حجيه: اوكفي يمه شمالج هسه انه وين احصل المفتاح ومابيه اكوم روحي انتي بغرفتي ع الميز بالصندوك الاحمر والقفل اخضر ومفتاحه جوه بالعلبه الزركه فوكاها قماش جابته زهيره من صار ابنج حميد وتمرض ورحتي للمستشفى وطلع متسمم ..
احلام: يبووو شنوو هذا حجيه شهل ذاكره وشدعوه ضامته بهل شكل ليكول كنز مو مفتاح
رحت لغرفة امي فتحت الباب والضوه طلع ضاوي نايم هنا اوف اشكرك ربي
فدوه اخويه اعرفك ماتسويها حبيبي اكعد تعشه ابوي والولد ينتظرونك يلاا
رضا: كمت من الفراش طلعت المفتاح مال غرفتي ورحت صعدت فتحت الباب ودخلت لكيتها كاعده ع الجربايه وكالبه خلقتها
شبيج ليش ضايجه؟ جوعانه؟
تقى: اني من اكعد من النوم ضايجه واريد اهلي وخر عني اريد ابجي اهئ
شو هذا تقرب مني ...يااا شبيك انت شتريد
:اريد ابوسج حتى تروح الضوجه وتنسين اهلج
:شنووو عيني شو انت ماخذ راحتك متستحي ماعندك خوات
:استحي وعندي خوات ويحبنج وانه احبج
:لا عيني هذا مو حب بس اعجاب مصار 3 ايام تعرفني شدعوه حبيتني وبعدين الي يحبني يدك باب اهلي مو يبوسني بالبوكه
:تمام مع الوكت راح تعرفين انه احبج صدك لو لا ...
: راح طلع واني بقيت افكر ياربي شبيها الناس هنا منو لزمني كال احبج وماعرف شنو ...
خليت موبايلي ع شحن زين هنا الشاحن يصير ع موبايلي بيت خالو ميصيرن الشواحن
شويه ودخلت احلام شايله صينية اكل ووياها اختها غدير كعدن يمي نتعشه وره شويه دك موبايلي مرت خالو رديت عليها كالت باجر من الصبح بابا يجي عليه ولازم هسه اروح بيت خالو حتى ياخذني مناك
احلام: انه هم اريد اروح بعد العرس وخلص شسوي باقيه وزلمتي هناك وخطيه مريض،
خل نروح سويه انتي تنزلين ع بيت خالج وانه اروح
تقى: ها ماشي خلصت اكل وغسلت لفيت شالي عدل واسمعهن يسولفن
غدير: ولج احلام شلون تعوفيني وباجر ترجع حنينه والله يموتني هيه وزهيره يصيرن فريق ضدي
احلام: خايبه شمالج خايفه منهن هو بيتج العب بيهن لعب لو حاولن يسون شي شمالج غبيه يحظي هسه بعد يومين نزوج ضاوي وصيري انتي ومرته فريق وفوزن عليهن
تقى: منو حنينه وزهيره شنو تقربلكم؟
احلام: حنينه هاي اخت مرت ابوي الله يرحمها جان ابوي متزوج كبل امي ومرته ماتجيب جهال ف تزوج امي وهاي مرت ابوي عدها اختها جابت وماتت ف مرت ابوي اخذت الطفله وربتها وراها تمرضت مرت ابوي وكبل لا تموت جانت وصيتها ننتبه ع بت اختها وابوي يعتبرها بنته بس ولج لو تشوفينها شلون صلفه وحقيره ونذله وحاطه عينها ع ضاوي لج تصدگين جان يطلع ويترك باب غرفته مفتوح ومن يرجع يلكاها متروسه عوذ وتراب وشعر وماعرف شنو كلها سحوره ومن نلزمها ونحجي عليها تروح تتمسكن يم ابوي وهو مايقبل واحد يحجي عليها لو يمسها بحجايه وفوك ظيمها خايسه تدخل تسبح وتعوف ملابسها بالحمام يبقن شهر اكثر متغسلهن لو احنا نغسل لو ماكو
وهاي زهيره تصير مرت اخوي الجبير ومتحكمه بكلشي عود لان مرت الجبير وعدها ولد
أنت تقرأ
ابن الشيخ خطف قلبي
ChickLitانت مجبور تختار وحده منهن!! انتي سامعه نفسج شدتحجين انتي دتخيريني بين اختي وحبيبتي!
