تقى: مسحت الدم وشويه ونعست خليت راسي ع الكاع ورحت بعالم ثاني...
زينب: فزيت من النوم ميته عطش وظهري يوجعني كمت رحت للمطبخ لكيت امي ومحمد يتريكون صاحتني ماما تعالي تريكي مارديت عليها بس شربت مي وعبرت اريد اطلع لزمني محمد
محمد: بله دوري وجهج عليه
زينب: عوفني وخر عني
محمد بعصبيه: لزمتها ودرتها عليه هاااي شنووو منووو ضاربج
زينب: سكتت ودموعي نزلن
محمد: يمه احجي شبيها زينب منو مسوي بيها هيج احجيي
زينب: بابا ضربني وضرب تقى وانهار
محمد: ها ضربجن ليش انتن حيوانات شنوو هل اسلوب الهمجي اني كم مره حذرت خواتي محد يمد ايده عليهن كائن من يكن
يمه انتي شنو وجودج ليش موجوده اصلا يعني ماتعرفين تتصلين وتحجين اروح من الصبح وارجع بالليل ما ادري شيصير مايصير ومحد يحجي
زينب: حضنته وابجي بسس انت ماتأذيني بس انت تحبني
محمد: اخذتها وياي ورحت ع غرفة انهار فتحت الباب نايمه تقربت منها خدها مزورك
اااخ منكم يعني شلون بعد ما اطلع
انهار: فزيت ع صوت حمودي ها صباح الخير
محمد: يا خير هذا يعني بعد وين اخليجن واأمن عليجن فهميني اذا الابو هيج يضرب بناته وياريت مسويات شي غلط
انهار: حمودي لا تتعصب هو ضرب تقى لان بقت تحجي ورفعت صوتها وتعرف يكره هيج شي
محمد: ها يعني الضرب اكلته تقى ركضت لغرفتها ادك الباب ماكو افتح مقفول
كسرت القفل وفتحت الباب
ماكو ع جربايتها وينها هاي
زينب وانهار وامي واكفات وراي
دخلت لكيتها نايمه ع الكاع وره الجربايه
شلتها خليتها ع الفراش اكعدها ماتكعد
راحت انهار جابت مي رشيت ع وجههااا ماكو ماتكعد ايديها مجرحه وخدها مشكوك
هااي شصاير بيها
زينب: تقى كعدي تقى حمودي تقى ماتت؟
محمد : شلتها وطلعت صحت ع انهار تجيب السويچ وامي لبست عبايتها واخذناها للمستشفى
زينب اني وانهار كاعدات مانعرف شنسوي طلع عقيل من غرفته يفرك بعيونه صباحوو
زينب :تافه تركته ورحت
عقيل :هاي شبيها
انهار :عوفها روح غسل وتعال تريك
عقيل: امي وين؟
انهار: راحت وي محمد للمستشفى
عقيل: ليش شبي محمد
انهاار: تقى متخربطه واخذوها يلا كافي تسأل
كعد عقيل يتريك واني كاعده ع الطاوله احجي وي علي وراها اتصلت نور تكول ادك ع امي ماترد وتقى جهازها مغلق شصاير ف سولفتلها ع الي صار خطيه ضاجت
الظهر اجتني زينب كالت اتصلي ع محمد خل نشوف شصار وياهم ..اتصلت ع محمد كال محاوله تنتحر سوولها غسيل معده وعلكولها مغذيات وابر ونشوفها لليل اذا صارت احسن نرجع
زينب راحت تركض لغرفتها
سديته منه ورحت وراها اسمعها تبجي فتحت الباب دتحجي بالموبايل ودموعها تصب شافتني سوتلي اشاره بيدها عود طلعي اني هم ماكلت لا طلعت وسديت الباب
ماطبخت شي شو هو محد موجود عقيل تريك متأخر وزينب متاكل واني ما اشتهي
YOU ARE READING
ابن الشيخ خطف قلبي
ChickLitانت مجبور تختار وحده منهن!! انتي سامعه نفسج شدتحجين انتي دتخيريني بين اختي وحبيبتي!
