ابن الشيخ خطف قلبي

بارت 9

زينب: هذا الرجال وكعت منه عشره وهو ديطلع الفلوس ف دنكت اخذتها وكلت عمو وكعت منك دار وجهه عليه انت ...!!!!!

علي: زينب شتسوين هنا انتي؟

زينب: سكتت وجسمي يرجف اخذت العلاكه من الولد وانطيته الف وجريت حسوني وطلعت بسرعه من المحل لحكني جرني بكل قوته ولزم ايديه كال لا تصيحين بس اريد احجي وياج كلمتين ووعد شرف ماراح اأذيج لو اسويلج شي
اي يلا احجي وخلصني شنو تريد

احجيلي انه شنو بالنسبه الج وليش اختفيتي من حياتي ليش دخلتي بحياتي بالوكت الي جنت بحاجة احد وبعدين رحتي فهميني انتي ماتحبيني لو شنو

زينب: اني اجذب عليك اذا كلت ماحبيتك بالعكس انت جنت كلشي الي شخص حبني وقدملي الاهتمام والنصيحه شخص جان يخاف عليه شخص يبقى سهران وياي اذا جنت ضايجه او مريضه شخص احتواني شخص عوضني كل الي فقدته بحياتي حبيتك وعشقتك بس وبعدين مافكرت انو ممكن اهلي مايقبلون انت اكبر مني ومتزوج

علي: سمعيني زينب انه مستعد كلشي اسوي حتى ينطوج الي

زينب: واني مستعده اقبل بيك بس طلك مرتك !!
علي: مرتي معليج بيها احطلج بيت وحدج وشنو تطلبين يجيج ومحد اله دخل بيج اعتبريها مموجوده

زينب: اعذرني اني ماريد شخص يشاركني باللي احبه يلا باي تركته ومشيت
رجعت لبيت خالو وبالكوه مسيطره ع نفسي وكلبي يدك سريع
حسوني : زينب زينب

زينب: انتبهت نعم حبيبي

حسوني: سويلي اندومي مو رحت وياج

زينب: حاضر رحنا للمطبخ طبخت الاندومي وكعد حسوني ياكل وياي وراها غسلت المواعين ورحت نمت للعصر كعدت
مرت خالو كالت راغد باجر ياخذنا علمود حنة نوره وراها العصر العرس ف نبقى عدكم
كلتلها يعني بابا مايجي عليه اني اروح وياكم
كالت اي
لليل تعشيت الاندومي الباقي ونمت

والصبح كعدتني مرت خالو طكتلي بيضتين وصبتلي كلاص حليب وتريكت وحسوني اكل وياي وراها بدلت واجه راغد وياه خالاتي وبناتهن سيارته جبيره المهم صعدت وياهم ورجعت للبيت تلكتني ماما تبوس بيه يمه بنيه مشتاقتلج عنيتي عليه وماعرف شنو و
كلهن ملتهيات يسلم انتبهت ع راغد راح وي بابا كعدوا وحدهم تقربت يم الباب  واسمعه يكول عمي بتك عدها علاقه وياه اريد اسمع اكثر جرتني ماما وخبصتني عيب تتنصتين ومدري شنو تركتها ورحت لغرفتي مشتاقتلها

تقى: بالليل صارن الحنه نوره لبست بدله مارونيه ومكياج خفيف واجن كرايب العريس وصار البيت عباره عن هوسه
حمود وبابا وعقيل هجرناهم لبيت عمي
شافتني خالة العريس وكعدت تتسأل شسمج شكد عمرج شمخلصه دراسه وبعدها راحت لأمي تريد تحجزني ف امي كلتلها والله محجوزه تقاوي وان شاء الله مابقى شي ع خطوبتها
اني فرحت كل ظني اهلي موافقين
طبعا مالحكت احجي وي رضا او بالاصح مصارلي مجال لان هوسه وغرفتي مليانه ناس والبيت كل شوي انظفه ب2 بالليل يلا حطيت راسي ونمت وراها كعدوني من ال6 عبالك اني العروس المهم راحت نوره للصالون وراحت وياها انهار وماما وخالتي ام تهاني وتهاني ورحمه وامها همين راحت وياهم
اني بقيت اسوي ريوكات واعزل البيت ضميت شكو شي ينكسر لان بعد عرس وتنكلب الامه
وزينب عود تساعدني اله محتاره وين تضم كارتون الاندومي بالاخير اخذته بغرفتها وقفلتها -_-
الوكت بسرعه خلص واني بعدني لا مبدله لا شي طلعت فستاني مال عرس تهاني ولبسته وسويت شعري تسريحه سريعه  وحذاء كعب هنه كلهن خلصن والناس بدت تجي ورجعن من الصالون  ف واكفه احط مكياج اجتني زينب اخذت حمره ومسكارا واو تعجبت اول مره زينب تحط مكياج
زينب: شنو رأيج