ابن الشيخ خطف قلبي

بارت 13

رضا: كومي غدير طلعيلي هدوم احس عركان اريد ابدل

تقى: نزلن دموعي اني تقى ضاوي

رضا :ماشوفها بس ك خيال ابيض وصوتها يوصلني مكسر ..منووو انتي ..

تقى: شبيك رضااا لا تخوفني شنو منو انتي اني حبيبتك تقى ماعرفتني؟؟

رضا: تقى انتي؟

تقى بدموع: اي اني تقى تقى

رضا : مجاي اكدر اشوفج وصوتج مايوصلني عدل وراسي راح اموت

تقى: يحجي ولازم راسه ياربي شكدر اسويله
باوعت ع الساعه ب5 اله شويه وديأذن الفجر
كمت اريد اطلع جرني ورجعني
شبيك؟

رضا: اوكفي لا تتحركين ..رفعت ايدي ع شعرها شالج وين؟

تقى: هسه وكت شالي هذا ع كتفي ..

رضا: ها ع جتفج زين وشعرج وطالعه هيج بله شافج علي لو ابوي

تقى :اوف رضا هسه مو وكت محاضرات هاي لفيت شعري ورايحه اصيح غدير وارجع

رضا: اوكفي سنديني اروح لغرفة علي

تقى: تمام دنكت لزمته وكف ووكع شوف ماتكدر خليك هنا اني هسه اصيح غدير
تركته وطلعت رحت ع غرفتها دكيت الباب ودخلت لكيتها تصلي
كلتلها عفيه خلصي بسرعه رضا ماعرف شبي راسه ودايخ

غدير: بسرعه خلصت ولميت السجاده كمت رحت وياها ..شبيك ضاوي خيرك

رضا: غديرر؟

غدير: يااا جا بعد منو شبيك فقدت الذاكره

رضا: روحي كعدي علي راسي راح يطك

غدير: ركضت صعدت لغرفة علي دكيت الباب
مره مرتين يلا فتحت زهيره كلتلها صيحي علي كالت ما نام البارحه هنا
ياااا عجيب جا وين نام
عبرت ع غرفة ضاوي لكيت الضوه مفتوح
فتحت الباب لكيته نايم هنا
عدنه علي من ينام يفتح الاضويه كلهن
المهم رحت كعدته ونزل وياي
حجه وي رضا وسنده بالكوه وكام وصله لغرفته
صاح علينا كال ساعدنه يبدل وانه هم رايح ابدل واجيب السويج 

تقى: رحت لغرفته وهاي غديره عافتني وراحت ..رضا كاعد ع السرير ولازم راسه
فتحت الكنتور مال ملابسه كله دشاديش بيض شسالفه رضا انت ماتغير هذا ستايلك
فتحت الباب الثاني لا والله هاي ملابس عاديه طلعتله ..هاي طلعتلك ملابس ضاوي يلا بدل
طلعت وسديت الباب حتى يبدل وره شويه رجعت ع كعدته لا مبدل ولا شي
اجتني غدير
غدير: يلا ولج وينه رضا تره علي نزل راح للسياره

تقى: بعده ممبدل روحي ساعدي اخوج شبيج اني استحي اساعده

غدير: لا بله ليش تستحين انتم اصلا سابقين الاحداث بكلشي روحي ساعدي رجلج المستقبلي وانه اورق

تقى: هاي شدتحجي عفتها ورجعتله ..حبيبي بس اترك راسك شويه علما تبدل
ماكو بس لازم راسه ومغمض عيونه مبين يتألم رحت كعدت يمه وجريت راسه خليته ع صدري ..اسم الله عليك يعمري انت كله بسببي كله مني اني ثوله وغبيه شوف وين وصلتك ..
ابتعد عني ورفع ايده ضربني راشدي حسيت نص وجهي طار