طلعت كلاصات واخذت القوري بقطعه قماش حتى لا تحركني ايده اني صبيته وهو فلت من ايدي وگع واني وخرت بسرعه طك ظهري بالطاوله
زهره: اسم الله اسم الله شصار خوما احتركتي
تقى: لالا ما احتركت بس انتي انتبهي تره حار لا تمشين حافيه
زهره: بيج تكومين لو اساعدج
تقى: لزمت بالكرسي وكمت، ،راحت هيه جابت وصله مال مسح وكعدت تمسح الكاع واني طلعت القوري الجبير هذا مضموم للعزايم
سويت جاي جديد ،،صبيتلهم ريوك
وافكر معقوله كل هل اشياء تصير صدفه
رضا: دخلت للمطبخ صباح الخير كليبي
تقى: انتبهت زهره مموجوده، ،صباح النور حبيبي، ،تقرب مني باسني واخذ الصينيه وراح
واني شلت صينيه ورحت للغرفه يم امي وخطيه غدير نايمه
اكلج ماما امشي نروح نتريك يم الحجيات وخليها نايمه مرتاحه
ام محمد: لا يمه انتي روحي وتريكن اني شو ما اشتهي وراسي يوجعي يمكن الضغط مرتفع
تقى: امشي وياي لغرفة الحجيه عدها كومه ادويه مال ضغط بلكت عدها مثل علاجج
ف رحنا اني وامي للحجيه ونطتها حبوب وتريكنا اني وبنت كرار وياهن وراها شلت المواعين ورحت للمطبخ عزلتهن ودخل رضا همين بيده صينيتهم عزلتها
اكول حبيبي
رضا: ها كليبي
تقى: اريد اروح وي امي ومحمد نشوف انهار ونباركلها
رضا : تمام بس انتبهي ع روحج
تقى: حاضر ❤️
تريكت وي الولد ومن راد يطلع علي ف كلتله يسويلي طريق حتى اشوف مرتي، ،المهم رحت يمها بالغرفه وجانت نايمه ،،،كعدت اتأملها
غدير: نايمه بس مو غافيه دخل محمد وكعد يمي
محمد: اعرف اني مأذيج بتصرفاتي وسوالفي اعرف دتبذلين جهدج وتتحمليني ،، بس والله مو متقصد بأي شي وانتي تشكين بيه اني اصلا اخلص يومي كله اشغال وما اخذ ولا يوم بالاسبوع راحه كله علمودج ماريدج تحتاجين لأي شي يمكن مستوى عائلتي مو مثل عائلتكم بس اني دحاول وبكل قوه انو اخليج مو بحاجة شي احاول اوفرلج عيشه زينه
غدير ': درت عليه،،اعرف والله بس شسوي مو بيدي والله كلبي مايرتاح من اشوفك بس لازم التلفون ورسايل ومخابرات
محمد: تعالي نبدي بدايه جديده
غدير: شلون؟
محمد: طلعت موبايلي وضغطت تحديد ع كل ارقام البنات وحذفتهن كدامها، ،،ورحت شلت الرمز وحطيت الموبايل بيدها ،،اي وحده تتصل ردي عليها وكولي اني مرته وحبيبته
ها هم بعد تشكين وكلبج مايرتاح
غدير: مديت ايدي تعال نام هنا
محمد: رحت تمددت يمها وحضنتها ،،احبج حيل
YOU ARE READING
ابن الشيخ خطف قلبي
ChickLitانت مجبور تختار وحده منهن!! انتي سامعه نفسج شدتحجين انتي دتخيريني بين اختي وحبيبتي!
