أسود العشق (قيد التعديل)

💙الفصل التاسع💙

*الفصل التاسع
*رواية اسود العشق
*بقلمي/اية سعد

يقفون بمفردهم في وسط المكان يتطلعون لبعضهم لبعض دون ان يتفوه اي منهم اللاخر بكلمة واحدة فهي تقول لنفسها انا تمنيت ان تنقذني وقد استجابت دعواتي ولكن لم اكن اعرف انك ستنقذني بهذه الطريقة ان تقول ليه اني زوجتك لكي يتركني وشأني رغم اني اضايقت كثيرا عندما ذكرت اني زوجتك ولكن احببت هذا رغم اني لا اعرف عنك شيءً ولكن انا معجبه بك كثير يا بطلي ولا اريد ان اعرف عنك شئ انا اريدك فقط ان تظل بجواري لتحميني من غدر الدينا وهو يقول لنفسه لا اعرف ماذا فعلتي بي لقد وقعت في حبك منذ ان لمحتك عيني رغم اني لا أومن بشئ اسمة حب ولكن معاكي انتي قد تغير الوضع وصرت اود ان تكوني لي ولكن يوجد عقبه في طريقي للوصول اليكي اني لا استطيع ان اعبر عن مشاعري لاحد حتي لو شخصا اعشقه بشدة فوجدت ان هذه الطريقة الوحيدة لكي تكوني زوجتي دون ان اعبر عن مشاعري لكي
نور وهي تمثل الغضب:-ايه اللي حضرتك قولته ده انت فاكر نفسك مين عشان تقول اني مراتك
احمد ببرود:-انا بعمل اللي انا عايزة من غير نقاش بس لو مش حابة الكلام دي ممكن تنادي عليه و تقوليلوا الحقيقة
نور وهي تصرخ فيه:-انت مجنون هو اية اللي تعمل اللي انت عايزة ده حياتي اللي دخلت فيها مش حياتك وبعدين حياتك انت اعمل فيها اللي انت عايزة حتي لو تولع في نفسك بس حياتي انا لا
احمد وهو بنفس البرود:-اوكي انا غلطان اني ادخلت كونت سيبتك ليه والله اعلم نيته كانت ايه
نور علي مضض:-اوكي شكرا ليك علي انقاذي و مع السلامة
احمد بغضب:-استني عندك انتي مجنونة انتي دلوقتي لو روحتي الفندق هو هيتبعك لانه متأكد ان احنا بنضحك عليه و احنا مش متجوزين اصلا ويبقا قبليني لو عرفتي تفلتي منه تاني
نور وهي تفكر في كلامة:-طب انا اعمل ايه دلوقتي
احمد:-هتيجي تقعدي معايا في الشالية لحد ما الاسبوع يخلص
نور بغضب شديد:-انت مجنون انت عايزني اجاي اقعد معاك في الشالية انت صدقت نفسك ولا اية علي فكرة انا كونت فاكرك انسان محترم بس طلعت انسان.....
