ابن الشيخ خطف قلبي

بارت 12

الساعه 4 العصر:

تقى: كاعده اكلب بموبايل رضا واجتني مرت خالو كالت اليوم خطوبة زمن امشي نروح يمهن اني ماقبلت اروح بس بقت تلح عليه وانو ماتكدر تطلع وحدها ف بدلت ورحت وياها ...
خطبوها زمن وراحوا الناس ومرت خالو بس كاعده وتدك سوالف صار المغرب وهيه كاعده الى ان حست ع نفسها ..

مرت سالم: ها جا راح تظلم الدنيا دكومي تقيوى امشي نرجع للبيت هسه خالج راجع من الشغل

تقى: اي خاله طلعت قبلها  ادور ع حذائي تكرمون ..
لكيته يم حمامهم الخارجي عجيب شوصله هنا دنكت اخذه وصار وراي راغد ..

مرت سالم: ولج زمينه كومي شوفيلي تقيوى وين راحت صار مغرب لازم نرجع للبيت

زمن: لا خاله ابقن هنا واصلا جاي يأذن صلن وراغد يوصلجن حتى انه شفت تقى راحت للحمام تتوضى

مرت سالم: ها اي جا صدك مو زين نطلع والمؤذن يأذن جا كومي ناوشيني سجاده ...

تقى: جرني راغد من ايدي وهو يكول بسرعه امشي اخوج محمد مسوي حادث وهسه بالأنعاش مجنت اعرف هاي جذبه كل ظني حقيقه ركضت وياه ودموعي تصب جان ليل والشارع فارغ وخصوصاً هنا ريف المحلات تعزل من العصر والناس ببيوتها لو بالجامع
وبلحظه وكع راغد مجنت مركزه ليل والدموع مشفت عدل وشويه توضحت الصوره
رضا واكع ع راغد ودك بوكسات شويه ويتشوه وجهه وبسرعه جريته منه واني ابجي واصيح
الله يخليك رضا عوفه لا يموت وتبتلي
دار عليه مسح دموعي ويباوع بعيوني هيه لحظات لا اكثر ووكع رضا للكاع شنو الي صار
راغد ضربه ع راسه بصخره جانت قريبه منه
وانهزم
اباوع اكو شاب بس واكف بعيد ويباوع وره شويه اجوي كومه شباب يركضون
عرفت ذوله ولد عمه من اخذني واحد منهم لبيتهم
اعرفه هذا بيت عم رضا وهنا تهاني
دك الباب وصاح فتحن انه عمار وشويه وفتحت ورده الباب كللها انتبهي عليها هاي امانة رضا

تهاني: جنت اغسل ملابس محمود ولكيت جنسيته بجيب البنطرون شلتها ورحت اوديها للغرفة وشفت تقى دخلتها ورده للمطبخ
رحت يمهن سلمت عليها ماردت عليه
البت صافنه ووجهاا اصفر
ندست ورده ولج شبيها تقى وشجابها هنا

ورده: والله خيه ماعرف جابها عمار وكال انتبهي عليها

تهاني: ان شاء الله ماكو شي ...

غدير: اندك الباب راح علي فتحه وانه اباوع من الشباج دخل صالح وولد عمامي لازمين رضا ودشداشته كلها دم!!

علي: رضااا ششصااير فهمووني

صالح: بعدين افهمك هسه امشي نصعده لغرفته

علي: لالا وين تصعده شوف حالته تعال دخله بغرفة الحجيه

صالح: اخذته تمدد بغرفة خالتي وطلعت تلكاني علي بالأسئله
انه افهمك جنت طالع للجامع ولكيت رضا ف واحنا نمشي رضا ركض جان اكو ولد شاب ووياه بنيه وهو ركض عليهم وهذا الولد شال طابوكه وع راس رضا وشرد والبنيه بقت وهاي جبناها ويانه هسه موجود ببيت اهلي