بعض احداث الماضي ماذكرتها بالجزء الاول"
💜
طفله وملتهيه باللعب ،،سمعت اختي تصيحلي
جابريه: ولج زهيره لبسي حجابج وتعاي ابوي يصيحلج
زهره: اوكفي اضم لعابتي ،،ركضت للبوفيه
ضميتها ولبست شيله مالت امي ورحت يم ابوي ،،ها بويه صحتلي
ابو زهره : تعاي كعدي احجي وياج
زهره: اي بويه رحت كعدت
ابو زهره: بعد ساعه يجون بيت الشيخ وانتي ترحين وياهم
زهره: وين اروح وياهم؟
اسأل ويرد عليه..
سمعيني يابنيتي انتي تشوفين الحال الفكر والجوع واخوانج مايلكون شغل ف انه انطيتج هديه لبيت الشيخ بلكت تعيشين عدهم احسن من عيشتج هنا..
اجاوبه بعدم فهم شنو يعني هديه؟ليش انه لعابه!!
يشبكني ابويه ويبوسني ويكول
:، يبنيتي لوما الحاجه فلا انطيج بهيج عمر
زهره: بويه شيصير من اروح وياهم
ابو زهره: تعيشين احسن عيشه
اجاوبه يعني احسن من هنا؟
اي راح تاكلين اللي بخاطرج وتلبسين اللي يعجبج
زهره: صدگ بويه زين واخواتي مايرحن وياي؟
يرد عليه
:،لا بس انتي ترحين واذا تشتاكيلهن ف تكلليهم ويجيبونج لهنا وتشوفين خواتج وامج
زهره: ماشي بويه...صاحتلي ام ورحت يمها
طلعتلي دشداشه جديده
هاج روحي بدلي عيب يشوفونج بهيج هدوم
بس يمه هاي دشداشة جابريه اشترتها عمتي الها ليش تنطينياها
:، ولج مو انتي هدومج گلها مرگعه روحي بدلي كبل لا يجون الناس، ،حتى يشوفونج حلوه وياخذونج وياهم
زهره: نزعت دشداشتي ولبست دشداشة جابريه يمه هاي طويله عليه شلون امشي بيها
طلعت مكص وكصتها من جوا
:،يلا هسه صارت زينه عليج وتكدرين تمشين
:، بدلت وامي مشطتلي شعري ولفتلي الشيله
وكعدت اتانيهم يجون ..
نريد نطلع ورضا واكف جدام الباب ويصيح
ماتطلعون
علي: ضاوي عيب الناس ينتظرون
رضا: ماااا ماتروح بس ابوي يروح ،،انت تبقى يمي
علي: رضا لا تسوي هيج ترا ابوي يتعصب ويكتلك
رضا والدموع تصب: ،ما تروح انت مالتي ليش تروح تزوج بعد منو يلعب وياي بعد منو ينام يمي بعد منو يهتم بيه ويدافعلي ويكتل احمد وعمار من يتعاركون وياي
علي: حبيبي ماراح يتغير شي انه ابقى يمك وكلشي نسوي مثل هسه والله يعني عبالك لو تزوجت راح اتغير وبعد ما احبك
YOU ARE READING
ابن الشيخ خطف قلبي
ChickLitانت مجبور تختار وحده منهن!! انتي سامعه نفسج شدتحجين انتي دتخيريني بين اختي وحبيبتي!