فقاطعها احمد:-بااااس ايه الخراره اللي اتفتحت ده يا بنتي اسمعي للاخر وبعدين قراري انا مش لوحدي في الشاليه انا معايا اخواتي الاتنين وهما بنات وتقريبا هيكونوا في نفس سنك يعني انتي هتقعدي معاهم مش معايا ولو مش عجبك روحي اقعدي في الفندق وهو اكيد متابعك
يحاول احمد ان يضغط عليها كي توافق ان تأتي معه الي الشاليه الخاص بهم حتي تكون بأمان معه ويكون قلبه متطمئن عليها وهي معه في نفس المكان
نور وهي في حيرة من امرها في امامها خيارين لتذهب مع هذا الذي لا تعرف عنة شئ او لترمي نفسها لاكثر انسان تكرهه في حياتها كما انه شخص لا يوجد في قلبه معني الرحمة
وقد اتخذت نور قرارها فقالت:-خلاص اهجي اقعد معاكوا بس لو طلعت بتكدب عليا وانك مش معاك بنات مش هيحصل طيب ولازم حضرتك تستأذن من هيئة الجامعة اني مش هكون معاهم
احمد بنفاذ صبر:-حاضر وطمني انا عارف ربنا كويس جدا و مستحيل اضحك عليكي ويلا بقي عشان نروح الشالية ترتاحي
فذهبت نور معه دون ان تنطق بكلمة واحدة واثناء طريقهم للشالية اذا باحمد يلقي عليها سؤال يجعلها تغضب بشدة منة
حيث قال احمد:-يا تري ممكن اعرف هو الكائن الزج ده يعرفك منين وايه العلاقة اللي بينكم تخليه عايز ياخدك من وسط الكل كدة اكيد فيه حاجة تجمعك بيه عشان كدة واثق ان مفيش حد يقدر يمنعه انه ياخذك عادي
فأغضبها هذا السؤال بشدة فوقفت في منتصف الطريق وقالت له بصوت عالي:-حضرتك انت عايز ايه مني انت انقذتني منه وجاي دلوقتي تتهمني في شرفي لا انت انسان مش طبيعي متشكره اوي لمساعدتك بس كفايه اوي كدة ان مش هسمحلك انك تتدخل في حياتي الشخصية اكتر من كدة انت فاهم و مع السلامة ثم تركته لكي تذهب ولكن هو يمسك بيديها سريعا قبل ان تذهب ويضغط عليها جامد ويقول بغضب الشبح الذي لا يستطيع احد ان ينجو منه:-اول و اخر مرة صوتك يعلي عليا انتي فاهمة مش معني اني ساكتلك من الصبح معني كدة انك تستعبطي فيها انا ما برحمش حد يعلي صوته عليا
فحذري بعد كدة تعلي صوتك عليا فاهمة ويلا مفيش رجوع تاني انتي خلاص هتروحي معايا الشاليه غصب عنك او برضاكي مش هتفرق فيلا امشي وبلاش تجننيني اكتر من كدة
نور وهي تحاول ان تفلت يديها منه:-اهههه انت حيوان سيب ايدي وجعاني اوي و بعدين انا مش هروح معاك في حته سيبني بقي بدل ما قدم فيك شكويا وبعدين يبقا شوف هتعرف تطلع نفسك ازي لما اكتب فيك بلاغ بمحوله خطفي
احمد بستهزاء:-يبقا روحي قدمي بلاغ وقوللهم ان اللي خطفني هو احمد الشرقاوي عايزة حاجة تاني ياستي بس يلا امشي دلوقتي عشان انا مش فاضيلك طول اليوم
نور بغضب:-انا مش عارفة انت جايب كل البرود دي منين وبعدين واثق اوي اني هرضي اروح معاك تاني بعد اللي انتي قولته انا مش رايحة مع حد في حتي ولو هيحصل ايه
فترك يديها وقال لها:-اتفضلي روحي انا بعتذر اني عطلتك ثم تركها وذهب في طريقة وتركها بمفردها
وقفت نور تمسك يديها التي كانت في يديه وتدليكها فقالت بحزن علي ما حصل معها منذ قليل:-انا كونت فاكرة انك انسان شهم وطيب وانك بتساعدني بجد ولكن اتضح ليا انك عكس ذلك ولكن قطع تفكيرها عندما رأت هشام يقف يتابعها من بعيد فقالت لنفسها فعلا دي بيتابعنا من بعيد ليري هل هذا الكلام الذي قيل له صحيح ام لا عن زواجها
فقرارت نور الرجوع سريعا الي من اطلق علي نفسه زوجها لانها لا تريد ان تقع مع هذا الكائن الذي لا يريد سوي ان يشبع رغبته فقط
فنادت نور باعلي صوتها وهي تجري:-أحمد احمد
فتوقف احمد فقال في نفسه:-كونت متاكد انك هترجعي
فرجع احمد لها وقال لها بصوت يظهر عليه الغضب:-نعم عايزة ايه تاني
نور بترجي:-انا اسفة علي الكلام اللي قولته ليك بس انا مش عاوزة يعرف اني انا وانت مش مش يعني متجوزين عشان هو انسان مش عاوز مني حاجة غير انه...
