لمحتها كاعده بالزاويه يم كاروك الطفل
شو تعاي ولج نزعت الحزام وكطعته عليها بت النعال متحملج لخاطر ابوج ولوما هو جان من زمان انتي مطلكه
زهره: انت ماجنت هيج ليشش تغيرت عليه مو انه حبيبتك زهوره انه بتك كبل ما اكون مرتك هيج بهل سرعه نسيت كل شي
علي ; صيري انسانه واحترمي غيرج ولا تسوين مشاكل وانه اصير زين وياج بس مو تأذين الناس وتريديني اسكلتلج...
بعد اللي صار زهره بطلت تسوي مصايب او بالاحرى هل فتره جانت هادئه وتطلع تشتغل وترجع لغرفتها
غدير: ظليت عد اهلي ١٠ ايام وكل ليله يخابرلي محمد ونبقى نحجي للفجر سوالف حب بالبدايه وبعدين سوالفه صارت 🔞
بديت احبه يعني صح انه ما اكرهه بس هسه صرت احبه واحب اهتمامه وخوفه عليه
حالتي النفسيه صارت احسن وبيوم قررت اروح لبيت عيالي واسوي لمحمد مفاجاه
بحيث هو بالدوام ويرجع يلكاني بالغرفه كلش متشوقه اشوف ردة فعله
وصلني علي وجان مستعجل يريد يروح للمطار يجيب كرار ومرته طبعا جان لازم يرجعون بعد ايام بس ماعرف ليش رجعوا هسه المهم
فتحت الباب ودخلت جان البيت هدوء واعتقد محد موجود نزعت العبايه وصعدت
جان باب غرفتنا مفتوح واشوف محمد نايم وهاي تبوس بي
اريام: انتبهت عليها وابتعدت عنه، ،طلعت رحت يمها انتي يمتى اجيتي
غدير: شجنتي تسوين؟
اريام: ابوس حبيبي اللي اخذتيه مني
غدير: شنوو اخذته منج شكد صلفه انتي وماتستحين
اريام: تقربت منها وحجيت، ،محمد جان حبيبي وواصله للخطوبه بس انتي خربتي كلشي وراح تزوجج حتى ينقذج من ابن عمج
غدير: شتحجين انتي
اريام: هذا الواقع حبيبتي واني رجعت للعراق علمود ارجعه الي ،،،تركتها ونزلت رحت لأهلي
غدير: هاي شبيها شتخربط، ،دخلت للغرفه كعدت ع الجربايه، ،غافي وبسابع نومه مبين تعبان
لشويه رجعت عمتي من السوك ف نزلت سلمت عليها وعزلت المسواك ونظفت البيت ،،بس تفكيري كله بكلامها
ام محمد: يمه شبيج ليش ضايجه
غدير: اريام بت عم محمد من يمتى هنا ؟
ام محمد: اجت ثالث يوم عرس انهار وظلت هنا واليوم راحت والله اني مالحكت عليها جان ودعتها
غدير: ها يعني هيه موجوده ومحمد موجود
ام محمد: هههه تغارين ع حمودي
غدير: هاا لا يمه ع شنو اغار،،،
واكفه اسوي بالغده وشبكني
محمد: مرتي الجميله هنا واني مادري
غدير: عفيه وخر عني لا نحترك
محمد: مشتاقلج ولج، ،طفيت النار ودرتها عليه
أنت تقرأ
ابن الشيخ خطف قلبي
ChickLitانت مجبور تختار وحده منهن!! انتي سامعه نفسج شدتحجين انتي دتخيريني بين اختي وحبيبتي!
