أسود العشق (قيد التعديل)

💙الفصل السادس💙

*الفصل السادس
*عشق الاسود(عشق يخلده التاريخ)
*بقلم/اية سعد

في مكان التدريب
يقعد حمزة علي الارض وعمال ينوح كأنه مقتول له قتيل
اسلام احد زملائه:-يا بني عمال تنوح لية من ساعة معرفت انك هتدرب تحت ايد الشبح
حمزة وهو يندب حظه:-اصل انا امي داعية عليا قلتلي روح يا شيخ يارب تقع في ايد الشبح يا خرببيتك يا رشدي يا لهوي عليك يا حمزة وعلي اللي هيحصل فيك
اسلام وهو يضحك عليه:-ههههههههه ايه يا بني ايه الكلام ده احنا كنا نفسنا ندرب علي ايد الشبح عشان نبقا قد المسئولية وبعدين اللي تطلعين من تحت ايد الشبح بيكون ليهم سمعتهم
حمزة وهو مازل ينوح:-لا يا خويا انا ولا عاوز اكون قد المسئولية ولا قد غيرها انا عاوز اقعد في بيتي معزز مكرم:- أكل واشرب وانام انا مالي انا ومال الأرف ده منك لله يا احمد يا خويا انت السبب اني ادخل هنا لا كمان مش رحمني في البيت جي تكمل عليا هنا انا عاوز اتمتع بشبابي يا ناس مش عاوز اموت وانا لسه صغير وكمان شاب حلووه كده
هادي احد زملائه:-مين ضحك عليك وقالك انك واد حلووه دا انت شبه الشاويش عطيه
حمزة:-امشي يالا من هنا بقا انا شبه الشاويش عطية ده انت إللي شبه اسماعيل ياسين ولا كمان اسماعيل ياسين احسن منك ده انت اخرك تكون شبة حمدي المرغني فقعد ساكت بقا وملكش دعوا بيا
هادي وهو يضحك:-هههههههه ماشي هعدي الكلام اللي انت قولته بس هدي نفسك كده
حمزة:-اهدي نفسي ازاي يا خويا دا اللي هيحصل فينا هيخليني هقعد ادعي علي الشبح طول عمري
اسلام وهو يحاول ان ينبه حمزة:-حمزه بس حمزه الش...
فقاطعة حمزة ثم كمل كلامه:-حمزة بس ايه دا الشبح ليطلع عنينا ويخلينا نموت من كتر التدريبات ده راجل مبيرحمش حد يا جدع ده مفيش حد بيقدر يقف قصاده سوء صغير او كبير انا عن نفسي بترعب منه و كمان بترعب من صوته انا نفسي اعمل فيه مقلب اخليه يرجع بني ادم تاني بدل الوحش اللي قاعد مستربع في قلبه ده انا حاسس اني علي ايد الوحش هموت وهخلص من الحياه وانا عايز يا جدعان ادخل الدنيا وعيش حياتي يا ناس مش اموت اهيهيهيه
ثم بص ناحية اسلام وهادي لقاهم متنحين فاستغرب (طبعا ما يعرفش ان الشبح وراه وسمع كل كلمة طبعا الشبح هيطين عيشته ده ميفرقش معه اخوه ولا ابوه 😂😂😂)
ولكن جاء الصوت من خلفه يوضح له لماذا هما متنحين هكذا:-وانت صادق انا اللي هطلعك من الدنيا خالص
حمزة بصدمة 😨😨😨ودون ان ينتبه ان صوته عالي فقال:- احيييه خلاص نهايتك قربت يا حمزة خلاص هتودع الحياه وراح بص ناحية اسلام وحيات امك يا سلام يبقا قول الامي ابنك مات شهيد ودعيلوا دعوة حلوة كدة
اسلام وهو يحاول يكتم ضحكته علي كلامه كي لا يتعاقب من الشبح فقال بصوت واطي حتي لا يسمعة سوي حمزة:-اخرص يا حيوان حولت انبهك وانت ولا هنا
حمزة:-اسكت خالص ده الشبح هيموتني
ثم نظر اتجه احمد فقال له هو يبتلع ريقه خوفا من رد فعله:-يا فندم انا كنت بهزر مقصدش حاجة من اللي انا قولتها خالص
احمد بصوت مرعب:-مش عاوز اسمع صوتك بعد الكلام ده انت اول واحد هتبدأ التدريب النهارده ب1800ضغط وبطنه لوحدك عقابا ليك انت فاهم
حمزة وهو مازال مصدوم😨😨😨:-بس يا فندم ده كتير
احمد بدون اي تعبير علي وجهه:-خلاص عندك حق دول كتير عليك اوي هخليهم 2500ضغط وبطنه ولو اتكلمت مرة كمان هخليهم 3000 فيلا ابدا حالا عشان مش فاضي طول النهار ليك يلا ابدا يا عسكري
حمزة وهو علي وشك انه يبكي😲😲😲:-تمام يا فندم هبدأ حالا (كان فاكر بقا عشان اخوه هيبقا يعفوا عنه بس علي مين يا بابا ده الشبح بعزة جلالته😄😄😄)
