ابن الشيخ خطف قلبي

بارت 23

كعدت ع صوت المنبه .. كمت من فراشي طلعت من غرفتي رحت للحمام وراها بدلت ورحت للمطبخ صباح الخير

نورس: صباح النور تتريكين اصبلج جاي

جنان: اي اتريك ..راحت اختي تصب جاي واني كعدت اكل

ام جنان: صباح الخير يمه شعجب كاعدات من وكت

نورس: انه متعوده ب7 اكعد

جنان: واني كلت اطلع من وكت لان كل يوم اترزل من المديره ع التأخير

ام جنان: وين يمه اليوم ماترحين للدوام شنو نسيتي اليوم عرس ابن عمج

جنان: يمه عرس ابن عمي شنو واصلا بيت عمي لا يعرفوني ولا شي بعد عليمن اغيب من الدوام حتى اروح لعرسهم

ام جنان: ولج عيب من مرت عمج ومايصير انتن بنات عمهم الوحيد لازم ترحن

جنان: اهوو يمه رحمه لمدري منو ليش تخربين عليه صباحي

نورس: حبابه جنان خلنروح والله نتونس شويه

جنان: كافي لا تلحن هاهيه نروح بس اول اخابر اخذ اجازه...
خابرت ع صديقتي وطلبت منها تاخذلي اجازه وراها رحنا لبيت عمي حتى نساعدهم..

كرار: انه ومحمد وعلي كاعدين ننتظره يطلع من العمليات وره ساعتين ونص طلعوه واخذوا لغرفته

علي:اطمنت ع رضا وكلتلهم عندي شغله مهمه لازم اروح

كرار: ماشي ..انتظره يروح ودرت ع محمد
خليك يم رضا انه شويه وارجع وكلشي يصير تخابرني

محمد: تمام

كرار: تبعته (علي) بس ماخليته يحس عليه المهم وصل للبيت

زهره: رجع علي للبيت مستعجل دخل للغرفه وطلع بيده سلاح
عزززه شصاير ليش ماخذ سلاح

علي: مارديت عليها وطلعت اريد اصعد بالسياره

كرار: شفته طلع وبيده سلاح نزلت ورحتله شتريد تسووي ؟

علي: انت ليش هنا ورضا منو بقى وياه

كرار: دير بالك تهد عليهم بعرسهم والله تصير دم بين العشيرتين

علي: ها يعني يأذون اخوي ويوصل للموت وعمليات وخبصه واسكتلهم

كرار: انه ماكلت نسكت لا بس خل وره العرس بكم يوم وراها نفصلهم وشحده اللي يحجي

علي: قنعني الحيوان ،ماشي رجعت للبيت ورجعت السلاح

كرار: بما اني وصلت للبيت ف خل اسبح وارجع للمستشفى...

محمد: كاعد واجاني اتصال هد حيلي لا بيدي اروح ولا اكدر ابقى

زينب: اليوم عرس راغد وخالتي خابرت امي البارحه وكلتلها تعالن
ف الظهر من محمد راد يروح للمستشفى
رحنا وياه اني وامي وانهار وصلنه لبيت خالتي وهو راح
المهم ساعدناهن والعصر اجت الزفه
جانت عدهم بنيه اصغر مني بسنتين تصير بنت عمهم اسمها نورس