما هبطت هي وجلست علي الأرضية بجواره وسارت بيدها علي وجهه ببطء ممزوج بصدمة قائلة:-
_بلال انت مامتش صح..انت مش هتسيبني انا وبنتك يابلال اكيد... بلال رد عليا ..فوق ارجوك
نظرت للأعلي وهتفت بصراخ:-
_ياريتني ما مشيت
ثم نظرت له مرة أخري واقتربت بذراعيها منه واحتضنته بقوة وسرعان ما دخلت في نوبة بكاء عالية وهيسترية
ظلت تبكي لمدة ليست بقليلة والضابط ينظر لها فقط ولا يستجرئ حتي علي الاقتراب منها
حتي هدأت هي فجأة ووقفت وظهر علي ملامحها الجمود وهي تنظر له قائلة:-
_انا كيف اقدر أثبت اني مقتلتوش
تحولت نظراته من الشفقة الي التفاجئ والزهول من تغيرها هذا
لكن سرعان ما قال:-
_دليل يثبت انك كنتي في بيت والدك في وقت وقوع الجريمة
فريدة:-
_الجريمة كانت أمتي..ومين بلغك بكدا
الضابط:-
_كانت الساعة عشرة ونص بلغني الخدم
فريدة:-
_الخدم كلهم ولا واحدة بس
هتف الضابط بهدوء:-
_اكيد واحدة
فريدة بجمود وبرود:-
_عايزة اقابلها
صمتت لثواني قبل أن تقول مرة أخري بحدة:-
_وعايزه اشوف كاميرات المراقبة الخاصة بالقصر
الضابط:-
_دا شغلنا احنا ياهانم
هتفت ببرود جليدي:-
_ودا جوزي انا
الضابط:-
_متنسيش حتي الآن انتي متهمة بقتله وانا بس سامح لحضرتك ببعض التجاوزات لانك مراته وبنت حسان ابو عوف
ازدادت نبرتها برودة وهي تقول:-
_ودا اكبر غلط عملته انك سمحتلي اتجاوز حدودي رغم أن شغلك يمنعك من كدا
نظر للأسفل ولم يرد لتقول هي:-
_عايزه كمان رئيس الحرس واهم تسجيل تجيبه التسجيل الخاص بالكاميرا الخارجية للقصر
الضابط:-
_مش هينفع نخليكي تساعديني أو تعملي اي حاجة غير لما نضمن انك مقتلتهوش
فريدة:-
_وانا مش هقدر أثبت برأتي غير لما أثبت أن في قاتل غيري
ثم تركته واتجهت للخارج
•••••••••••••••••••••••••••
هتف اسر بحده في الشخص الذي يحدثه علي الهاتف:-
_ممنوع نشر اي خبر عن موته انت فاهم...دا أمر من الجهات العليا...اقسم بالله لو في صحيفة أو قناة خالفت الأوامر لاطربقها فوق دماغكم
ثم اغلق معه
واتصل علي رقم اخر ليأتيه الرد بعد ثواني
اسر:-
_ياسامر باشا فريدة مستحيل تقتله..أنا متأكد لأنها فعلا مستحيل تقتله يعني اي خلاف بسيط يوصل للقتل يبقي مكنش في راجل عايش ولا اية..شهود مين اللي شافوها..تمام نثبت انها مقتلتوش وبعدين نشوف مين القاتل الأصلي أو زي ما قولتلك لما تعرفوا القاتل هتعرفوا انها مقتلتش
ثم اغلق معه أيضا
لتأتي هند من خلفه وتقول بتوتر:-
_اللي انا سمعته دا صح يااسر
التف لها و بلحظة واحدة اختفي قناع الجمود من علي وجهه وظهر قناع الضعف وهو يقول بصوت خافت:-
_مات ياهند اكتر واحد كان سند ليا مات..بعد ما سبته بنص ساعة مات..ياريتني ماسبته ياهند
هتفت بتوتر:-
_طيب لو كانت فريدة اللي قتلته هيحصل أية
اسر:-
_مستحيل تكون هي اللي قتلته انا اقسم علي دا كمان..في غلطة في الموضوع لو عرفتها الموضوع هيتحل كله
هتفت وكأنها تذكره بالواقع:-
_حتي لو عرفت مين اللي قتله هو كدا مش هيرجع
اسر:-
_بتمني دي تكون لعبة من العابه علشان يحقق هدف زي مابيعمل صح اللعبة صعبة لكن ياريت تكون لعبة
هتفت بحزن عميق:-
_متخليش عندك امل كداب يااسر..الجثة في القصر حتي مش مشوهه أو حاصلها حاجة
صمت لدقائق عديدة وكأنه يحاول أن يستوعب ما حدث وما يحدث ثم نظر لها قائلا:-
_هروح القصر دلوقتي ولو لقيت الحال متوتر اوي هجيبلك بسيل
اؤمات له بحسنا
ليتركها ويغادر
•••••••••••••••••••••••••••••••••
عودة للقصر،،،،،