*********************اللهم ما صلي علي محمد
في فيلا عيلة البحيري
يدلف اسر الي الداخل الفيلا بسيارته ثم ينزل اسر من السيارة ويدلف الي الداخل الفيلا فيجد والده يجلس في الصالون امام التلفاز فتوجه اليه
اسر وهو يمسك ايد والده ويقبلها:-ازيك يا حاج عامل ايه انهارده
محمد والد اسر وهو يبلغ من العمر خمسه وستون سنة وهو يحب اولاده حبا شديدا و كرس حياته كلها من اجل اولاده حيث انه كان يعمل كمهندس في شركة الشرقاوي كما انه كان يمسك فرع لها في الامارات وله علاقة وثيقة بين عائلة الشرقاوي حيث انه صديق العائلة ولكنة بعد طلوعه علي المعاش وهو حالته الصحية متدهوره وهو يضا مريض سكر
محمد ببتسامة:-الحمد الله يا حبيبي
اسر بجدية:-بابا انت اخذت العلاج بتاعك الصبح ولا لا
محمد:-ايوا يا بني سنية جبتهولي بعد الفطار
اسر:-ايوا كده امشي بنتظام علي العلاج عشان خاطري يا بابا
محمد بحزن قد ظهر علي ملامحه:-اسر سيبك من الكلام ده انت لسه معرفتش اي معلومة عنهم بردوا او حتي حد يدلك عليهم انا نفسي يا بني اشوفهم قبل ما موت
فقطعة اسر:-بعد الشر عليك يا بابا
فشاور له والده ان يصمت حتي يكمل كلامه:-شر ايه يا بني ده قضاء وقدر يعني مفيش حد هيفضل فينا عايش فانا نفسي انهم يعرفوا الحقيقة و يسمحوني عشان اموت وانا مرتاح
اسر وقد شعر بمدي حزن والده:-تعرف يا بابا انا كنت عمري ما اتوقع اني امي تعمل كده وان ده كله يطلع منها بس هنقول ايه ربنا يسمحها وانشاء الله يا بابا هنعرف مكانهم قريب اوي فمتشغلش بالك انت انشاء الله هيعرفوا الحقيقة كلها وانك مش انت للقولت الكلام ده وان الكلام ده كان عشان يفرقكم
محمد:-يارب يا اسر مر اكتر من سبع سنين من غير ما نعرف عنهم حاجه
اسر وهو يبتسم للولده:-ماشي يا حبيبي هطلع اغير هدومي وانزل نتغدي سوي ولا انت اتغديت من غيري
محمد وهو يبتسم وهو الاخر:-لا لسه متغديتش مستنيك تيجي ناكل سوي
اسر:-ماشي يا بابا اطلع انا بقا هغير واجي علي طول
محمد:-ماشي يا حبيبي
***********************
نرجع تاني لكلية الطب
بعد خروجهم من المدرج
سالي:-شوفتوا الدكتور المز اللي جاي عشان يدينا بدل الدكتور ابو دم ثقيل واخيرا الكلية ده هيبقا فيها حد عليه العين بدل الاشكال اللي بنشوفها
مليكة وقد اضايقت من كلامها فقالت بغضب:-ايه الكلام اللي انتي بتقوليه ده يا سالي علي فكرة مينفعش كدة
سالي بغضب هي الاخرة:-انتي حضرتك مضيقة ليه ما كل الدفعة النهاردة بتتكلم عن انه شاب حلوه و مز اوي جت عليا يا ختي وبعدين انت مالك اكلم ولا لا
مليكة بنفس الغضب:-واحنا لازم نقلد الكل حتي لو في لغلط وبعدين لازم نغض بصرنا عشان ربنا يبارك لينا في حياتنا
سالي بغضب هي الاخري:-مالكيش دعوه يا مليكة اغض نظري مغضهوش حاجة متخصكيش
دينا:-اهدوا يا جماعة
مليكة وهي مازالت غاضبة:-بصي يا دينا انا تعبانه دلوقتي مش قادرة اتكلم مع حد بس لو حد جاب سيرة الدكتور ده مرة تاني في كلام بينا مش هكلم حد فيكوا التاني مع السلامة
دينا بستغراب:-هي مالها ده قلبت مرة واحدة كده ليه
سالي:-مش عارفة بس براحتها انا مقولتش حاجة غلط
عند مليكة تقول لنفسها انا مالي اضيقت اوي كده ليه لما اتكلمت سالي عن الدكتور اسر انا مش عارفة ايه اللي انا عملته معاهم ده انا بكرة لازم اعتذر منهم دول مهما كان دول اصدقائي من ساعة ما دخلت الكلية
ثم ركبت سيارتها ونطلقت الي البيت
***************************
في منزل عم منصور
تصل عائشة اللي البيت فوجدت زوجة عمها تعد الغداء
