Roommate Romance

Chapter 40

CHAPTER FORTY

I WAS busy listening to Taylor Swift's Daylight when my cellphone suddenly vibrated. It was a text message from Karen, asking about the result.

I typed a reply.

Nakapila pa 'ko. Kinakabahan na nga ako, e.

As I hit the sent button, muli ko na namang naramdaman ang kaba. Ngayong araw kasi ang kuhaan ng grade slip; at ngayon ko rin malalaman, kung magiging regular student na ba ako ulit next academic year o hindi.

Kaninang 9 AM pa ko nakapila at mag-a-alas-onse na ng umaga, nandito pa rin ako. Sana pala mas inagahan ko pa ang pagpunta.

"Richie Enrile!"

Dali-dali akong napalingon sa tumawag sa aking buong pangalan. And when I saw Robi walking towards me, nagbuntonghininga na lang ako. Ano na namang problema ng isang 'to?

"How many times did I tell you that never called me in my full name?" inis na bungad ko nang tuluyan na siyang makalapit sa aking gawi. "Isa pang tawag sa akin, susuntukin na talaga kita."

He just laughed at my remark. "Bakit ba? Cute naman ng pangalan mo, ah."

"Cute my ass, Robi," I dryly uttered. "Ano pa lang ginagawa mo rito? Next week pa enrollment, ah."

"Napag-utusan lang ako."

"Ha? Anong napag-utusan?"

"Pagkatapos mo raw kumuha ng grade slip, diretso ka raw sa parking lot."

"Bakit? At sinong may sabi?"

"Sino pa ba? E 'di 'yong boyfriend mo!"

Sinamaan ko siya ng tingin. "Hindi ko pa nga siya boyfriend!"

"Sus, do'n rin 'yon papunta, e. Pustahan pa," he said, grinning.

"Ewan ko sayo," I said, slightly shaking my head. "Nga pala, akala ko ba may lakad 'yon si Eliseo? Anong ginagawa niya rito?"

He shrugged. "Hindi ko alam. Napag-utusan nga lang ako," he answered. "Sige na, may gagawin pa ko. Enjoy sa date niyo."

Babatukan ko na sana siya dahil sa kanyang walang katapusang pang-aasar  pero dali-dali rin siyang tumakbo palayo sa akin.

"Bwisit ka," I mouthed.

Nang tuluyan na siyang mawala sa paningin ko, I took out my cellphone and typed a message to Eliseo.

Nasa parking lot ka raw?

Wala pang isang minuto, nag-reply na agad siya.

Yep! Will wait for you here.

May lakad tayo? Bakit hindi ako inform?

Surprise, Chie. Lol 😆

Baka matagalan ako. Ang haba talaga ng pila, e.

That's alright. Sanay naman akong maghintay sayo 😊

Pagkatapos non, natawa na lang ako at hindi na nag-reply. Umusad na rin kasi ang pila.

Hindi ko rin tuloy mapigilang hindi mapangiti. Mahigit isang buwan na kasi ang nakalilipas simula nang maging ayos kami ni Eliseo. Napag-usapan na rin naman ang mga bagay-bagay na dapat pag-usapan. We both decided to take our time; na 'wag kami masyadong magmadali. Basta ang sigurado sa ngayon, we're happy together.

"Next!"

Napatigil ako sa pag-iisip nang marinig ko ang paulit-ulit na pagsigaw ng 'next'. Sa lalim ng aking pag-iisip, hindi ko namalayan na ako na pala ang susunod.