كانت تشاهد المقطع الخاص بساعة القتل وكان عبارة عن "الجو هادئ تماما وبلال في غرفة مكتبه والخدم في غرفة المطبخ لم يخرج منهم اي احد للخارج وثواني وظهرت فريدة هي وتدخل له وبيدها سكين من الباب الخلفي للقصر لتغلق هي المقطع فجأة وترجع لمقطع اخر قبله بعشر دقائق وتفتحه لتجد أن طول المدة تلك لم تتحرك اي خادمة من مكانها وخصوصا الخادمة التي قالت انها رأتها"
لتنظر للضابط هاتفه:-
_الخدامة اللي قالت إنها شافتني متحركتش من مكانها من الساعة عشرة للساعة عشرة ونص حتي شوف الفيديو دا والفيديو الخاص بوقت الجريمة هي متحركتش برضوا
والأهم انا لو هدخل للقصر واقتله مش هدخل بالسهولة دي من الباب اللي وري اللي قدام باب المطبخ واللي عليه حرس كتير برضوا واقول للكل اني جايه أو اني هدخل من الاول ومعايا السكينه علي الأقل اطلعها في المكتب وانا كمراته كنت ممكن ادخل قدام الكل عادي كأني جايه اصالحه واقتله وبعدين اصرخ واقول أنه في حد اتهجم عليه واعتقد الكل كان هيصدق بلال برضوا مش اي حد دا غير أن انا استيل لبسي مش كدا خلاص واكيد دا شئ لاحظته
الضابط:-
_للاسف كل دي مش ادله
فريدة:-
_لا ادله..ابسط الأدله بتكون هي الحل طريقة اللبس بتكون اكبر دليل ..الخدامة اللي متحركتش واتهمتني زور اكبر دليل..طريقة الدخول والخروج اكبر دليل
الضابط:-
_احنا عايزين ادله ملموسة مش اي كلام يافندم حتي انا لو مصدقك هما مش هيصدقوكي
فريدة:-
_يافندم حتي طريقة القتل دليل..حضرتك عارف انا مين وإني كنت ممكن اقتل اي حد من غير ما يظهر عليه اي أثر ولا حتي الدكتور الشرعي يقدر يشوفه أو يعرفه يبقي ازاي انا هقتله كدا قدام الكل..بقيت غبية فجأة يعني ولا اية
تنهد الضابط وظهرت علامات الحيرة علي وجهه بينما تنفست فريدة بعنف وقد ظهر علي ملامحها اخيرا الحزن..الحزن المميت الذي يسيطر عليها
لتهمس بداخلها برجاء
" بلال انت اكيد مسيبتنيش صح..مستحيل انت تموت بالسهولة دي..ازاي قدروا يقتلوك اصلا..دا انت بلال يابلال..انت الشيطان اللي يرعب الكل منه..ارجوك تكون عايش..انت عندك بسيل وانا..احنا محتاجينك اوووي..انا لسة مأخدتش حقي منك "

( وقد تكون تلك نهاية الحكاية )

يتبع..
رأيكم..