عائشة:-ازيك يا سمسمة عاملة ايه
سميرة:-حمدلله علي السلامة يا حبيبتي عملتي ايه النهاردة
عائشة:-الحمد الله يا ماما قبلت المدير وقالي خلاص هتبدأ عملك من بكرة
سميرة بسعادة حيث انها تعتبر عائشة ابنتها التي لم تخلفها:-طب الف مبروك يا حبيبتي
عائشة:-الله يبارك فيكي بس قوليلي عمي و باسم موجودين ولا لا
سميرة:-عمك نزل النهاردة تحت يشم هواء نضيف بدل القاعدة في البيت اللي جبتله ملل وباسم لسة مجاش من الشغل
عائشة:-احسن حاجة ان عمي نزل تحت اهو يتسلي علي رأيك بدل قاعدة البيت الممله بصي يا سمسة انا هدخل اغير واجي اعمل معاكي الاكل
سميرة:-لا غيري انتي يا حبيبتي و ريحي انت لسه جايه من برا واكيد تعبانه لما اجهز الغدا والكل يجي هبقا انادي عليك
عائشه:-خلاص ماشي يا قلبي
ودخلت عائشة الي غرفتها وتذكرت مقابلتها مع المدير وكيف انصدمت لما عرفت ان مديرها شاب وكيف هو شاب وسيم للغاية حيث ان من يراه يعجب به سريعا بسبب وسامته الشديدة وذوقة العالي
عائشة لنفسه:-في ايه يا عائشة انتي هتتجني من الاول ولا ايه اثبتي كدة دا انتي اول يوم تشوفية وبعدبن مينفعش تبصي عليه كدة
ثم قالت بصوت مسموع:-انا احسنلي مفكرش فيه خالص و روح اغير و ريح شوية قبل الغدا
*****************************
في قصر الشرقاوي
تصل منة الي القصر في نفس التوقيت التي تصل به مليكة الي القصر
منة وهي تستغرب من شكل مليكة المضايق:-ايه يا مليكة مالك زعلانة لية في حد عاملك حاجه
مليكة وهي تحاول ان تداري ضيقها:-هو حد يقدر يكلم معايا نص كلمة انتي متعرفنيش ولا ايه
منة وهي تضحك:- هههههه ما هو ده اللي مجنني عشان انا عارفة ان مفيش حد يقدر يعملك حاجه فانتي زعلانه ليه
مليكة وهي تبتسم لها:-مفيش حاجة يا منه لو فيه حاجة كنت قولتلك انتي عارفة انا مش بداري حاجة عنك يلا عشان ندخل
منة:-مع اني عارفة انك مضايقة بس هعديها المرة دى يا مليكة ومش هضغط عليكي و يلا ندخل
ودخل الاثنين الي الداخل القصر
وعندما دخلوا الاثنين الي القصر تفاجئوا بوجود هدي والدة مليكه
مليكة بساعدة بالغة:-ماما وجرت عليها وحضنتها
ثم تابعت وقالت:-انتي جيتي امتي يا ماما وكمان جيتي كدة ومن غير ما تقوليلي انك جايه
هدي ببتسامة لابنتها:-اهدي يا حبيبتي خدي نفسيك الاول وبعدين اتكلمي
مليكة:-هي المفاجئة الجميلة ده عايزة انك تاخد نفس بجد وحشتيني اوي اوي اوي يا ماما
هدي:-وانتي اكتر يا روحي انتي عاملة ايه في حياتك من غيرنا
مليكة وهي تبتسم:- اديني عايشة ومستورة والحمد الله
هدي هوي تضحك علي كلام ابنتها:-هههههه ماشي يا لمضه
مليكة وهي تمثل الزعل:-ماشي يا ست ماما المهم بابا فين
هدي:-عاصم مجاش علي البيت راح الشركة علي طول
مليكة:-لما يجيلي بس
منة تبتسم وتبعد مليكة عنها:-اوعي كدة علي جمب يا حاجة انتي كفاية عليكي خليني اسلم علي البونيه
هدي وهي تضحك:-ههههههه ايه ده انتي اتعلمتي الكلام ده منين
منه وهي تحتضنها:-اتعلمت من الخلق الموجود في البيت ده المهم انتي عامله اية واحشاني اوي يا دودو
هدي:-والله انتي اكتر يا حبيبتي
منة:-بس ايه الحلاوة و جمال ده يا انطي لدراجتي الدول الاروبية بتعمل في الواحد كدة
هدي:-يا بكاشة هو انا كونت وحشه اوي كدة ولما سفرت احلويت
منة وهي تبتسم:-لا طبعا انتي طول عمرك قمر وللي يقول غير كدة يبقي ميعرفش حاجة
هدي:- حبيبتي ربنا يخليكي
ثم تابعت:-معلش يا جماعة هطلع انا اريح شويه عشان تعبانه خالص
هبة:-ماشي يا حبيبتي اتفضلي
فصعدت الي غرفته وصعدت كل من منه ومليكة الي غرفتهم لكي يستريحوا هما الاخرين