Unicode
My Ugly Girl
( အပိုင်း - ၁၃ )
တောက်!
ကျောင်းအနောက်က အဆောင်ပျက်မှာ မိုးမမြင်လေမမြင် အနမ်းတွေ ဝေနေသော ချစ်သူနှစ်ဦးကို ကြည့်ရင်း ဆုမြတ်မှာ ဒေါသပင်လယ်ဝေနေရသည် ။ ဒေါသတကြီး တက်ခေါက်ရင်း ချောင်းကြည့်နေရာမှ ထွက်ခဲ့တော့သည် ။
ဟိုတစ်ခါ ဆုမြတ်နှင့် ရှင်းသန့် ပြသနာဖြစ်တုန်းက ရောက်လာသည့် သူ ။ သူက အခန်းရှေ့မှာ ရှင်းသန့်၏ လက်ကို ဆွဲပြီး ထွက်သွားသည် ။ ခဏအကြာ စစ်မင်းကပါ လိုက်သွားတာကြောင့် ဆုမြတ်သည် စစ်မင်း၏ နောက်မှ တိတ်တဆိတ် လိုက်ခဲ့သည် ။ စစ်မင်းနှင့် ထိုသူတို့ ပြသနာဖြစ်နေတာလည်း အကုန်မြင်သည် ။ ရှင်းသန့်လို ရုပ်ဆိုးမကြောင့် ရန်ဖြစ်နေတာကို မြင်ရတာ အော့နှလုံးနာလှသည် ။
ဆုမြတ် ကားရပ်ထားရာ အဆောင်ရှေ့သို့ ပြန်လာခဲ့သည် ။ အဆောင်ရှေ့မှာ မထင်မှတ်ထားသော သူတစ်ယောက်ကို တွေ့လိုက်ရသည် ။ သူကတော့ ရှင်းသန့်၏ အစ်မ နွယ်နီပင် ။
ဆုမြတ်ကို မြင်တော့ ပြုံးပြီး အနားသို့ ရောက်လာသည် ။
"ရှင်းသန့်တို့ အတန်းထဲကမဟုတ်လား "
ဆုမြတ် ခေါင်းညိတ်လိုက်သည် ။ နွယ်နီက အချောလှဖြစ်ပြီး ကျောင်းမှာ နာမည်ကြီးပင် ။ ဆုမြတ် မျက်မှန်းတန်းမိသလို ရှိသည့်အပြင် ဟိုရက်က ရှင်းသန့်ကို အတန်းမှာ လာရှာသေးသည် ။ အဲ့သည်အချိန်တုန်းက သူပဲ နွယ်နီ့ကို စကားပြောခဲ့တာဖြစ်သည် ။
"ဟုတ်တယ် မနွယ်နီ "
"ရှင်းသန့် အိမ်ပြန်သွားပြီလား "
"မပြန်သေးပါဘူး ။ ကျောင်းအနောက်ဘက်မှာ..."
ဆုမြတ်က ခုနတွေ့ခဲ့တာကို ပြန်တွေးမိပြီး မျက်နှာရှုံ့မဲ့သွားသည် ။
"သူက ဘာလုပ်နေတာလဲ "
"သူ့ရည်းစားနဲ့ ကြည်နူးနေတာလေ "
ဆုမြတ် စကားဆုံးတော့ နွယ်နီက မျက်ခုံးတွန့်သွားသည် ။ ဆုမြတ် သိရသလောက် နွယ်နီ နှင့် ရှင်းသန့်က ညီမအရင်းမဟုတ် ၊ ထို့ပြင် မြင်တွေ့ရသလောက် ဆက်ဆံရေးက သိပ်မကောင်း ။ စစ်မင်းကြောင့် ဆုမြတ်က ရှင်းသန့်ကို ဘာမှ မလုပ်နိုင်ပေမယ့် နွယ်နီကတော့ လုပ်နိုင်သည် ။ ထို့ကြောင့် နွယ်နီ့ကို အသုံးချပြီး ရှင်းသန့်ကို စစ်မင်း၏ အနားက ပထုတ်လို့ရနိုင်တာပဲ မဟုတ်လား ။
YOU ARE READING
My Ugly Girl ( Completed)
Romanceသူများစုံတွဲတွေ ကြည်နူးနေတာကို ကြည့်ပြီး အားကျနေရသူ ရှင်းသန့် ။ တုံးအပြီး ရိုးသားတဲ့ ရုပ်ဆိုးမလေး ရှင်းသန့်ရဲ့ ဘဝထဲ ကောင်လေးချောချောလေး နှစ်ယောက် ရောက်လာတဲ့အခါ ဘာတွေ ပြောင်းလဲသွားမလဲ ။တွေ့ကြုံလာရတဲ့ အခက်အခဲတွေအပြင် မနာလိုမှု ၊ အထင်လွဲမှု တွေကြားမှ...