وقد ظهر عليها الارتباك لانها لا تعرف كيف تقول له ماذا يريد منها هذا الشخص ولكن احمد فهم ما تود ان تقول ليه وقد تضايق كثيرا كيف لهذا الحيوان ان يفكر مجرد تفكير ان يلمسها او يمد يديه عليها كيف يريد ان يلمس ملاكه هذا ولكن لا يعرف مع من اوقع نفسه فقرار ان يذهبه الي الجحيم لانه فكر ان يضايق ملاكة
فخرج صوت احمد اخير:-خلاص انا قبلت اعتذارك بس يلا عشان نمشي من المكان ده
ونطلق هما الاثنين في طريقهم حتي وصلوا الي الشاليه
***************************
في غرفة ادم
يتذكر ادم ما حدث معه منذ يومين عندما كان في بيت هشام
*فلاش باك*
ادم:-متخافش يا هشام انا مش هموتك هي حبيتك انت فلازم تفضل معها اما انا
ثم وجهه ادم المسدس اتجاه راسه وقال:-انا اللي لازم اموت عشان اخلص من الحياتي عشان انا حياتي مالهاش لازمة من غيرها ثم بدأ برفع يديه عن الزند تتدرجيا
هشام بصدمة:-اددددددم لاااااااااااا بلاش تهور ثم جرى عليه ورفع المسدس من علي راسه في اخر لحظه فنطلق طلقه من المسدس ولكن لا تستقر في جسد اي منهما ولكن يكون مكان استقرارهاهو سقف المنزل
ويتجمع علي اثرها جميع من في هذه العمارة ولكن هشام استطاع ان يبرر لهم انه مجرد شيء وقع منه فقط رغم انهم لم يصدقون كلامه ولكن تركوه علي راحته
وبعد ان غادروا الجميع اذا
هشام يقول لادم بغضب:-انت مجنون يا ادم عايز تموت نفسك وتموت كافر عشان بنت حتي لو بتموت فيها
ادم بحزن:-بس انا حياتي مالهاش معني من غيرها فطالما انا مش هموت يبقي انتي اللي لازم تموت ثم مسك ادم مسدسة مرة اخري و وجهه اتجاه راس هشام
هشام وهو يبتلع ريقه:-اهدي يا ادم بلاش تهور يعني انت لتموت كافر لتتدخل السجن نتفاهم مع بعض الاول
ادم:-بس انا معنديش تفاهم انا موافق اني اسيبك تعيش بس مقابل انك تتصل عليهم وتقولهم كل شئ نصيب
هشام:-بس انا مقدرش اعمل كده انا بظلمها طالما هي مش بتحبك هتتجوزها بالغصب
ادم بغضب:- مالكش فيه اتجوزها ازاي المهم انك تتركوا بعض وبعدين انا اتصرف ليبقي مفيش غير حل واحد ادامي انك تموت واخلص منك ثم بدأ يضغط علي الزند وفي هذه الحظة يصرخ هشام ويقول:-خلاص انا موافق اني اعمل كدة
ادم وهو يبتسم:-خلاص طلع فونك دلوقتي و اتصل عليهم وقولهم زي ما قولتلك
هشام:-طب احنا لسه قرأين الفتحة النهاردة هتصل عليهم دلوقتي وقولهم كل شئ نصيب ازاي هيقولوا اني مثلا بلعب عليهم وكونت بهزر طب نستني يومين كدة وبعدين اتصل عليهم
واخذ ادم يدور هذا الكلام في دماغه وعلم ان كلامه صواب حتي لا يشك احدا في الامر انه مضغوط عليه كي يتركها
ادم:-خلاص انا موافق بس اي لعب من ورايا مش هيحصلك طيب انا هحط حراسة تتابعك انت رايح فين وانت جاي من منين و هعمل متابعة لخطك واي خط تاني هتجيبه عشان لو حولت انك تكلمها او تهرب مني وبعد يومين هكون عندك هنا هتتصل عليهم ادامي انت فاهم
