ابن الشيخ خطف قلبي

بارت 5

طلعت من غرفتي لكيت احلام وغدير وماما بالصاله
شديصير هنا !!!!
اجتني امي جرتني من ايدي اخذتني للمطبخ
رجعي رتبي نفسج وتعالي سلمي عليهن ...
رحت غسلت من السنك ورتبت شعري
وطلعت يمهن سلمت عليهن وبوستهن

احلام: الحمدلله ع سلامه شلون صرتي ان شاء الله احسن ..

تقى: الحمدلله بخير ..انتم شلونكم البنات شلونهن الحجيه شلونها ..

غدير: الحمدلله الكل بخير ويسلمون عليكم

تقى:
خلصناها سوالف واني مركزه وي صوته وضحكته يسولف وي بابا واخواني اروح فدوه لهل صوت 💋💋
صاحتني اختي نوره بالمطبخ اترخصت منهن ورحت يمها
سدينه باب المطبخ ونتسمع ع حجيهن وي ماما وانو جايين اليوم يخطبوني ف ماما كالت نشوف ابوها شيكول ونسأل البنيه ونردلكم خبر ... صار المغرب اترخصن واجني للمطبخ ودعني ..وطلع رضا وبابا واخواني وتوادع وياهم وراحوا ..
انتبهت ع حمودي مشال عينه عن غدير
كرصته بخده ها حمود عينك وين

محمد: لج شهل جمال عائله مصنوعه من حلويات

تقى: ها قصدك ع غدير موو انطيني الف واكولك متزوجه او لا

محمد: والله بس استلم راتبي انطيج خمسه بس كولي

تقى: بعدها ممتزوجه شنو رأيك اخطبها الك ؟

محمد : من هسه اني ارفض تتزوجين اله ينطوني غدير وبعد معليه بقت يمهم !!

تقى: لا هو اذا صارت الشغله ف عادي من نخطبها ينطوها الك بس كون بابا يوافق

.
.
.
وخلص اليوم عادي محد حجه بالموضوع لليل غسلت مواعين العشه وكفيت شغل المطبخ الساعه ب11 رحت لغرفة زنيبه لكيتها دتخابر بنت عمي صبا ..كعدت يمها علما خلصت ولزمتها هسه تحجيلي انتي شمسويه! !

زينب: والله ماسويت شي اصلا حتى الاندومي خلص خاف تكولين موسخه المواعين

تقى: دنجبي عود لوتيه ..رضا شلون عرف عنوان البيت واجه

زينب: ها كولي هيج من الاول ..اني انطيته العنوان هو يتصل عليج وانتي جنتي بالمستشفى ف رديت وسولفتله كلشي وانو انتي احتركتي وهو خاف عليج كلتله اذا تحبها تعال اخطبها لا تروح من ايدك وهذا العنوان وهو اجه بعد اني شعليه؟

تقى: اخ منج ماينكدرلج لج عمرج 14 وبيج كل المصايب تركتها ورحت لغرفتي اريد انام ف لكيت مكالمه من رضا طفرت قفلت الباب ورجعت اتصلت رد عليه بقيت احجي وياه عن اليوم وسألني شنو رد اهلي كلتله بعدهم  محد حجه بالموضوع وراها كلش نعست ..

رضا : انه باجر اروح لبغداد عندي شغل هناك ابقى 4 ايام وارجع

تقى: ها ماشي انتبه ع نفسك تروح وترجع بالسلامه يارب ...
ودعته وسديت الخط خليت الموبايل ع الشحن ونمت ..نايمه واسمع صوت زمن تكعدني فتحت عيوني اي والله هاي زمن ولج شجابج؟