عمار: واكفين برا وطلع دخان من بيت عمي عازم احنا بيت بصف بيت وعرس ناس هواي الشارع كله زلم وسيارات وكلها ركضت
زينب: صار الجو بي دخنه وصارت هوسه ونسوان يصيحن وماعرف شسالفه وهاي بنيه بالكوه لازماتها تريد تطلع وميقبلن لان زلم بره ومن تقربت منهن تخبلت بيتهم ديحترك وعلي هناك
تقى: رضااا كلبتها مناحه اريد اطلع مايقبلون وهذا ابن عمهم واكف بالباب وامي لازمتني اجني خواته
غدير: ولج رضا هنا علي اللي بالبيت
تقى: رضااا راح للبيت ياخذ علاجه رااح دعوفوني اطلع ..رضاااا
غدير: اشش هسه ادك وراح يجاوبني دكيت طلع جهازه عد بت احلام
تقى: عووفووني اروحله شبيكم ماتفهمون! !!
النسوان بدت تسأل منو هاي وشتكربله
ف كللهن خطيبته وكل شويه جايتني وحده يمه اهدي لا تخافين ان شاء الله ماكو شي
ان شاء الله طالع من البيت
وره شويه اجت الاسعاف
طلعنه بس مانكدر نشوف شي البيت كله زلم واخذوا واحد ع السديه
راحت مرت عمهم هم مريه جبيره بالعمر طلعت تشوف شصار بعد ولدها الي برا راحت فهمت منهم ورجعت كالت غرفة رضا محتركه مايعرفون السبب بس احتمال من الكهرباء
ومجان احد بيها علي نايم بغرفته وهو عنده ربو ف مختنك
تقى: ورضااا وين؟
ام عمار : رضا لاكينه طايح يم الباب فاقد الوعي هسه موجود برا كلتلهم يدخلونه هنا لان خطيبته راح تتخبل
شويه ودخلوا ولدهم ووياهم رضا اخذوه للغرفه وطلعوا
تقى: رحت يمه والحجيه وياي
احلام وزهره وغدير راحن للمستشفى علمود علي
كعدت ع السرير وخليت راسه بحضني واغسله وامي وانهار وحده صافنه بوجه الثانيه
اغسله ودموعي تنزل هو يتنفس بس شو مايكعد وامه يمي تقرأ قرأن خطيه بالها يم علي بس ماتكدر تروح
وراها اجت زمن خطيه صالح عايفها ورايح للمستشفى اخذنها النسوان لغرفتها وراحن يمها
واني والحجيه يم رضا
كاعده ابجي وايدي ع شعره شويه حسيته كعد
فتح عيونه باوعلي
اني ضحكت ودموعي تصب اضحك وابجي بنفس الوكت
رفع ايده مسح دموعي
الحجيه: يمه وليدي يبعد روحي خوفتني عليك
تقى: شنو يوجعك حبيبي ؟ مايحجي بس يباوع
شبيك رضااا ليشش متحجي شصارلك باوعلي وسد عيونه
الحجيه: يمه شمالج خبصتي الدنيا لوليد تعبان
خل يرتاح ويكعد يحجي وياج بس سكتي هسه
تقى: دخلت يمي زينب كعدت بالكاع وخلت راسها بين رجليها وتبجي
خليت مخده جوه راس رضا ونزلت حضنتها كافي لا تبجين مابي شي ماسمعتي المراه كالت بس مختنك هسه اخذوا للمستشفى ويرجع احسن من قبل
زينب: اني الصبح دعيت عليه والله استجاب دعائي ليشش هيج سويت
تقى :اشش لا تحجين هيج تره مكتوبله يصير هيج هسه يرجع وبالليل تحجين وياه وتتصالحون كافي بجي
زينب: ان شاء الله ..
---------
بعد ساعات قليله ..:
أنت تقرأ
ابن الشيخ خطف قلبي
ChickLitانت مجبور تختار وحده منهن!! انتي سامعه نفسج شدتحجين انتي دتخيريني بين اختي وحبيبتي!
