Peridot

Pahina 11

Agosto 11, 1965
Miyerkules        

Mahal kong talaarawan,

     Pasensya na at puro kalungkutan na lamang ang aking isinusulat sa iyo. Wala kasi akong mapagsabihan ng aking mga nararamdaman.

     Dalawang araw. Dalawang araw na ang nakalilipas simula nang pagtaksilan ako ni Alejandro. At isang araw na ang nakalilipas mula noong lumisan si Perla.

     Ang kabiyak ng aking puso at ang kapatid ng aking pagkatao... Sila'y tila mga magnanakaw na tinakam ako sa kanilang pagmamahal at sa huli'y ninakaw ang aking kaligayahan at iniwan akong lumuluha at nagdurusa.

     Talaarawan, hindi ko na nais pang mabuhay. Ang dalawa sa aking pinakamamahal ay nilisan na ako. Wala na akong masasandalan pa. Hindi ba't mas mabuting maglaho na lamang ako na parang isang bula?

- Peridot