هشام:-فاهم
ثم تركه ادم وغادر منزله وهو في قلبه امل ان تعود اليه محبوبته اليه مرة اخري
هشام بحزن:-انا مش عارف ايه اللي حصل ده انا يوم ما احب وحده يكون في حد مجنون بيها لهذه الدرجة بس لازم اعترف لنفسي انه بيحبها بجد ولازم يكون لحبهم فرصة تاني وليه ميكونش هي كمان بتحبة بس مش مبينه انها بتحبه ولما اتقدمت ليها وافقت عشان تبتعد عن التفكير فيه او تحطة ادام الامر الواقع انا لازم اسيبها مينفعش اني اكمل معها و إلا حياتنا مش هتمشي مع بعض
*باك*
ادم لنفسه:-انا مش عارف اني اللي انا عملته مع هشام صح ولا لا انا لحظت انه انسان محترم جدا وكان لازم اتعامل معه معامله غير اني اخوفه بالمسدس ثم تابع كلامه بحزن انا كونت لازم اعمل معه كدة عشان يسبها لاني مقدرش عيش من غيرها ثم قرار ان يذهب ليه لانه حدد ليه ميعاد بعد يومين وقد مرة اليومين وعليه الذهاب اليه الان فغير ادم ملابسه ورتدي ملابس خروج ونزل الي اسفل الي حيث سيارته وركب ادم سيارته وانطلق الي بيت هشام كي ينهي هذا الموضوع وبعد فترة وصل ادم الي العمارة التي يسكن بها هشام فركن سيارته ثم صعد ادم الي شقته وطرق الباب فلا من مجيب وظل يتطرق الباب حتي زهق فقرار ان يقتح الباب بطريقتة وينتظره في الداخل وبالفعل نجح ادم في فتح الباب وداخل وجلس في الصالون في انتظر قدومه وما هي اللي قليل حتي أتي هشام الي بيته وبمجرد ما فتح الباب فنصدم من وجود ادم امامه
ادم:-اهلا وسهلا اكيد تفاجئت اني هنا
هشام بهدءو عكس ما بداخله:-لا عادي انا كونت متوقع انك تيجي النهاردة وانا مستعد اني اعمل اللي انت عايزة
ادم دون اي تعبير علي وجهه:-طب يلا زي الشاطر كدة اتصل وخلصني من الموضوع ده
هشام بحزن:-حاضر ثم اخرج هاتفه و اتصل علي والد اسيل فرد والدها
والد اسيل:-السلام عليكم يا بني
هشام:-وعليكم السلام يا عمي
والد اسيل:-فيه حاحة ولا ايه يا هشام
هشام بحزن يبان في صوته:-بصراحة يا عمي كونت عايز اقولك اني..... ثم نظر اتجاه ادم فوجده يمسك له المسدس
والد اسيل بقلق من حالة هشام:-ايه يا بني فيه حاجة
هشام ويبتلع ريقه:-بصراحة يا عمي انا واسيل مش هينفع نكمل مع بعض فمعلش يا عمي كل شئ نصيب
والد اسيل:-ونعمه بالله يا بني واكيد مش هسألك ايه السبب لان دي حريه شخصية و ربنا يرزقك ببنت الحلال اللي تقدر تكمل معها
هشام:-شكرا يا عمي مع السلامة
والد اسيل:-مع السلامة
وبعد ان اغلق الخط اذا بهشام يقول لادم:-انا عملت اللي انتي قولتلي عليه بس اكيد ان مش مبسوط باللي انا عملته مع اسيل
ادم ببرود ولا كانه قال له شيئاً:-انت كدة شاطر عشان سمعت الكلام بس اخر تحذير ليك انك لو حولت تلعب من وراه ظهري يبقى انت اللي جاني علي نفسك
هشام:-متخافش انا خلاص مش عايز اسيل وان شاء الله يا ادم اسيل هتكون من نصيبك وهتطلع بتحبك زي ما بتحبها و ان شاء الله هتبقي حياتكم حلوة مع بعض والف مبروك مقدما
