ابن الشيخ خطف قلبي

بارت 1

بدايه ...

فزيت ع صوت موبايلي (خالتي تتصل) رديت عليها ف كالت تريد تحجي وي امي
رحت للصاله ماما كاعده تثرم بصل انطيتها الموبايل ورجعت نمت
للعصر كعدتني اختي الصغيره زينب
كالت خالتي عزمتنا ع عرس بنتها تهاني
ولازم نروح لان عيب منهاا

.
.
.
.
اعرفكم ع نفسي اني تقى عمري 21 تاركه الدراسه عندي 3 اخوات واخوان 2

عائلتي كلش محافظه ومتشدده ف احنا 24 ساعه بالبيت وخواتي 2 يدرسن هم من البيت للدوام ومن الدوام للبيت وهكذا
لا احد يدخل علينا ولا احنا نطلع لا شايفين گرايب ولا شي بس خالاتي كل سنه لو سنتين وحده منهن تجي وهم للعصر وتروح

المهم كعدنا بالليل ف خواتي كالن ميرحن عدهن امتحانات وامي كالت هم ماتكدر تروح

ف وگعت السالفه براسي
يوم ثاني بدلت وكملت واجت عليه سيارة ابن خالتي ورحنا الطريق بعيد وتعب
احنا بالمدينه وهمه بالريف 4 ساعات يلا وصلت بس متت تعب تلكتني خالتي بوستني ودخلتني اجتني بنتها هم بوستني وباركتلها

خالتي عدها 2 ولد و2 بنات وحده متزوجه وهاي الثانيه هم راح تتزوج والولد واحد وصلني والثاني مشايفته بس هو الجبير

تهاني: ولج تقى كومي سبحي محد موجود ابوي بالشغل والولد طالعين

تقى: ها تمام رحت للحمام سبحت وطلعت مشطت شعري وكعدت يمها بالغرفه
ف كالت
:تقيوى اريدج باجر تطلعين كشخه حتى واحد يخطبج شنو هاي مبارك وحده منجن تتزوج صرتن كبار حرامات بس كاعدات بالبيت
ومشايفات من الدنيا شي

تقى: هسه خل نخلص منج وراها الله كريم
هههههه

خلصناها سوالف صار المغرب كمت وي خالتي نسوي عشه وشوي واندك الباب اجو خطار
خالاتي وبناتهن
لليل فرشت خالتي اني نمت وي تهاني ووياي بنت خالتي زمن الصغيره

كعدنا الصبح اخذوها للصالون واني وخالاتي نرتب البيت والكل فرحان
رافعه ملابسي ورابطه شعري وامسح بالجام
انتبهت شخص واكف وراي درت ولد شاب صافن عليه بسرعه نزلت ملابسي هو انتبه وطلع
اجت خالتي سوسن ولج هذا منو جان هنا عليوي ؟

تقى: هااا ماعرف
كملت مسح ورحت للحمام سبحت وبدلت
والبيت بده ينترس ناس صاحتني خالتي كالت تعالي يم البنات بالغرفه رحت يمهم عدهن علبة مكياج وكل وحده تمكيج
اني ماعرف ف اخذت كحله وحمره خليت شي كلش خفيف فتحت شعري هو طويل وسرح يوصل حد خصري المهم خليت شال ع كتفي كلشي يصير خاف يدخل واحد من الولد
اباوع ع بنات خالاتي كل وحده مسويه وجههاا لوحه من المكياج ولبسهن كله بنطرونات وضيك
يلا شعليه بيهن يجوز عادي عدهم
رحت لبست حذائي وجنطتي وكعدت يم خالتي الوسطانيه بالمطبخ تجهز عصاير ومي

شوي دك موبايلي امي تسأل ف كلتلها بعدها مجايه الزفه واخذته خالتي تحجي وياها
المهم وره هيج ربع ساعه اجوي والنسوان تهلهل واغاني ورگص
وراها اجه العريس واخذ العروس
اني صعدت بسيارة ابن خالتي وي خالاتي والبنات وصلنا قبل العرسان
دخلنا ببيت اهل العريس وهم كله هلاهل واغاني وشويه وصارت هوسه والكل يعيط والصريخ وكلها تركض خفت حيل وماعرف شنو الموضوع البيت متروس ناس ماكدر اتحرك شفت خالتي من بعيد رحت يمها
كالت صار وياهم حادث روحي بسرعه صيحي راغد تلكي يم سيارته خل يجي نروح للمستشفى
لفيت شالي وبالكوه طلعت للشارع وكفت سياره نزل منها واحد ضخم واشكر لابس دشداشه بيضه ولازم سبحه بيده
رحت ركض اله وجريته من ايده بسرررعه امشي خالتي دزتني اصيحك 
اجن بنات رضا هااي منوو
تقى: رضااا؟  يعني انت مو راغد؟