رواية العشق بطريقة الشيطان بقلم..زينب سمير

الثالث والثلاثون

••الفصــــل الثــالــث والثــلاثـــون••

هتف بلال بصدمة ظاهرة جدا علي ملامحه:-
_انتي قولتي أية
تعمدت الجهل وعدم الفهم وهي تقول:-
_قولت أية...انا مقولتش حاجة
بلال:-
_لا قولتي
وترك المقعد الذي يجلس عليه واقترب منها وهو يقول:-
_قولتي وانا كمان بحبك
فريدة:-
_دا بس كلام هبل ملهوش وجود..محبيتش اكسفك ..يعني انت تقول بحبك وانا اسكت
رفع أحد حاجبيه وهو يقول:-
_والله
فريدة:-
_والله...يلا بقي اوعي من هنا علشان عايزه انام
نظر لها بخبث وهو يقترب اكثر هاتفا:-
_يعني أنتي مش بتحبيني صح
فريدة:-
_ايوا صح
بلال بلامبالاة:-
_تمام يبقي نطلق بقي
فريدة بزهول:-
_انت موافق تطلقني
بلال بعدم اهتمام:-
_مش هفضل طول عمري قاعد مع واحدة مبتحبنش وفي مليون واحدة بتتمناني
فريدة:-
_يعني تقصد أية
بلال:-
_اتجوز واحدة بتحبني
فريدة بصراخ عالي وهي تحاول النهوض:-
_يبقي انت كنت بتكلم واحدة علي التليفون دلوقتي صح
صمت ولم يتحدث لتقول هي بجنون وغضب حاد:-
_بتخوني وانا قاعدة جنبك
بلال ببرود مستفز:-
_دي اكيد هرمونات حمل صح...حبيبتي انتي فريدة يعني لوح تلج مبيهتمش بحاجة اصلا
ثم اقترب واجلسها بقوة مكانها وهو يهتف بجدية:-
_ومتقوميش من مكانك دا لحد بكرة الصبح فاهمة
فريدة:-
_لا مش فاهمة...بلال انا عايزه اطلق
بلال:-
_تمام أول ما تبقي كويسة نبقي نطلق
خرجت شرارات نارية من عيونها وهي تقول:-
_للدرجة دي مستعجل اووي علشانها
بلال ببسمة:-
_جدا مستعجل جدا لدرجة انتي متتخيلهاش
فريدة بشراسة:-
_لا مش انا اللي اسيب حاجة بحبها وعيزاها ...في أحلامها الهانم لو فكرت تقربلك
ليضحك هو عاليا وكأنه اخيرا حصل علي ما يريد ثم يتركها ويخرج للخارج
لتقول هي بصدمة:-
_الحقير كان بيستدرجني في الكلام علشان اعترف

صباح يوم جديد...

كان يقف عند الباب مربعا يديه أمام صدره والطبيبة تكشف عليها أمام عينيه وسط خجلها الشديد هتفت الدكتورة بعد أن انتهت:-
_لا دا كدا تمام اوي ولو عايزه تروحي دلوقتي براحتك خالص
بلال:-
_اها هتروح دلوقتي
الطبيبة ببسمة:-
_تمام..تحبي ابعتلك ممرضة تساعدك
فريدة:-
_اها ياريــ...
قاطعها بلال قائلا:-
_مفيش داعي...انا هساعدها
ابتسمت الطبيبة قائلة:-
_تمام..الف سلامة
فريدة:-
_الله يسلمك
لتغادر الطبيبة ويبقا هما فقط
فريدة بحدة:-
_طيب دلوقتي مين يساعدني انا
بلال ببرود:-
_انتي مسمعتيش انا قولت أية
فريدة بغضب ممزوج بخجل:-
_لا طبعا مستحيل اخليك تساعدني
اقترب منها وحملها وقال ببرود:-
_المستحيل هيتحقق ياحبيبتي
وتوجه بها ناحية المرحاض ليغسل لها وجهها وسط رفضها الشديد ليتركها لثواني ويخرج ويعود وبيده الملابس ليزداد رفضها وهي تقول:-
_انت اتجننت...لا طبعا مش هخليك تقربلي
بلال ببرود:-
_مش عارف انا انتي مكسوفة علي اية...ما انا شفت كل دا قبل كدا
احمرات وجنتيها غيظا وخجلا منه وهي تقول:-
_حقير
كان قد وقف أمامها تماما ليقول ببسمة:-
_عارف
ثم مد يده لنهاية كنزتها التي ترتديها وبدأ برفعها للأعلي ببطء مستفز وسط خجلها الشديد منه
هتف بخبث بجوار اذنها:-
_اوعي تقولي انك مكسوفة يافريدة
فريدة بحدة:-
_ومتكسفش لية يعني...مش بنت انا
بلال بصدمة مصطنعة:-
_بنت...هو انتي بنت يافريدة
رمقته بغيظ شديد وهي تضغط علي اسنانها ليقول ببراءة مصطنعة:-
_هرمونات حملك شكلها هتغيرك اوي وهتتعبني معاكي
فريدة:-
_والله دا ابنك ولازم تستحمل
بلال بغزل:-
_لا انا عايزها بنت وتطلع شبهك
فريدة:-
_طيب خلص خلينا نخلص
ضحك بشدة وهو يقول:-
_ايوا كدا ياحبيبي طلعي لطفي اللي جواكي دا
ابتسمت رغما عنها علي كلماته تلك ليضحك هو أيضا