Roommate Romance

Chapter 20

CHAPTER TWENTY

"HOW'S THE trip? Halatang fresh tayo ngayon, ah," Maris commented.

"Kakaiba ang glow-up natin, Chie, this time. Sana all in love," Paolo added. "Mga kailan kaya ako magkaka-lovelife?"

"Bakit 'yon ang kinukumusta niyo? Ayaw niyo ba kumustahin 'yong tungkol sa exam?" natatawang tanong ko.

"You're smiling for a freakin' whole day, Chie. Hindi na namin kailangang tanungin kung okay ba ang kinalabasan ng exams mo," Karen uttered. "It's obvious."

"I second the motion," natatawang pagsingit ni Julius.

"Ay, bakit biglang napagtutulungan ako rito?" hindi makapaniwalang tanong ko. "Ilang araw lang ako nawala, ginaganyan niyo na ako."

"Nawala nang walang pasabi," said Maris, glaring at my direction.

I apologetically smiled at her and said sorry once again.

"Grabe ka naman magtampo, boss. Hindi ka na ata maka-move on," ani Paolo na siyang ikinatawa namin.

"Shut up, Paolo. I'm not talking to you," inis na sabi nito. "But anyway, how was the exam? Nagkaproblema ba kayo?" pag-iiba niya nang usapan.

"Compared sa midterms last time, mas chill lang ako this time," sagot naman ni Paolo. "I mean, first day pa lang naman at may apat na araw pa. Pero sana magtuloy-tuloy na gan'to lang."

"Nakapag-review naman kasi tayo nang maayos at in fairness, nasa exam ang mga ni-review natin," ani Julius.

"True! Ang inaabangan ko ngayon ay 'yong sa Economics 2," pagsingit naman ni Maris. "Kapag gano'n pa rin talaga ang mangyayari at wala sa mga ni-review ko ang lumabas sa exam, magrereklamo na talaga ako."

Dahil nagsimula na ang exam week namin for finals, maaga na ang uwian namin. Usually, sabay-sabay kaming magre-review kahit ilang oras lang. Pero dahil may mga lakad daw sila, hindi muna gano'n ang mangyayari ngayon.

"So guys, bukas na lang ulit," ani Karen nang tuluyan na kaming makalabas ng school.

"Sabay na ako," said Julius, smiling awkwardly at Karen's direction. "May dadaanan kasi ako ta's along the way na rin naman."

Biglang pinagpawisan si Karen at hindi agad nakasagot. Naramdaman kong nate-tense na rin siya kaya sumingit na ako.

"Sabay na rin ako. " Karen looked at me with her eyes wide open. "I mean, may bibilhin kasi ako sa Poblacion."

"Thank you," Karen mouthed. Nginitian ko lang siya at tinanguan.

"Sige, mauna na rin kami nitong si boss," sabi naman ni Paolo sabay akbay kay Maris.

"Ano ba, tigilan mo nga pag-akbay sa akin," ani Maris sabay tanggal ng braso ni Paolo. "At anong maun na rin tayo? Walang tayo, Paolo! Umuwi ka mag-isa mo," dugtong niya pa sabay sakay sa jeep na kahihinto lang sa harapan namin.

"Boss, wait lang!" habol na sigaw naman nito at sumakay rin sa jeep na 'yon.

Sabay-sabay na lang kaming napailing tatlo dahil sa nasaksihan namin. Ang dalawa talagang 'yon.

"Papasa talaga sila bilang magkarelasyon," komento naman ni Julius. "The way they fought, daig pa nilang mag-boyfriend at girlfriend."

"At kayong dalawa naman, daig niyo pang may LQ," bulong ko na tanging si Karen lang ang nakarinig kaya nakatanggap ako ng mahinang kurot mula sa kanya.

Imbes na masaktan, natawa na lang ako. Ang constipated na rin kasi ng hitsura niya. Mukhang hindi pa talaga siya tapos sa phase ng pag-iwas kay Julius.