نزلت بسرعه اركض واشوفهم كلهم يضحكون وعلي كاعد بالكاع، ،،ها شبيكم
رضا: هههه علي طاح خررب
علي: هاي يا حماره تالفه الكاع زيت ماتكول واحد يطيح يتكسر
رضا: دكوم يمعود مديتله ايدي حتى يكوم
علي: (تضحك عليه بسيطه) لزمت ايده وجريته طيحته وانه كمت
رضا: لااا ياااا
علي: لا يا شنو كمل بله
رضا: ليش هيج خربت الاناقه صار القاط كله زيت ليشش هيييج
تقى: ههههه عزززه، ،،راحوا يبدلون واحنا ميتات ضحك
عمتي وانهار راحن للصالون من الصبح وانه بقيت بالبيت كملت تنظيف وترتيب ومثل ماكالت عمتي ضميت الاشياء الكزاز من تحف ومزهريات وصور وهل سوالف،،وقفلت بيبان الغرف
وشويه شويه بدت تجي الناس وكل شويه تعاي سلمي ع هاي وسلمي ع ذيج حتى مالحكت ابدل
دخل محمد ووياه بنيه لابسه تنوره كصيره وبدي ضيك وشعرها مصبوغ اشكر ومكياج وكعب وبيدها جنطه
لحظه هاي منو،،،يسولف وياها ويضحك
رحت وكفت يمهم ومتخوصره
اريام: هلاو شلونج انتي نور اخت محمد؟
غدير: لا عيني انه مرته
اريام: ههههه هاي مرتك
محمد: اي هاي مرتي
غدير: خير سلامات شكو تضحكين تره ماحجيت نكته
اريام: ها العفو اعتذر اذا ازعجتج ضحكتي
،،اني اريام بنت عم محمد بس صار سنين مشايفين بعض لانو جنت مسافره علمود هيج عبالي انتي نور
غدير: اهلا وسهلا، ،بس سؤال انتي شكد عمرج؟
اريام: عمري ١٨ وانتي شنو اسمج وشكد عمرج
محمد: عفتهن يتعرفن ورحت سلمت ع عماتي وصعدت لغرفتي
غدير: مامرتاحه لهل بت،،،اجت حماتي نور وعمتها وحماتها رحت سلمت عليهن ودخلتهن
نور: شو لسه مامبدله انتي
غدير: شسوي غير كل شويه يجن نسوان مالحكت
نور: روحي بدلي وتحضري ،،اني بمكانج
غدير: تمام،، رحت صعدت للغرفه
طلعت دشداشه لحظه ليش بس انه دشداشه وكلهن بدلات وفساتين
رجعت الدشداشه وطلعت فستان صلوخ
ورحت ع الاحذيه تكرمون اختار شنو يلوك وي فستاني
طلع محمد من الحمام وبس الخاولي ع خصره
رحت دخلت للحمام سبحت وبدلت وطلعت وهو بعده بس بالخاولي وواكف يخابر
انه احط مكياج ومركزه وي محمد شنو يحجي وراها خلص مخابره كعد يراسل
خلصت مكياجي اباوع ع روحي يييمه عزززه
أنت تقرأ
ابن الشيخ خطف قلبي
ChickLitانت مجبور تختار وحده منهن!! انتي سامعه نفسج شدتحجين انتي دتخيريني بين اختي وحبيبتي!
