Жонгүг инээд алдсаар дараагийн зургийг харвал яг дэбут хийхийн өмнөх өдрийн зураг байх нь тэр.
-"Энэ өдөр ч үнэхээр янзтай байсан шүү!" Жонгүг мөн адил Тэхёны дүрсийг харсаар гараараа имрээд удалгүй зургийн цомгийг өөр лүүгээ дөхүүлэн нэг үнсээд авав.
-"Ах аа. Маргааш бид дэбут хийнэ гэхээр ер итгэхгүй юм. Та яаж байна?" Тэд барилгын дээвэр дээр од тоолон суух ба Жонгүг гэнэт л чангаар инээсээр ийн хэлэхэд Тэхён ч мөн инээгээд түүнийг өхөөрдсөн харцаар харан
-"Би бас итгэж өгөхгүй л байна" гэвэл Жонгүг түүн рүү ч мөн хараад
-"Тийм байгаа биз? Миний бүр гар салганаад...энэ хар аа" гэсээр гараа Тэхёнд харуулсанд Тэхён харах биш бүр бариад атгачхав.
-"Ах аа?" Жонгүг түүний гэнэтийн үйлдэлд гайхсаар дуудвал Тэхён дээш хараад
-"Вуаах, гадаа ч үнэхээр сайхан байна шүү. Тэр лав миний од байх аа" хэмээсээр хойш хэвтэн, тэгэх замаараа түүний гарыг салаавчлан атгалаа.
-"Гэх--" Жонгүг бүр ч гайхан гараа татсаар юм хэлэх гэхэд Тэхён дээш харсан хэвээр
-"Харин чиний од миний зүрхэнд байгаа" гэх нь тэр.
-"Чиний од миний зүрхэнд байгаа" Жонгүг өмнөхөө дурссан аятай ийн хэлээд юу ч юм гөлрөн томоос том инээмсэглэл нүүрэндээ тодруулах аж.
Тэр эцэст нь ухаан оров бололтой толгойгоо сэгсрэн
-"Ёстой нэг.. энэ зурагнууд ч намайг үнэхээр цусгүй алж байх шив!" гэсээр хажуудах сөжүнээсээ хэд хэд балгалаад эргэн зурагнуудыг үзлээ.
-"Өүүвв, гайхалтай! Энэ одоо хүртэл байдаг хэрэг үү?" Түүний гартаа барих энэ зураг бол дэбутийн үеийнх бөгөөд тэд бараг л шантарч байхдаа авхуулж байсан юм.
-"Бид чадна аа! Ах нараа! Намжүүн ах аа, та хэл л дээ?" Жонгүг нүдэндээ нулимс цийлэгнүүлсээр ийн хэлээд Намжүүн рүү харахад Намжүүн толгой гудайлган
-"Би үнэхээр мэдэхгүй байна! Энэ хэвээрээ байвал бид мөнгө олохоос илүүтэй өрөнд орсоор байгаад л таарах нь байна шүү дээ!" гэсэнд Жонгүг учиргүй уйлаад эхлэх нь тэр. Түүнийг харсан Тэхён хурдхан шиг гүйн очоод хацрыг нь арчсаар, бусад руугаа муухай харан
-"Түүнийг битгий уйлуулаад бай! Мэдэв үү! Хүний амин эрдэнэ уйлуулж хаяад зүгээр!" гээд эргэн Жонгүг рүү хараад
-"Миний туулай, битгий уйл за юу? Бид тарахгүй ээ! Амлъя" гэсэнд Жонгүг шууд л уйлахаа болин
-"Үнэхээр үү?" хэмээхэд Тэхён инээд алдан хацар дээр нь үнсээд
-"Тийм ээ" гэв.
-"Аахх, та ч үнэхээр шилдэг нь байсан шүү!" Жонгүг инээсээр хэлсэн ч төд удалгүй санаа алдсаар
-"Та байгаагүй бол бид одоо ийм байх байсан болов уу?" хэмээгээд дээш харан нүдээ анин суулаа. Магадгүй түүний аниастай нүднээс ч нулимс урсан байгааг дурдах хэрэгтэй байх...
YOU ARE READING
•Daddy• |✔︎|
Fantasy"23 цаг орчмын үед Big Hit Labels суваг хакерт өртсөн хэмээн шуугиж байсан бол яг 30 минутын өмнө 45 сая захиалагчтай Big Hit Labels сувагт шинэхэн бичлэг орсоноор олон нийтийн дургүйцлийг ихээр хүргэж байна. Тухайн бичлэгт 2 эрэгтэй хүмүүсийн дотно...