ابن الشيخ خطف قلبي

بارت 17

10:30 الساعه عشره ونص الصبح..

غدير:الولد كلهم موجودين واحلام وبناتها هم رحت اسوي غده

احلام: كاعده احجي وي كرار ورجع علي من الدوام سلم وراح لغرفته المهم وره شويه رجع

علي: اليوم هم اجه عمار ويريد يشوف شنو الرد

كرار: شهل لزكه دنطيها صبر تفكر كل يوم ويريد الرد

احلام: ع شنو تحجون شصاير؟

علي: عمار يريد يخطب غدير وانه كلتله اشوف ابوي والولد واكيد نسألها

احلام: يااا صدك اي احجيلي وشنو ردها؟

علي: ردمن جا غير بعدني ما حاجي وياها!!

كرار: ولك شوف الغباء جا مو هاي احلام خل تروح تحجي وياها وتشوفها شنو تكول

علي: اي والله صدك يلا حلومه كومي روحي يمها واحجي وياها يلا بسرعه

احلام: اي اي كمت ورحت للمطبخ غدير واكفه تنكع تمن ..اكلج غدوره تدرين عمار خاطبج؟

غدير وهيه تغسل التمن :اي ادري

احلام: اي وشنو ردج يعني موافقه؟

غدير: شنوو لا والله شلون اوافق انه اصلا ولد عمي معتبرتهم اخواني شلون اتزوجه وبين مانحجي دخل علي

علي: لا اخوانج ولا شي اساسا لا ربيتي وياهم ولا هم يحزنون انطيني سبب مقنع للرفض

غدير بأرتباك: انه ماحب ولد عمي ولا احسهم كد المسؤليه بعد ليش اوهدن روحي وياه

كرار: ها اكيد يعني لو اكو طرف ثالث بالموضوع

غدير: شنوو قصدك ؟

كرار: غدير انتي تره مو جاهله صرتي مره وعقلج براسج وعمار ابن عمج وبيتهم بصف بيتنا يعني كلش قريبه ع اهلج والولد شاريج بعد ليش

غدير: ماريده هيه كوه يعني

علي بعصبيه: اي كوه وغصبا عليج تتزوجين!!

رضا: سمعت هوستهم نزلت للمطبخ وطلعت غدير تركض وانصدمت بيه

غدير: قهروني ودمعتي نزلت ركضت عود لغرفتي واجه رضا بوجهي صرت بحضنه

رضا: حضنتها وهيه تبجي ..لا تبجين كافي
يولوا انتم شنو تريدون تغصبونها ع شخص ماتريده  شجاكم

علي: رضا انت ماتفهم الناس اطلع حجي ليش لسه بت الشيخ ماتزوجت الكل يسأل كل شخص يجيها ترفضه وتالي شلون؟

احلام: اي والله يا خويه حتى انه من اطلع للسوك لو مناسبات كلها تسألني اختج شبيها لسه ماتزوجت ..تدري بت عاصم عمرها 13 امس حنتها واليوم عرسها وهاي عجزت وبعدها

غدير: عجزت ع نفسي انتم شعليكم شو دينار مماخذه منكم الحمدلله امي وابوي موجودين وهذا بيتهم شنو مستنكفين مني شنو انه عاله عليكم وتريدون تخلصون مني