[GODSFORRENT Special] Seven-Minute Semblance in Quarantine

Chatroom #20

[Zweihänder's Chicklings Chatroom:]

Macey: MGA BAKLAAAAAAAAA

Macey: MGA BES MAY CHIKA AKO HAHAHAHAHA

Zweihänder: OMG ANO

Macey: Kanina nag-deliver ako ng cake sa bahay nina Sir Lance!

Excalibur: Ako nag-deliver ng manok!

Zweihänder: Manok tapos cake tapos tinanong kami kanina ni Sir kung anong handa ko nung 19 ako...

Zweihänder: Tumatanda na si Sir Lance at gusto n'yang maranasang maging bata ulit?

Macey: Hindi! May nakita kaming nakakagulat!

Zweihänder: Pink na kiddie bike ba?

Excalibur: Nakita ko rin 'yon pero hindi 'yon ang kinagulat ko.

Macey: Mga beeeesss HAAHHAHAHAHAA

Clarent: Ang tagal mong magkwento Macey!

Ichaival: Macey tingin ko hindi mo dapat i-kwento 'yung mga nakita mo kung private 'yon.

Macey:

Excalibur:

Clarent:

Zweihänder:

Macey: Ok so ganito kasi 'yon, mga bakla. Nung pagka-deliver ko, may nakita akong bangka sa garden ni sir!

Excalibur: 'DI BAAAA

Clarent: Hindi mo akalaing makakakita ka ng bangka sa bahay ni Sir!

Zweihänder: Anong klaseng bangka? Malaki? Sailboat? Canoe? Airboat? Dinghy? Banana boat?

Zweihänder: Magli-lista pa ako ng boats na alam ko para ipamukha sa inyong marami akong alam tungkol sa mga bangka.

Ichaival: Ako naman maraming alam sa bangkay, gusto mong maging isa, Zwei?

Zweihänder: Anong klaseng bangka, Macey?

Excalibur: Canoe yata 'yon Zwei.

Zweihänder: Americanoe

Clarent: Bakit kapag kay Zwei nanggaling nakakalagas ng buhok ang kakornihan?

Zweihänder: Canoenihan?

Excalibur: Par, cute pa 'yung kanina pero 'yung ngayon literal na korny na.

Zweihänder: Excanoebur

Ichaival: Please stop.

Macey: Nakakawalang-gana 'yung kakornihan.

Zweihänder: So...

Zweihänder: Pang-isahan o dalawahan 'yung canoe?

Macey: Dalawahan!

Excalibur: At base sa pintura at gasgas nung bangka, madalas magamit 'yung canoe tuwing summer!

Zweihänder: Pangdalawahang canoe na madalas magamit tuwing summer... sabi na nga ba't may jowawits si Sir Lance!

Ichaival: Zwei tingin ko hindi mo dapat pakialaman ang love life ni Sir Lance.

Zweihänder: Val nakikita kitang nagse-search sa FB ni Sir Lance.

Ichaival: Ang boto ko ay si Ms. Reyes.

Macey: Doon ako kay Ms. Cruz ng Finance.

Excalibur: Bakit s'ya?

Macey: Laging nakangiti si Sir Lance kapag humaharap kay Ms. Cruz!