أسود العشق (قيد التعديل)

اقتبااااس من الجزء الثاني

بنات علقوا علي الفقرات نفسها عشان اعرف رأيكم بجد
🌸🌸🌸🌸🌸🌸🌸🌸🌸

تهب الرياح من حيث لا تشتهي وتأخذ ما امامها ولا تفرق بين الغني والفقير

يجلس عدي علي ضفة النهر وينظر في اتجاه الافاق البعيدة بكسرة وقلة حيله و دقات قلبه تعلوا وتهبط بشدة، فيغمض عينه بحزن شديد لما قد و صلوا إليه، فقد تدمر كل شيء في لحظة واحده و اصبحوا بمفردهم في هذه الحياة، فهذه الرياح قد جرفت كل شيء امامها ولم يتبقي اثار لاي شيء من بعدها، فسقطت دمعه هاربه منه عندما تذكر ما حدث منذ اكثر من عشرة سنوات.

وفي هذا الوقت يأتي مالك ويجلس بجواره وينظر له بحزن لانه يعرف بما يفكر في هذا الوقت.

فمالك صاحب النظرات الحادة التي تشبه نظرات الصقر، ويملك ذكاء فذ لا يملكة الكثيرون، فهو يملك العديد من صفات والده احمد الشرقاوي لا بل يملكها كلها وليس كثيراً منها فقط، فهو النسخة المصغرة عنه في كل شيء، وكذلك عدي يشبه كثيراً فهما وجهان لعملة واحدة، ولكن كل منهم له شكله الخاص الذي يميزه.

مالك وهو يقول بغلظه=عدي لازم نرجع في اقرب وقت، كل حاجة خلاص بقت جاهزة هناك، ومستنيه اشارة مننا، لازم نرجع عشان ننتقم من كان السبب في دمار عيلتنا

عدي بحدة=ورحمة امي و ابويا لاخليه ما يعرف يتهنى بعد كدة، لا خليه يتمني الموت وميعرفش يحصل عليه ابدا

فقال مالك بغضب=وحياتك يا عدي لاخليه يبوس رجلي عشان ارحمه وعفوا عنه بس مش هيحصل ابداً

عدي و الدموع تلمع في عينه=الانتقام بتاعنا مش هيكون انتقام عادي لا انتقام هيأخد في وشه الاخضر واليابس، عشان نرجع حق كل لحظة وكل دقيقة من الزل اللي اهلنا شافوها واحنا كنا عجزين اننا ننقذهم

مالك وهو يتخيل كل ما حدث منذ عشر سنوات وكأنه سيناريو يمر امام عينه فقال بجمود=احنا هنرجع من جديد بس هنرجع بشكل وشخصية جديدة خالص، احنا ولاد الشرقاوي اللي عمرهم ما يقبلوا الهزيمة ابدا

فبتسم له عدي ابتسامة رائعة، ثم ارتمي داخل حضنه فهما الاثنين قوة واحدة ولن يستطيع احد ان يهزمهم مهما حدث طول ما هما متحدين معاً.

عدي&مالك
<< لعنة انتقام الوحوش>>

*اولاً انا عملت تغير بسيط انا غيرت اسم محمود بأسم مالك.

*ثانياً ايه رأيكم في الاقتباس الصغير ده و ياتري ايه اللي حصل وما هذا التغير العجيب الذي حدث وهل مات الشبح بالفعل ام يوجد شيئاً اخر لا نعرفة.

*ثالثاً /ايه رأيكم في اسم الجزء الثاني     انتقام الوحوش، حلو ولا لا ولو عندكم رأي تاني ياريت تقولولي😍😍

*أخيراً بقا ان الجزء التاني هيكون لوحدة مش مع الجزء الاول وانا اخر النهار  هنشر المقدمة بتاعته وهنزل اقتباسات لكل جزء من الرواية لحد ما تنزل اساسي.

اللي متابع الجزء الثاني يثبت نفسه بتعليق يا حلوين لان الاحداث بتاعته هتكون مختلفة و نااااااااار بمعني الكلمه، اتمني ألاقي تعليقات كتيرة علي الفصل مش زي كل مرة بلاقي تلاتين او اربعين تعليق بس، عشان اتشجع ونزل الجزء التاني.

اتمني يعجبكم واسفة لاني طولت عليكم🙈🙈🙈