Roommate Romance

Chapter 32

CHAPTER THIRTY-TWO

THAT QUESTION was stucked in my head for the whole week.

"Bakit, Chie, hindi ka pa rin ba handa na papasukin ako sa buhay mo?"

Sa sobrang frustration, nagulo ko na lang ang sariling buhok.

"Uy, Chie! Ano bang pinoproblema mo diyan?" tanong sa akin ni Maris. "Daig mo pa kaming katatapos lang mag-take ng midterms exam, ah."

I heaved a sigh. Sa buong linggo na nakalipas, nagpapasalamat din ako na hindi muling nanggulo si Eliseo sa buhay ko. Pero hindi naman ako pinatahimik ng iniwan niyang tanong sa akin no'ng huli naming pagkikita at pag-uusap.

Dumagdag pa sa iniisip ko 'yong late birthday celebration ni Maris na gaganapin na bukas. Dahil natapat ng Monday ang March 29 (which is her birthday) kung saan unang araw rin ng kanilang midterms examination, naurong tuloy ng Sunday ang celebration niya. Pero ang pinoproblema ko talaga ay kung ano ang aking ireregalo. Bukas na 'yong celebration pero hanggang ngayon wala pa rin akong naiisip na pwedeng iregalo.

Ugh! Nakaka-stress naman!

"Hoy, ikaw pala," pagtawag ko kay Paolo (na busy sa paglalaro ng mobile game sa cellphone niya) nang may bigla akong maalala. "Bakit mo pala sinasabi ang lahat ng tungkol sa akin kay Ely?"

"Ely?" takang tanong niya habang nakakunot ang noo. "Sinong Ely?"

"'Yong pinsan mo."

"Ah, si Lee! Bakit, may problema ba?"

Magsasalita pa lang sana ako nang sumingit naman si Maris. "Ooh . . . bakit, Chie? Nagkakamabutihan na ba kayo?"

"Teka, guys! Sinong pinag-uusapan niyo? Sino si Ely saka si Lee?" pagsingit din ni Karen.

Hindi pa nga pala nila alam ni Julius ang tungkol kay Eliseo.

"Kaya nga," ani Julius. "Outdated kami rito, oh."

"Sana kasi hindi ka bigla-bigla umaalis para hindi ka outdated," sagot ni Maris kay Julius.

"Boss," suway naman ni Paolo. Agad din siyang bumaling sa amin. "Don't worry, guys. Makikilala niyo na rin 'yong pinsan ko bukas."

"Bukas?" Karen and I asked in chorused.

"Yep. I invited him and his friends for her late birthday celebration tomorrow," Paolo answered.

Tama ba ang narinig ko? Pupunta si Eliseo bukas? Magkikita na ulit kami?

"B-Bakit?" tanong ko nang may halong pagtataka. "Akala ko ba tayo-tayo lang magkakaibigan bukas?"

"About that, nagbago kasi ang isip ko," ani Maris sabay tingin ng nakakaloko sa akin. "Instead of celebrating my birthday with our typical hangout style, I decided to have a pool party."

Mas lalo lang napakunot ang aking noo dahil sa sinabi niyang 'yon. Bakit parang may pinaplano sila na hindi maganda?

"So hindi lang kami ang bisita mo bukas?" pagtatanong naman ni Karen.

"Yep!" Maris responded quickly. "I also invited some of my blocmates tapos 'yong iba ko ring high school friends. I asked Paolo to invite some of his friends too," she added, "at pwede rin kayong mag-invite if you want. Mas marami, mas masaya!"

"Bakit biglaan naman ata 'yong pagbabago ng isip mo?" I suspiciously asked her.

"Chie," she said, tapping my shoulder, "minsan lang ako mag-twenty-two and I want it to be memorable. Isa pa, way ko na rin 'to para ma-release 'yong stress during our midterms."