ادم بفرحة من كلام هشام فذهب اليه وحضنة:-بصراحة انت انسان محترم جدا يعني بعد اللي عملته معاك ده كلة بتتمني ليا الاخير وانا بجد اسف علي اللي عملته معاك بس دي من حبي ليها مش اكتر وانت لازم تفهم كدة
هشام:-ولا يهمك يا ادم انا عارف كويس لما بتكون بتحب وحدة وحد تاني يخدها غيرك بيبقي الوحد عامل ازاي بيكون عايز يولع في الدنيا كلها عشان انا جربت قبلك بس سيبك من الكلام دي احنا اكيد هنكون اصحاب مش مجرد تعارف بس
ادم:-اكيد يا هشام هنكون اصحاب واحلا اصحاب كمان
هشام:-انشاء الله
ادم:-اسيبك انا بقي عشان ترتاح مع السلامة
هشام:-مع السلامة
وغادر ادم المنزل وهو قلبه مرتاح لانه لم يخسر حبيبته ولم يخسر شخصاً محترماً مثل هشام
************************
في شركة الشرقاوي
بعد ان انتهوا هما الاثنين من قرأت المشروع الجديد عن ماذا يتكلم ومتي سيبدأون في تنفيذه
سيف بجدية:-كدة احنا عرفنا المشروع ده بيتكلم عن اية و دلوقتي هنبدء بقي في المشروع بصي في واحد مننا هينزل يتابع المشروع في الموقع نفسه و واحد هيقعد هنا يتلقي التعليمات ويقوم برسم تصميم المشروع ولازم يكون فيه دعم كبير بينا عشان المشروع ينجح بما انه اول مشروع لينا لازم ننجح فيه يا جنة فلازم يكون تعاون بينا ماشي
جنة بجدية هي الاخري:-اوكي اكيد انا كمان عايزة المشروع ينجح عشان عمي يعرف اننا اقد المسئوليه بس عمي عاصم كان بيقول ان فيه مهندس اكبر منا هو اللي هيشرف علينا عشان احنا مش عندنا لسه اي فكرة عن عمل المشروع من الاول للاخر و ده طبعا اول مشروع لينا فمين المهندس ده
سيف:-المهندس هيكون ادهم هو اللي هيشرف علينا بس لما ينزل من السفر كان قايل ليهم انه هينزل بعد يومين من نزلهم مصر بس حصلت مشكلة خلته يتأخر في النزول ثم تابع بستهزاء:-الا صحيح انا بقولك الكلام ده ليه هو مش المفروض ادهم ده يبقا ابن عمك يعني المفروض عارفة عنه كل حاجة
جنة:-وانا اظن انا سألتك بس مين المهندس اللي هيشرف علينا وانت اللي حكيت كل الكلام ده انا مالي بس انا مبسوطة اوي لان ادهم هو اللي هيشرف علينا
سيف:-ماشي يا ختي المهم انا اللي هنزل الموقع وانتي هظبطي كل حاجة هنا
جنة بطفوليه:-وحياتك يا سيف عايزة انزل انا الموقع وانت اقعد هنا وعمل انت التصميم
سيف بغضب:-وحيات امك عايزة تنزلي انتي و تتعاملي مع الرجاله وانا اقعد هنا ليه شيفاني سوسو ادامك
جنة:-لا مش شيفاك سوسو انا شايفاك سيف حبي.....وهنا وضعت يديها علي فمها لكي تمنع نفسها ان تكمل هذه الكلمة ثم قالت في نفسها انتي غبية يا جنة كنتي خلاص هتفضحي نفسك وصمت سيف ايضا في هذه الحظة وقاله في نفسه هل كانت ستقول لي اني سيف حبيبها ولا هذا كان مجرد تهيئ لي لاني اريد ذالك فقال لها بعينيه كم هو يحبها