ابن الشيخ خطف قلبي

بارت 2

عذراء:الله الله مستشارة الحب تقى

تقى: اي شعبالج ....

للعصر اجه راغد متعصب وشلون تطلعين وحدج ويصيح عليه ف خالي تعارك وياه وماقبل ياخذني وراغد يصيح هاي امانه خلتها امي يمي ومايصير هيج
مرت خالي كلتله انت شتريد منها البنيه مو منا وامرها مو بيدها انت تعرف ابوها شلون متشدد مينطي بناته وخاصه هنا ريف منو كال راح تقبل تبقى هنا

راغد: غصباً عليهم اخذها وطلع راح متعصب

دخل خالو ومرته يسولفون واحنا جنه نستمع عليهم ركضنا كل وحده راحت بمكان
اني دخلت للمطبخ سويت نفسي ارتب بالمواعين ف اجت يمي مرت خالو كعدت ع الكرسي
سمعيني تقى هاي حياتج وانتي حره بيها بس انه اكلج راغد مايفيدج امه متحكمه بي ومن جهه ثانيه رحمه تحبه ومستحيل تخليج ترتاحين اذا اخذج تفهمين مو

تقى: اي خاله اعرف واني اصلا ماحبه ولا اريده وهو بأعتبار اخوي

:اي عفيه تره انتي بمقام بناتي ومصلحتج تهمني

تقى: خاله وانتي بمقام امي وكمت بستها وراها صار مغرب والبنات يجهزن العشه واني وياهن وشويه اتصلت امي كالت انو خالتي سوسن متصله عليها وع اساس خاطبتني ف امي كالتلها اني يمهم وتكدر تسألني
رحت صليت وساعدتهن بالصب وراها كعد الكل يتعشه وسوالف وضحك شكد حلوين وعدهم كومه احفاد كل وحده من البنات عدها ولد ف كلهم يريدون يكعدون يمي ويتعاركون علمودي واني ميته ضحك
اندك الباب راح خالو يفتح بعد احنا جمعنا المواعين والأكل ومانعرف منو اجه راحت مرت خالو تشوف ورجعت اخذت عصير كالت سوسن وزمن جايات دير بالجن وحده تتصنت علينا والنبي اجلدها ...

كعدت يم بنتهم الجبيره تنوم بأبنها وبالي يمهم كل شويه تصير هوسه وراها هدوء ماعرف شسالفه وبعد ساعه من الانتظار راحن
اجت مرت خالو كالت العرسان طالعين من المستشفى مابيهم شي بس جروح بسيطه وباجر راح يسوون حفلة العرس بس بدون زفه وهوسه
ب5 العصر نروح ع بيت العريس هناك حفلتهم
اسمهان: يعني بس ع هاي اجت عمتي سوسن
:اي بس ع هاي يلا تصبحن ع خير

:اجمعين ᴗ̈

خليت راسي ع المخده اريد انام واجه ع بالي الشيخ ياااا روح روح غبي غبي شعندك تفتر براسي

اسمهان: يمه اسم الله شبيج شنو براسج كمل

تقى: عزززا لاااا مو جان الضوه طافي
ف تخيلت البرده وحش ضخم

اسمهان: لالا ماكو شي لا تخافين اقري معوذات وهسه تنامين وبعد متحلمين ولا تتخيلين

تقى: ان شاء الله ورجعت نمت ...

بيت الشيخ عازم

رضا: تعاي غدير اريدج بشغله مهمه

غدير: اجيتك دخلت للغرفه وسد الباب
يا ستار ياربي شهل شغله