Unicode
"ရှောင်းကျန့် "
လှမ်းခေါ်လိုက်တဲ့အသံကြောင့်ဖုန်းခေါ်ဖို့ပြင်ရာကနေမော့ကြည့်လိုက်တော့ပြုံးမိတယ်မပြောင်းလဲလောက်ဘူးထင်ထားတဲ့သူလည်းပြောင်းလဲသွားပြီပဲ...
ဆံပင်တိုနဲ့အတူ suitအနီဝတ်ထားတဲ့ယန်းလီကအရင်ကနဲ့မတူပဲပိုပြီးလူကြီးဆန်ပြီးရင့်ကျက်သည့်အမျိုးသမီးတစ်ဦးဖြစ်လို့နေပြီ...
မောင်နှမဆိုသည့်အတိုင်းအမြဲရန်ဖြစ်နေပေမယ့်ယနေ့တော့ထူးထူးဆန်းဆန်းရင်ထဲဝမ်းနည်းဝမ်းသာခံစားချက်နှင့်အတူ မျက်ရည်တွေလည်းဝေ့တက်လာသလို...
ယန်းလီဆီသို့လျှောက်လာသောခြေလှမ်းတို့ကတဖြည်းဖြည်းခပ်စိတ်စိတ်ကနေခပ်ကျဲကျဲသို့ပြောင်းလာပြီးပခုံးပေါ်မှလျောကျလာသောအိတ်ကိုလည်းဂရုမစိုက်မိတော့ ..
သွေးသားတွေကတကယ်ထူးဆန်းတယ် ခါတိုင်းဖက်ရင်တောင်တိုးထုတ်နေတတ်တဲ့ကျဲကအခုတော့လက်ကားထားပြီးဖက်ဖို့အသင့်ပြင်ပြီးစောင့်ကြိုနေသည်...
နွေးထွေးသောရင်ခွင်ထဲသို့ရောက်သွားသည်နှင့်အတူကျဲရဲ့ကိုယ်သေးသေးလေးကလည်းသူ့ဆီနစ်မြုပ်နေပြီပခုံးအသာပုတ်ပေးရင်း
"ပြန်လာတာကောင်းတယ် အိမ်ပြန်လာတာကောင်းတယ် .."
အသံတုန်ရီရီနဲ့ပြောသောကျဲကြောင့်အောင့်ထားသောမျက်ရည်တို့ကစီးကျလာသည်
ဖက်နေရာမှခွာလိုက်ပြီး.."မတွေ့တဲ့ငါးနှစ်ခြောက်နှစ်အတွင်းကျဲပိုပုသွားတာလား"
"ခွေးကောင်လေး နင်ပဲလူကောင်ကြီးကြီးလာပြီးတော့ "
တခဏတာတိတ်ဆိတ်သွားရင်း
နှစ်ယောက်လည်းမျက်ရည်တွေသုတ်ပြီးဘာရယ်အကြောင်းပြချက်မရှိရယ်သံတို့ထွက်ပေါ်လာသည်..."ကဲလာ အိမ်မှာမားစောင့်နေပြီ ကားထဲသွားရအောင် ပြီးတော့ခုနကဒရမ်မာရိုက်ပြီးပြီဆိုတော့အိတ်ပြန်သွားကောက်လိုက်အုန်း "
ခုနကရင့်ကျက်တယ်ဆိုတဲ့စကားအင်း ပြန်ရုတ်သိမ်းမယ် ငါ့အမကရုပ်သာပုံစံသာပြောင်းတာအကျင့်ကတော့အရင်လိုပဲ ကောင်းမလာဘူး
YOU ARE READING
One sided love
Teen Fictionအချိန်ကစကားပြောမှာပါဆိုတဲ့စိတ်နဲ့ မင်းကိုမေ့ပစ်ချင်တာအမြဲပါပဲ...